2е Тимофею 3:8 - Новый Завет на эскимосском языке

⁸ Тама̄кут апыҳтуӷилӷӣт лъңитнун кипулъхина̄ҳлъықа̄т ипапилъық, катам Ианнийым Иамврийым кипулъхина̄лъҳыхкытун Моисей. Умьюгаҳлъю̄хлъықут, ухпықилъҳатлъю ипаңунӷилъықуқ.

2е Тимофею 3:8 Iomraidhean Croise

Деяния 15:24

Нагақӯма̄кут юмтаңуқ иляңита такулюси сямың пилюси сыӷлыӷьюхтыкақӣсилъю, кукшагьюхтыкақӣсилъю. Нақамлъю хўаңкута таўатын писқумаңитапут.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 4:2

Таўатылңӯт апыҳтӯсят иқлъыңалӷӣның пиңӯт. Иқлъыңиқылъытың а̄пҳақӣт ипапихсюгниҳқылъюки. Наганъаниқақӣт умьюгатың лӣсимакилӷӣт ылъқуӷутңалъыӷмыңлъю, анахутңалъыӷмыңлъю.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

2е Тимофею 4:15

Лъпыклъю кылыңаклъюку таўатын пинаюкаңатын қаюҳлъяк уңипаҳпут угумикыпихта̄.

К Титу 1:10

Угля̄пихтут қа̄ткусюгигалңӯт, тымңи акузилӷӣт пӯҳтилӷӣт илямыхның, кияң тама̄куңӯт апыҳтуӷилӷӣт язычнигыт ухпықӣт обрезанияҳқа̄нилюки.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

Откровение 2:20

Иўырңа укуңӯт тыңвимун аюқыхканка лъпысинун: Аӷулӣҳнъыӷитаҳси аӷнақ Иезавель апыҳтуӷилӷӣ ипаңунӷилңуӷның. Ӯкналиқыстыңунӣқуқ Кияӷныӷмун. Иўырңа апыҳтуӷилъыӷмикун пӯҳтақӣ югынка развратысқылъюки, ныӷысқылъюкилъю нықыт аҳқуткыхкат кияӷныңлъяқанун.

Откровение 2:6

Иўырңа уна пинитун пилъқаҳси: угумикаси пӣқыхкаңит Николайем малихся̄ҳтыңита, катам хўаңа угумикылъымтун.