2е Тимофею 2:8 - Новый Завет на эскимосском языке

⁸ Нықамиклъюку Кияӷныӷым уңуваҳтыстыкақа̄ Иисус Христос туқулъыӷмың, киңунқа̄ Давидым. Тама̄куңӯт уңипақақыхкынка апынымки Пинилӷӣт Уңипат.

2е Тимофею 2:8 Iomraidhean Croise

От Матфея 1:1

Укуңӯт ныңлъюгутыт, сивунӷи Иисус Христосым. Тагика̄гуқ Давидым ныңлъюгутаңаның. Давид, Авраамынкуның пиңӯқ.

От Луки 24:46

Пикӣ: «Хўатын игақыхка̄гуқ: “Христос икфиқыпыста̄ӷьяҳқа̄гуқ, та̄хкын пиңая̄ни аӷныӷым уңувапыста̄ӷьяҳқа̄гуқ туқулъыӷмың”.

Деяния 13:23

Та̄кўаниңани Давидым киңунӷакун Кияӷныӷым акықилъыӷмитун алъхыҳтыстыкақа̄ Югулиӷиста Израилыӷмӣнун. Та̄на югулиӷиста Иисусыңӯқ.

Деяния 2:24

Иўырңа Кияӷныӷым туқулъыӷмың уңуваҳтыстыкақа̄, итымуткақа̄ туқулъҳым асиҳқутылъҳаның, талўа туқулъҳым нуқныҳпагниңиткақа̄.

Деяния 2:30

Уңуваңулюку Кияӷныӷым акықыхкақа̄: “Ипапыста̄қ киңунӷын ата̄сиқ иглыӷутияҳқа̄гуқ юхпының”. Давидым ӯкналиқистыңутминың лӣсимакыхкақа̄ Кияӷныӷым акықуся̄. Ӯкналиқуткыхкақа̄ Христос туқумалӷӣнинъа̄нӷинъилюку талўа югусӣ аӷуна̄нӷинъилюку, уңувақа̄нилюку туқулъыӷмың.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

К Римлянам 2:16

Нанқихтилъҳым Аӷныӷани, Кияӷныӷым нанқихлъықӣ югыт аксяқыхкӣт Христос Иисусыкун. А̄пҳақақа та̄на уңипақнымки Пинилӷӣт Уңипат.

1е Коринфянам 15:1

Ухпықа̄лгутымни, нықамиксюгамси Пинилӷӣның Уңипаның уңипақыхкамның лъпысинун. Тугуклъиқақаси ынка̄м ухпылъыси та̄хун ныкыгңа̄т аюгўилъютың.

1е Коринфянам 15:4

Та̄хкын лъӣфқақа̄т, ынка̄м пиңая̄ни аӷныӷым уңувақа̄гуқ Акузитни Игақыхкани пинақнилъҳистун.

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

1е Тимофею 2:7

Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 2:7

Сюмыҳта̄ӷа̄ткики сямың пилъҳынка қаюҳлъяк Атанӷым лӣгиксягутыслъықа̄тын сямың тамаҳа̄ның.

Откровение 5:5

Та̄хкын ата̄сим утфам пӣңа: «Қияхпынаң! Ӣи, лев. Иудам рамкыңаның пиңӯқ, Давидымлъю киңунқа̄. Кая̄лъқӣстыңӯқ ынка̄м лъңа итагнаҳтуқ икуӷьяҳқа̄люки ма̄ӷраӷвинлык печатылъҳыт қылъпыҳсяҳқа̄люки ӣмгат игат».