2е Тимофею 3:15 - Новый Завет на эскимосском языке

¹⁵ Има таӷнуҳа̄тыхпының лӣсимакыхкақатын аглыӷналӷӣт Акузитыт Игақыхкат. Акузитыт Игақыхкат апыҳтуӷьяқлъыгўа̄тын югулилъыҳқамың ухпықилъыҳпыгун Христос Иисусыкун.

2е Тимофею 3:15 Iomraidhean Croise

От Матфея 22:29

Иисусым кӣмсиқӣ: «Анахутңа̄си қаюҳлъяк лӣгикигатаси Акузитыт Игақыхкат, талўа аҳтуӷьяҳқа̄нӷилъҳа Кияӷныӷым.

От Луки 1:15

қаюҳлъяк лъңа қыпҳаҳтыкыҳлъяхлъықа̄ Атанӷым. Мыӷьяҳқа̄нӷитуқ виномың, налиӷмың сю̄мналӷӣмың ақимлымың, имиӷңаяҳқа̄гуқлъю Аглыӷналӷӣгның Таӷныӷагның талўа алъхылъҳилъюни.

От Луки 2:40

Таӷнуҳақ аңликақ, икнақуҳтыкақлъю, имиӷңаӷми пыҳқинылъыӷмың; Кияӷныӷым каюсиқа̄лъю, қуястыка̄лъю.

От Луки 24:27

Ынка̄м Иисусым пӣнлӣсиқлъюки игақуқӣт Моисейемлъю, қамахлъютыңлъю ӯкналиқистыт, лӣгикыстыкакык Акузитның Игақыхканың лъңанун аюқылӷӣның.

От Луки 24:32

Лъмытыгның пикак: «Қа̄мхунқун қуяҳлъяхтукуң алыҳқуӷақңамикуң тумыми, лӣгикыстақңамикуң Акузитның Игақыхканың!»

От Луки 24:45

Та̄хкын умьюгӣт лӣгикыстыкӣ Акузитның Игақыхканың.

От Иоанна 5:47

Ынка̄м Моисейем игақыхкӣ ухпықигалъкуфсики, натынңам ухпықылъықыстыки акузитынка?»

Деяния 10:43

Қамахлъютың ӯкналиқистыт пика̄гут, китумңуқ алңунак ухпықыхкумигу а̄тҳакун, сыӷывутылъыңьяҳқа̄гуқ сыӷлыҳқылъыӷминың».

Деяния 13:29

Лыган Акузитыт Игақыхкат пинақнилъҳистун пикақа̄т. Та̄хкын қақӯрамың атыҳлъюку лъӣфқақа̄т,

Деяния 16:1

Павел Дервияткақ ынка̄м та̄хкын нагнықақ Листрамун, тама̄ни налъяқа̄ ухпықақ ю̄к а̄тқылӷӣ Тимофейемың. На̄ңалъю ухпықа̄лӷӣ Иудеянкаңуфтуқ, нақам атаңа Грегуфтук.

Деяния 17:2

Павел пӣкылъыӷмитун синагогамун пикақ. Пиңаюни Субботани Павелым лӣгикыснақуткыхкӣ югыт Христосымың Акузитытхун Игақыхкатхун.

Деяния 26:24

Павел мысиӷа̄малюку Фестым акилӷӯҳлъяка̄: «Павел, налъюңуҳтутын! Лӣтылъыҳлъяхпык налъюңуҳтыста̄тын!»

К Римлянам 1:2

Аюмиқ Кияӷныӷым акықусяқыхкақӣ та̄кут Пинилӷӣт Уңипат ӯкналиқистымикун. Ӯкналиқуткыхкақӣт аглыӷналӷӣтхун Акузитытхун Игақыхкатхун.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 2:27

Лъпыси Иудеяни Лӣлиҳтӯсялгӯси игақңалӷӣның, обрезанияка̄гусилъю, та̄ўаңинақ қа̄ткигатаси Лӣлиҳтӯсят. Иўырңа язычнигыт обрезаниялъҳилңӯт, қа̄ткақӣт Лӣлиҳтӯсят. Ынка̄м қа̄ткутылъҳитхун Кияӷныӷым нанқихлъықӣси аӷью̄ӷьяҳқа̄люси.

1е Коринфянам 1:21

Пыҳқинылъыӷмикун Кияӷнық пика̄гуқ нунам юганун налъюкылъықнилюни пыҳқинылъҳитхун. Ынка̄м Кияӷныӷым накмикӣ югулиналюки қамахлъюки ухпылӷӣт Христосымың уңипақыхкамнъың. Ухпықа̄нӷилңӯт сюмыҳтаӷа̄ткақа̄т та̄на уңипақыхкаҳпут тымңиңунилюку.

К Ефесянам 6:4

Аңаюқани, сякшитыстыхпынаки таӷнуҳаси. Йыӷлыги аңлистыки пыҳқихсяӷлюкилъю, апыҳтуӷаӷлюкилъю Атанӷым писқылъҳатун.

1е Тимофею 4:13

Ка̄тылъымнун кынляңа, ухпықат қырңуӷунъыӷата атиҳтӯтақики Акузитның Игақыхканың, уңипақитақики, апыҳтуӷақики.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 1:5

Нықамикақа ухпықилъыпӣгын. Та̄наңӯқ ата̄сиқ ухпықилъық ныңьюҳпык Лоидам, на̄хпыклъю Евникам атуқыхкаңак. Лӣсимакңўа̄ӷақа лъпыклъю атуқңўа̄н.

2е Петра 3:16

Письмоткыхкақӣ тама̄кут қамахлъюки посланиямикун. Налиӷныӷи Павелым посланияңан лӣгикныҳлъюгӯт. Югыт лӣгикылъыпагилңӯт, ухпықилъыпагилңӯт алъяңуҳтақӣт сямың писӣтаңи посланияңанилңӯт. Таўатынлъю пӣқӣт иляңи Акузитыт Игақыхкат ынка̄м на̄фқыңъӯт лъңитның.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».