2е Тимофею 4:7 - Новый Завет на эскимосском языке

⁷ Пилъюўа̄ма̄қа пинилӷӣ пилъюўалъық, апыӷӣӷақа килга̄қулъқа, ата̄сӣӷмысимаңинақа̄гуңа Атаныӷмун.

2е Тимофею 4:7 Iomraidhean Croise

От Луки 11:28

Иўырңа Иисусым пика̄: «Итупилъ, қуястаӷақа̄гут тама̄кут Кияӷныӷым акузитаңи нагалъюки қа̄ткыхкаңит!»

От Луки 8:15

Ынка̄м пӣтутыт тыкиткат сюнакыхтакун успутңа̄т нагатканун Кияӷныӷым акузитаңаның. Нықамикақӣтлъю пинилӷӣкун ипапиҳқыңъалӷӣкун илюмыхтыхун. Нагныӷақут қа̄ткылъюки акузитаңи ынка̄м пӣтыстыкастун аюқут пӣтысқуҳлъялӷӣт пинилӷӣның».

От Иоанна 17:6

Лӣтыстыкақақа натытулын югнун тагивақаҳпынун нунамың хўакын. Лъпык пиксяқытын тагивақаҳтын хўаңамнун. Қа̄ткыхкақӣт акузитытын.

От Иоанна 4:34

Иисусым пикӣ: «Нықыка қа̄ткутылъҳӯқ каяхтикамың хўаңамның, апыӷӣӷысқылъюкулъю қыпҳақақ тагивақани хўаңамнун.

Деяния 13:25

Иоанным қыпҳақани та̄қсяҳтуңыстаӷлюку пика̄гуқ: “Кинаңунилюңа пӣқыстыңъа? Хўаңаңунӷитуқ утақакаҳси. Киңумның тагияҳқа̄гуқ а̄ңыҳлъялӷӣ, рыпалъ хўаңа пининӷитуңа сиңӣнун итымтистыңулюңа”.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

К Галатам 2:2

Кияӷныӷым лӣгикыста̄ңа Иерусалимытысқылъюңа. Ка̄сямта ухпықат иглыӷутистыңинӣт қырңуӷутаҳтысқанка. Таўани уңипамсюгутанка натын язычнигнун уңипақилъымның Пинилӷӣның Уңипаның. Таўатын пика̄гуңа лю̄рақ та̄кут иглыӷутистыт апыҳтуӷилъҳынка тымңиңунинаюкатки сивунӷанилъю, ма̄тынлъю.

К Филиппийцам 1:30

Пилъюўалгусиҳтыңъа. Сивунӷани ысҳапакақаҳпысиңа пияқлъӣлӷӣңа, нагақуқақасилъю пияқлъӣлъҳынка ма̄тын. Лъпысилъю тама̄кут ата̄сит пияқлъӣӷуткынъақңўа̄си.

1е Тимофею 1:18

Тимофейеми иӷнымни, қавңақ иляңита ӯкналиқистыт акузиткыхкақа̄тын. Ынка̄м ма̄тын қылӷамкын акузитаңит гӯтуткики пилъюўамун. Таўатын пинитун пилъюўаҳлъықутын Христосымун.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

1е Тимофею 6:20

Тимофей, кылыңаклъюки тама̄кут Кияӷныӷым ныӷьюкуткӣ лъпынун. Иқитңалютын ухпықа̄нӷилңӯтнъын тымңитхўаның акузитңитныңлъю, а̄ҳтӣра̄ӷутылъҳитныңлъю. Тама̄кут ухпықа̄нӷилңӯт сюмыӷмыхни лӣсималъыпӣлгунӣқут, иўырңа ипаңунӷитуқ.

2е Тимофею 1:14

Кылыңакигу ипапилъық ныӷьюкуткақ лъпынун. Кылыңакигу каюткылъюкык Аглыӷналӷӣк Таӷныӷак кияҳлъыҳӣк илюмнъи.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Откровение 3:8

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.