2е Тимофею 3:17 - Новый Завет на эскимосском языке

¹⁷ Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

2е Тимофею 3:17 Iomraidhean Croise

Деяния 9:36

Иоппиямиңуқ та̄ўа ухпықақ аӷнақ а̄тҳа Тавифа, (Грегыстун Серна, хўатын писиқ, қуйңиқ), қӯнпың каюсиӷимаҳлъяк, кияң тама̄кунун аклъюмалӷӣнун.

2е Коринфянам 9:8

Кияӷныӷым тӯньяқлъыгўӣси аклъюкыхкаҳпысиның қа̄йӷулъюку. Ынка̄м ӣўлың сямың алңунак пилгулъықуси, сӣпңа̄нлъю каюсӣтысқылъюки иляси.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

2е Тимофею 2:21

Кина алңунак лъминың катам пылюңиҳсяқуми сыӷлыӷмың, сялӷутаҳтун атуҳқа̄ҳлъықуқ мыгнуналӷӣмун. А̄фтыка̄ҳлъықуқ атӯлюни мыңтыӷам юганун. Та̄хкын атуҳқа̄ҳлъықуқ алңунак пинилӷӣмун қыпҳақамун.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Евреям 10:24

Йықай сюмыҳтаӷа̄лъта натын қӣлңумиӷусяҳқа̄люта пиниқсяҳқа̄люки илят, пинитунлъю пияҳқа̄люта.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.