2е Тимофею 4:1 - Новый Завет на эскимосском языке

¹ Христос Иисус тагикуми иглыӷутиналюни Атаныҳпагулъыӷмини, нанқихлъықӣ уңувалӷӣтлъю туқукатлъю. Ынка̄м нагасиманӷыхкыни Кияӷныӷылъю, Христос Иисусылъю, қылӷамкын

2е Тимофею 4:1 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Луки 19:12

Пикӣ: «А̄ңўа̄қ ю̄к аӷуляқумалӷӣ уяванун нунамун умӣлгуҳналюни, апыӷӣқуми утыӷниӷьяҳқа̄люни.

От Луки 19:15

Иўырңа Умӣлыхпига̄м а̄ңўа̄қ ю̄к умӣлгуҳтыстыка̄. Утыӷниӷлюни нунаминун тахсиқлъиқӣ қыпҳаҳтыт манилиткани лӣгикналюки натын аңка̄н алъхыӷусиматаңи.

От Луки 23:42

Та̄хкын Иисус пика̄: «Иисус, нықамикнакывңа Умӣлгулютын тагикувык!»

Деяния 10:42

Та̄хкын каяхтыкақӣлъю уңипақысқылъюку Пинилӷӣ Уңипақ, а̄пҳысқыхка̄гуқлъю Кияӷныӷмун накмикыхкақнилюни нанқихтистыңулюни уңувалӷӣнунлъю, туқуканунлъю.

Деяния 17:31

Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

К Колоссянам 3:4

Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

1е Тимофею 5:21

Тама̄кут қылгутанка лъпынун қа̄ткысқылъюки, пакихутифқа̄вык налиӷмың танӣлъқифқа̄вык писқылъютын. Таўатын қылӷамкын ысҳа̄манӷитни Кияӷныӷымлъю, Христос Иисусымлъю, накмикыхкатнилъю яқулгытни.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 2:14

Китумун алңунак пуйгустыхпынаки тама̄кут. Кияӷныӷым нагасиманӷани, кылыңася̄ҳқи қаниқутуткыфқӣта акузитыт писқылъюки. Қаниқутылъҳат каютңуна̄нӷитуқ, на̄фқыңъинаҳлъықа̄т ухпықилъҳат нагалъҳӣт.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Петра 4:5

Иўырңа сялъытың лъңитның катам апыӷьяҳқақӣт Кияӷныӷмун, нанқихтияқлъыхӣнаӷмун уңувалӷӣныңлъю, туқуканыңлъю.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

2е Петра 1:11

Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.

2е Петра 1:17

Иисусым алъхыҳтақңагу қӯлвалъықлъю, ниӷуҳқылъықлъю Кияӷныӷмың Атамың, нагақуқақа̄ мыңа Кияӷныӷым, Қулиҳпига̄лӷӣ Ниӷуҳқыңъаҳлъяк. Атам пикақа̄: «Унаңӯқ пиниқыпихтыкыхка Иӷнықа, ыфқуқыпихтыкыхка».

1е Иоанна 2:28

Таӷнуҳамни, Христосымытыкыстаҳтык ынка̄м ука алӣқан илютуяҳқа̄люта, ӣӷнақыфқа̄мта кайңуюгым лъңаның пилӷа̄кут таўани Аӷныӷми тагилъҳани.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.