2е Тимофею 3:16 - Новый Завет на эскимосском языке

¹⁶ Қамахлъютың Акузитыт Игақыхкат Кияӷныӷым аныӷзӣлъқӣ. Ынка̄м апыҳтуӷисиҳқа̄гут, аӷью̄ӷусиҳқа̄гут, налъҳуся̄сиҳқа̄гут анахутылъыӷмун, апыҳтуӷисиҳқа̄гутлъю пинитун кияҳта̄лъыҳқамун.

2е Тимофею 3:16 Iomraidhean Croise

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Матфея 21:42

Иисусым пикӣ: «Атиҳтӣгастыкӣ Акузитыт Игақыхкат хўатын пилъҳит? “Уйӷак та̄на мыңтыӷаңлъяҳтыт иҳсякыхка̄т мыгнуналъыҳпига̄ҳтыка̄гуқ уйӷак. Та̄на Атанӷым пилъқа̄, ураң пинилъыҳпига̄гуқ хўаңкунъун!”

От Матфея 22:43

Иисусым а̄птыкӣ: «Сяңанңам Давидым акузӣқңами Аглыӷналӷӣгныкун Таӷныӷагныкун атиҳтагу: “Атаныӷмың”? Хўатын пика̄лӷӣ:

От Матфея 26:54

Иўырңа таўатын пина̄нӷитуңа қаюҳлъяк Акузитыт Игақыхкат апыӷӣӷьяҳқа̄лӷӣт игақылъыӷмыгыстун».

От Матфея 26:56

Иўырңа қамахлъютың тама̄кут таўатын пиңӯт, апыӷӣӷналюки ӯкналиқистыт игақыхкӣт Акузитни Игақыхкани». Та̄хкын қамахлъютың малихся̄ҳтыт унилъюку қимагӯткат.

От Марка 12:24

Иисусым кӣмсиқӣ: «Сюмыҳтаӷалъыси анахутңа̄т қаюҳлъяк лӣгикигалъкыси Акузитыт Игақыхкат, налъюкыхкысилъю Кияӷныӷым аҳтуӷьяҳқа̄нӷилъҳа.

От Марка 12:36

Аглыӷналӷӣм Таӷныӷам Давид хўатын пистыкақа̄: “Атанӷым пӣ Атанқа: Ақуми хўагун аӷынқигнымкун кынляңа аңуяхтын итыгаҳпык асиңанун лъӣҳтылъымнун”.

От Иоанна 10:35

Лӣсимакапут Акузитыт Игақыхкат алъяңуҳсяҳқа̄нӷитут. Акузитни Игақыхкани Кияӷныӷым кияӷныӷунимакаки

От Иоанна 3:20

Китум алңунак сыӷлытун пикаюгым угумика̄ ниӷук, ынка̄м тагина̄нӷитуқ ниӷугмун сыӷлытун пилъыни ысҳаӷнаюкатки.

Деяния 1:16

«Ухпықа̄лгутымни, нықамикаҳси қыпҳалгутфут Иуда, Иисусым накмикыхка̄. Аюмирухлъяк Аглыӷналӷӣм Таӷныӷам ӯкналиқуткыхкақа̄ Давидыкун. Та̄на ӯкналиқылъық апыӷӣқа̄гуқ Иудам увыҳпагутақңагу Иисус. Иисусым тугӣстыңи Иудам маӷьяҳқуқақӣ, ынка̄м акилыҳтӯсяңыхка̄гуқ манимың. Та̄хкын акилыҳтӯсяминың нунаңлюни қымитка̄гуқ лъминың таўани. Югусӣ ифкаӷьялӷӣми қӯпаҳтыкақ рыпалъ иӷныӷит а̄нқаҳлъютың. Иерусалимыӷмӣт нагақуӷьямыхтыху туқуматаңа таўани нунами, атиқа̄т та̄на нуна Акелдамамың, хўатын писиқ: “Нуна а̄ӷўқыхкақ”».

Деяния 18:25

Сялин Александриямылъюку китум апыҳтуқақыхкаңа Атанӷым тумаңаның. Ынка̄м сягиқыпихлъюни акузиткыңъукаңалъю, апыҳтӯсяқңукаңалъю ылъқуӷаҳлъюку Иисус, апыҳтӯсӣлъю. Нақам лӣсимакыхкаңа крестиӷылъық Иоанным апыҳтӯтылъҳӣна̄тун аюқылӷӣ.

Деяния 20:20

Иўырңа лӣсимакаҳси нуқытусигатанка сяңўа̄т каюткаҳқаси уңипақинымни, апыҳтунымси юхтуқамилъю, ныхпысинилъю.

Деяния 20:27

қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун.

Деяния 28:25

Ынка̄м а̄ҳтӣра̄ӷуткат. Ныкывӯтақутлъю а̄нлыӷа̄нъалютың Павелым пикӣ: «Аглыӷналӷӣк Таӷныӷак ипа пималӷӣк сивуныҳпысигун ӯкналиқистыкун Исаиякун.

К Римлянам 15:4

Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта.

К Римлянам 2:20

Сюмыҳпыни налъҳусяҳтыңунӣқутын налъю̄қанун, апыҳтуӷистыңунӣқутыңлъю таӷнуҳаӷнун. Лӣлиҳтӯсялгутыхпының, сюмыҳпыни лӣсимакнилюку сяңўа̄ тамаҳа̄н пӣқан, қамахлъюкилъю ипапилъық.

К Римлянам 3:2

Угля̄пихтут аныӷныҳқусит! Сивулиҳпигақ Кияӷныӷым ныӷьюкуткақӣ Иудеянун Акузитыт Игақыхкат.

К Римлянам 4:23

Та̄кут акузитыт: «Кияӷныӷым тугуклъиқақа̄ ылъқуӷутңалюку», игақыхка̄гут нака̄н Авраамыңинаӷмун,

1е Коринфянам 12:7

Аглыӷналӷӣм Таӷныӷам лӣтыстыкаюга̄ аҳтуӷьяҳқа̄нӷилъыни ухпықатхун тунусялиткамикун. Тунусят китумун алңунак пиниҳқусиҳқа̄гут.

К Галатам 3:8

Акузитыт Игақыхкат а̄пқыстақақа̄т Кияӷныӷмун налъҳусяӷнақнилюки язычнигыт ылъқуӷутңалъыӷминун ухпықилъҳитхун. Ныӷиӷлюку Кияӷныӷым а̄пқақа̄ та̄на Пинилӷӣ Уңипақ Авраамымун, хўатын пӣқңами: «Қамахтыңъўа̄ӷлютың нунам рамкыңи қуястылъыңнақңӯт лъпыгун».

2е Тимофею 2:25

Атанӷым қыпҳаҳтыңа кавьюгисяҳқа̄гуқ апыҳтуӷикуми кипулъхина̄лӷӣнун. Ўалъю̄млъю Кияӷныӷым авутыҳқыстақлъики ухпықысқылъюку ипапилъық.

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.

К Евреям 11:1

Ухпықилъҳым лӣсимакыстыңъўа̄ӷӣлъю алъхыҳсяҳқақнилюку сиӷмакыхкаҳпут, ипапиҳқусигуқ ысҳаӷьяҳқақынӷилъкымнъун.

К Евреям 3:7

Ынка̄ңам катам таўатын Аглыӷналӷӣк Таӷныӷак пӣк: «Аӷныӷми хўани нагақуқуфсигу Кияӷныӷым мыңа,

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.