2е Тимофею 3:5 - Новый Завет на эскимосском языке

⁵ Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

2е Тимофею 3:5 Iomraidhean Croise

От Матфея 7:15

«Кылыңалюси ӯкналиқистысиӷўа̄ӷның. Такулъықӣси пынъӣҳсюгниҳқылъютың, та̄ўаңинақ угиҳсялӷӣстун ама̄стун аюқут.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

2е Фессалоникийцам 3:14

Кина алңунак қа̄ткусюнӷилъкан сямың пилъымнъун укутхун письмотхун, сю̄мқынъакыси кинкуңутаңи. Ынка̄м иқитңалӷа̄си лъңаның кайңуюгысқылъюку анахутылъҳаның.

2е Фессалоникийцам 3:6

Ухпықа̄лгутымнъи, а̄тҳакун Атанымта Иисус Христосым қылӷамси иқитңасқылъюси тамаҳӣтның ухпықа̄лгутыхпысиның иҳсяниталӷӣныңлъю, малиҳқутақигалңуӷныңлъю апыҳтӯткамнъың лъпысинун.

1е Тимофею 4:7

Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

1е Тимофею 5:8

Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

2е Тимофею 2:16

Иқитңалютын тымңитхўаның, сямың писӣнӷилңуӷның алыҳқӯтылъыӷның. Таўатылңӯт алыҳқӯтылъҳыт уява̄таӷаҳлъықӣт югыт Кияӷныӷмың.

2е Тимофею 2:23

Иқитңалютын тымңитхўаның алыҳқӯтылъҳитның югыт акузиткилӷӣның лӣгикумаңилъкымыхның. Лӣсимакатын а̄ҳтӣра̄ӷутыстикаюгӯт.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Титу 3:10

Кина алңунак а̄фқӯтыстилӷӣ кылыңася̄ӷнакын ата̄симың налиӷмың алӷиӷлюку. Наганъыӷилъкан пыхнакын.