2е Тимофею 2:21 - Новый Завет на эскимосском языке

²¹ Кина алңунак лъминың катам пылюңиҳсяқуми сыӷлыӷмың, сялӷутаҳтун атуҳқа̄ҳлъықуқ мыгнуналӷӣмун. А̄фтыка̄ҳлъықуқ атӯлюни мыңтыӷам юганун. Та̄хкын атуҳқа̄ҳлъықуқ алңунак пинилӷӣмун қыпҳақамун.

2е Тимофею 2:21 Iomraidhean Croise

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

1е Коринфянам 5:7

Тама̄кын апалъюқлъюку сыӷлыҳқылъҳыт акулыхпысинилңӯт иқитыки. Таўатын пикуфси пылюңилъықуси акӯтастун закваскаңилңуӷыстун. Ипа пылюңитуси қаюҳлъяк Христос Пасхам пынъӣӷаӷақа̄ аҳқуткыхка̄гуқ сыӷлыҳқылъымнъун.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

2е Коринфянам 9:8

Кияӷныӷым тӯньяқлъыгўӣси аклъюкыхкаҳпысиның қа̄йӷулъюку. Ынка̄м ӣўлың сямың алңунак пилгулъықуси, сӣпңа̄нлъю каюсӣтысқылъюки иляси.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

2е Тимофею 2:16

Иқитңалютын тымңитхўаның, сямың писӣнӷилңуӷның алыҳқӯтылъыӷның. Таўатылңӯт алыҳқӯтылъҳыт уява̄таӷаҳлъықӣт югыт Кияӷныӷмың.

2е Тимофею 2:20

Мыңтыӷаҳлъягми алъя̄ҳӣнаӷмың сялӷутаҳтӯқ: иляңи улима̄ӷӯт золотамың, серебромың, унаҳсимың, қикумыңлъю. Иляңи сялӷутат мыгнуналӷӣнун атӯгут, иляңи сямун алңунак.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

2е Тимофею 4:11

Лукаңинаҳақ хўаңамнитуқ. Марка ақфалюку кылъқынъакын қаюҳлъяк каюткыпихтақа қыпҳалъымни.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.