2е Тимофею 3:2 - Новый Завет на эскимосском языке

² Югыт лъмыхның пиниқылъықут, маниюныҳтулъықут, ямшатулъықут, а̄ңа̄юхлъықутлъю. Сыӷлықӯҳлъықӣт илятың, қа̄ткынъа̄нӷитӣт аңаюқатың, игамсиқаюгна̄нӷитут, ўа̄кнаниҳлъықа̄тлъю Кияӷнық.

2е Тимофею 3:2 Iomraidhean Croise

От Луки 12:15

Та̄хкын қамахлъюки пикӣ: «Кылыңалюси алъя̄ҳӣнаӷмың пакигнӣҳтылъыӷмың, қаюҳлъяк югым уңувалъыҳпига̄ сяӷьӣҳтылъыҳқун аюқынӷитуқ».

От Луки 16:14

Фарисеит маниюныҳпалъю̄т нагасямыхтыху тама̄на қамахлъюку, лыгасӣӷўа̄ткыхка̄т Иисус.

От Луки 6:35

Иўырңа пиниқлъюки аңуяси, пинитун пӣқитык, навӷитӣқитыклъю, сиӷимакыхпынаки выӷутылъыҳқӣт. Акилыҳтӯсяҳқалыхлъягӯси, авақутӣстунлъю Кияӷныҳлъягым пилъықуси, қаюҳлъяк наңлъыхтаҳтуқ игамсиқаюгигалңуӷнунлъю, сыӷлытунлъю пистынун.

Деяния 5:36

Нықамикынӷистыхӯ қавңанҳақ Февда пика̄лӷӣ иглыӷутыстыҳлъягунилюни. Ынка̄м 400 ю̄к малихся̄ӷикақ лъңаның. Иўырңа Февда туқусятху малихся̄ҳтыңи қимагӯткат, талўа китум алңунак алъямыңлъю акузиткысюгумаңилъкаңат.

К Римлянам 11:18

Сюмыҳтаӷаҳпынаси пиниӷатаӷаӷнилюси аваяның айымтыканың. Қука̄юхтыхпынаси, қаюҳлъяк аваяра̄ӷина̄гуси. Акут икнақуҳтысигатаси, акӯгут икнақуҳсяӷилӷӣт лъпысиның.

2е Коринфянам 5:15

Христосым туқуматкыхкақӣ қамахтыңъўа̄ӷлюки югыт. Ынка̄м кияҳлъыҳӣт кияҳсяқлъыгулъықут лъңанун, нака̄н лъмыхнун катам. Туқулюни уңуваҳтыка̄гуқ лъңит апалъюқлъюки.

К Филиппийцам 2:21

Тама̄кут иляңи кияң лъңитның катам сюмыҳтаӷа̄ткақут Иисус Христосым қыпҳақа̄ авылӷаӷлюку.

К Колоссянам 3:5

Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ.

2е Фессалоникийцам 2:4

Та̄м югым кипулъхина̄ҳлъықӣ кияӷныңлъяқат налиӷмың манигуӷьяҳқат, тама̄куның лъңаның қулиҳпига̄ҳсяҳқа̄гуқ. Ынка̄ңам итыӷлюни Кияӷныӷым Храмыңанун ақумлюни Кияӷныӷунилъықуқ.

1е Тимофею 1:20

Именейелъю, Александрлъю тама̄кут акулңитнитук. Тӯныхкақахка Туӷныӷаӷмун лӣтысқылъюкык сыӷлыпыста̄тун акузиткыфқа̄н Кияӷнық писқылъюку.

1е Тимофею 1:9

Лӣсимакапут Лӣлиҳтӯсят улима̄ӷунӷитут пинилӷӣнун югнун. Улима̄ӷӯт лӣлиҳтӯсяның на̄фқӣкаюгнун, қа̄ткусигалңуӷнунлъю. Улима̄ӷӯт Кияӷныӷьюгигалңуӷнун, сыӷлыҳқыстынунлъю. Улима̄ӷӯт ўа̄кигалңуӷнун Кияӷныӷмың, лыгасӣӷўа̄ткилӷӣнунлъю аглыӷналӷӣнун. Улима̄ӷӯт туқутикаюгнун атамыхның налиӷмың на̄мыхның, юхтаҳтынунлъю.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

1е Тимофею 6:4

Кина алңунак алъятун апыҳтуӷилӷӣ а̄ңа̄югныҳлъягӯқ, лӣгикигатуқ сямың алңунак. А̄ҳтӣра̄ӷьюныҳтӯқлъю, қаниқсюныҳтӯқлъю акузитның. Таўатын пилъҳым алъхыҳтақӣ: ақиналъық, аӷиватылъық, сыӷлықӯӷутылъық, ухпықунъанилъық.

2е Тимофею 3:4

Увыҳпагулъықӣт илятың, наңьӣӷулъықут, қука̄юхтыҳлъяхлъықут, тыӷигниқылъық пиниқатаӷаҳлъықа̄т пакихулъюку Кияӷныӷмың.

От Иакова 2:8

Кияӷныӷым Атаныҳпагулъҳан Лӣлиҳтӯся̄ уна̄ңуқ: «Пиниқлъюку юлгутын пиниқылъыҳпытун лъпынун катам». Қа̄тқыхкуфсигу та̄на Лӣлиҳтӯсяқ, та̄ўа пинитун пӣси.

От Иакова 4:16

Таўатын пинӷилъкуфси а̄ңа̄юхлъықусилъю, қанаңулъықусилъю. Тама̄кут а̄ңа̄юхтылъҳыт сыӷлыӷӯт.

От Иакова 4:6

Тама̄кын апалъюқлъюку Кияӷныӷым каюсӣтаӷаӷақӣлъю нуқытутысқылъюки пиюкылъылюпут. Иўырңа Акузитыт Игақыхкат пӣт: «Кияӷныӷым каюсиӷақӣ қусывыгңалӷӣт пӯру кипулъыгмун пӣқӣ қука̄югныӷыт».

1е Петра 5:5

Таўатыҳпигақ лъпыси уюқлъиӷни малиҳқутақлъюси сӣванлъыӷнун. Қамахлъюси қусывгутулъюси қаюҳлъяк Акузитыт Игақыхкат пика̄гут: «Кияӷныӷым кипулъыгмун аюқӣ қука̄югныӷыт, иўырңа каюсиӷақӣ қусывыгңалӷӣт».

2е Петра 2:10

Та̄на аӷью̄лъық кияң тама̄кунун аюқуқ малигулъҳӣнун югусимың сыӷлытун пиюкылъыҳлъягитнун, қа̄ткусюгигалңуӷнунлъю китумун алңунак. Тама̄кут апыҳтуӷистысиӷўа̄ӷыт тытугигатутлъю, лъмиңуюгныӷӯтлъю. Алиңыхпынатың сыӷлықӯӷақӣт ниӷугракыхтат.

2е Петра 2:12

Иўырңа тама̄кут апыҳтуӷистысиӷўа̄ӷыт сыӷлықӯӷақӣт сяңўа̄т лӣгикыхпынаки. Тыӷикусястун сюмыҳтаӷаҳпагниңилңӯгут. Туқутылъыңылъықут тыӷикусястун алъхыӷлютың тыӷихтуӷлюки туқутка̄т.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.

Откровение 13:1

Та̄хкын ысҳаӷақа тыӷикусялъю̄к а̄нылӷӣ кылъӣмың. Қуляңуфтут сиӷунӷи, ма̄ӷраӷвинлык на̄сқулык. Қамахлъютың сиӷунӷи қаҳпалгутутыфтут, тамаҳаӷмың на̄сқут игақуӷвикңафтут атыӷмың сыӷлықӯлӷӣмың Кияӷныӷмун.

Откровение 16:11

Сяңӯҳтыҳлъяга̄т Кияӷныӷа қилягым апалъюқлъюку ақниҳқылъыӷмыхныңлъю, пупихта̄лъыӷмыхныңлъю. Авутыҳқынӷитутлъю сыӷлытун пилъыӷмыхның.

Откровение 16:21

Кафтыкшагрухлъягыт ю̄к талъимат уқихтуткавзилӷӣт қилягамың ифкақӯтут югнун. Ынка̄м тама̄кут югыт сяңӯҳтыҳлъяга̄т Кияӷнық апалъюқлъюки кафтыкшагрухлъягыт. Та̄на сыӷлылӣлъыҳлъяк сыӷлыпигулӷӣ.

Откровение 16:9

Сиқинӷым угуқнаҳлъяган паныҳтыстӣ югыт. Ынка̄м сяңӯҳтыҳлъяга̄т а̄тҳа Кияӷныӷым, иглыӷутистыңутаңаның тама̄вык сыӷлылӣлъыҳлъягнун. Авутыҳқынӷитутлъю, усюқынӷита̄тлъю Кияӷныӷым а̄ңылъыҳлъяга.