2е Тимофею 3:3 - Новый Завет на эскимосском языке

³ Пиниқина̄нӷитут, сыӷывутина̄нӷитут, иқлъыңиқуткилъықут, сю̄хлъюгулъықут, амьюқытиқылъықут, угумикылъықа̄тлъю сяңўа̄ алңунак пинилӷӣ.

2е Тимофею 3:3 Iomraidhean Croise

От Матфея 10:21

Югыт лъмың катам аңлыгутытың туқутыслъықӣт, ататлъю авақутатың таўатын пияҳқақӣт. Авақутат аңуйӣлъюки аңаюқатың туқутыслъықӣт.

От Матфея 4:1

Та̄хкын Аглыӷналӷӣм Таӷныӷам аӷуляқутка̄ Иисус килга̄нун, Туӷныӷаӷмун сыӷлыҳқыснақуткысқылъюку.

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Луки 16:14

Фарисеит маниюныҳпалъю̄т нагасямыхтыху тама̄на қамахлъюку, лыгасӣӷўа̄ткыхка̄т Иисус.

От Иоанна 6:70

Та̄хкын Иисусым пикӣ: «Накмикыхкақақа қуля ма̄лӷук сӣпнықлъюку малихся̄ҳтыкаҳқақ, лъпысиңӯт. Иўырңа налиҳси ата̄сиқ туӷныӷа̄гуқ».

К Римлянам 1:29

Алъя̄ҳӣнаӷмың сыӷлыӷмың пимаңинаӷақут, сыӷлыҳқақут, пакигныӷӯт, угумикытаҳтутлъю. Ақинакытаҳтут, юхтаӷьюныҳтӯт, пилъюўаӷьюныҳтӯт, пӯҳтиюныҳтӯт, сюмыҳтаӷа̄ткақӣтлъю илятың сыӷлыпигулюки. Йӣлъхӣқут,

К Римлянам 1:31

налъю̄т, акықусятың атуқигатӣт, наңлъыгьюгигатут, нафуҳтӣтақутлъю илямыхнун.

1е Коринфянам 7:5

Ныңуҳсимакуфси иҳсякутыхпынаси. Ўыткуқун итагнақулъюси атуқусяҳқа̄фқа̄фси қафсинат унугыт юӷаӷатаӷаӷналюси. Та̄хкын атуқунъықихлъыҳа̄си нанӷӣқулъыңнаюкафси Туӷныӷаӷмың қаюҳлъяк нуқысяҳқа̄наниқа̄лӷӣси.

1е Коринфянам 7:9

Иўырңа ю̄к пиниӷатаӷаӷнаяҳтуқ нулиҳтуӷлюни нуқытыпагниңилңуқ аӷнаӷьюлъыӷминың. Аӷнақлъю пиниӷатаӷаӷнаяҳтуқ угӣӷлюни нуқытыпагныңилңуқ югьюлъыӷминың. Пиниӷатаӷаӷнаяҳтуси ныңуҳлъюси нанӷӣқулъыңылъыҳқаҳпысиның блудамун.

1е Фессалоникийцам 4:8

Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.

1е Тимофею 3:11

Таўатыҳпигақ аӷнатлъю пиниӷлюки акузиткысяҳқа̄гут, йӣлъхияҳқа̄нӷитут, иўырңа нуқынъыҳтуяҳқа̄гут, ата̄сӣӷмысяҳқа̄гутлъю сякун тамаҳа̄кун.

К Титу 1:8

Итупилъ упуӷанӷуяҳқа̄гуқ, пиниқистыкаҳқақа̄ пинилъҳым. Нуқынъыҳтуяҳқа̄гуқ, ылъқуӷутңаяҳқа̄гуқ, таӷныӷагмикун пылюңисяҳқа̄гуқ, нуқытутияҳқа̄гуқ алңунак сыӷлыӷмың.

К Титу 2:3

Таўатыҳпигақ апыҳтуҳқи нуйыклъӣт аӷнат кияҳтысқылъюки тӯнңалюки Кияӷныӷмун. Сыӷлытун акузиткысяҳқақынӷитӣт илятың, налиӷмың мыӷыҳлъяфқӣта виномың. Апыҳтуӷияҳқа̄гут пинитун кияҳта̄лъыҳқамың,

От Иакова 2:6

Иўырңа лъпыси аклъюма̄лӷӣт югыт укалӣстақаси. Лӣсимакаси аклъюңилңӯт пияқлъӣҳқақӣси, агля̄тақлъюси нанқихтивигмун.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

2е Петра 2:19

Апыҳтуӷистысиӷўа̄ӷыт уңипа̄ткақӣт тама̄кут югыт итымңанилюки сямун алңунак пиюкылъҳитнун, лъңит катам итымңаңунӷитыӷңа̄ӷмың. Қыпҳаҳтыля̄ӷӯт сыӷлыҳқылъыӷмыхнун ынка̄м сыӷлыҳқылъҳита на̄фқысяқлъыгўӣ. Ю̄к қыпҳаҳтыля̄ӷӯқ алңунак сямун иглықатақилӷӣмың лъңанун.

2е Петра 3:3

Лӣгикңўа̄ӷьяҳқақаҳси уна: киңулиӷни аӷныӷни лыгасӣӷўаҳтылгуяҳқа̄гуқ; тама̄куңӯт малиҳқутақңалӷӣт сыӷлыӷнун пиюкыхкамыхнун. Лыгасӣӷўа̄ткылъықа̄т Кияӷныӷым акықуся̄,

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.

От Иуды 1:18

Уңипа̄ткақӣси хўатын: «Киңулиӷни аӷныӷни ныңляӷьюхсяҳтылгуяҳқа̄гуқ Кияӷныӷым ипапиҳқылъҳаның аюқылӷӣның. Сяңўа̄т алңунак югусим пиюкылъҳи атуқсюныӷмыхтыки пӣқӣт».

Откровение 13:15

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ аныӷныңыстияҳқа̄люни уңувалъыӷмың наңаӷныӷанун тыӷикусялъю̄гым. Ынка̄м наңаӷнық акузияқлъыгуҳтуқ. Та̄хкын наңаӷныӷым қылӷӣ югыт туқуқӣсқылъюки тама̄кут манигӯсюнӷилңӯт лъңанун.

Откровение 13:17

Кина алңунак тукфиӷияҳқа̄нӷитуқ налиӷмың акикияҳқа̄нӷитуқ ўыткуқун налъюнӣлъылгукуми. Та̄на налъюнӣлъкутақ тыӷикусялъю̄гым а̄тқа̄ налиӷмың а̄тҳан числока̄.

Откровение 16:6

Югыт туқуқуқақӣт юхтын, ӯкналиқистытынлъю, ынка̄м мыӷьяҳқалитатын а̄ўмың. Таўатын аӷью̄ӷьяҳқа̄лютың лъмыхның алъхыҳтыкақа̄т!»

Откровение 17:6

Ысҳаӷақа аӷнақ сю̄мылӷӣ а̄ўитның Кияӷныӷым югита, а̄ўитныңлъю туқуқуқат қаюҳлъяк ата̄сӣӷмылңӯт Иисусымун. Ысҳаӷлюку аӷнақ сяӷӣӷаюхлъяхтуңа.