2е Тимофею 2:19 - Новый Завет на эскимосском языке

¹⁹ Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

2е Тимофею 2:19 Iomraidhean Croise

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Матфея 7:23

Иўырңа хўатын пилъықанка: “Налъюкңўа̄ӷамси, иқитык хўаңамның, сыӷлытун пистыни”».

От Матфея 7:25

Ыслъялъюгуҳтыҳлъягьялӷӣми, кӣўыт улывумаӷмың, ануқлъиҳлъягьялӷӣмилъю, таўалъӣма мыңтыӷақ ӯлъҳумаңилңуқ қаюҳлъяк уйӷахкун ныкыфтыка̄лӷӣ.

От Марка 12:16

Тӯньятни а̄птыкӣ: «Китум хинақагулъю, а̄тқагулъю уна?» Кӣмсиқа̄т: «Кесарым».

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Луки 13:27

Иўырңа пиля̄таҳлъықӣси: “Уңипа̄тамси, налъюкамси, налъюкақалъю накын пиңустык. Иқилъяӷа̄тык хўаңамның лъпыси сыӷлытун пистыни!”

От Луки 6:48

Юхтун мыңтыӷаңлъялӷӣтун аюқуқ. Нуна сямавырухлъяк ля̄глюку уйӷагмун, тунымиӷлюку та̄хун ныкыфлъықа̄ мыңтыӷақ. Кӣўык улывыҳлъяглютык таўалъӣма мыңтыӷақ қапшахтылъҳилъкаңа қаюҳлъяк уйӷагмың тунымиӷлюни ныкыфтыка̄лӷӣ.

От Иоанна 10:14

Хўаңа пинилӷӣңӯңа пынъӣӷнӣҳта. Атам лӣсимакылъҳатун хўаңа, хўаңалъю лӣсимакылъымтун Ата, таўатыҳпигақ лӣсимаканка пынъӣӷынка, пынъӣӷма лӣсимака̄тңа. Туқуматкылъықанка пынъӣӷынка.

От Иоанна 13:18

«Акузиткыңъунӷитамси қамахлъюси. Лӣсимаканка натытуляңи накмикыхканка. Иўырңа апыӷӣӷьяҳқа̄гуқ Акузитнилңуқ Игақыхкани хўатын пилъық: “Югым ныӷылгусиӷикам хўаңамның увыҳпагуткақа̄ңа”.

От Иоанна 3:33

Китум алңунак ухпықыхкумики акузитаңи, таўатын пилъыӷмикун ипапиҳқақа̄ Кияӷнық ипаңутаңа.

Деяния 11:26

На̄лъкысямигу кылъқыхка̄ Антиохиямун. Ата̄сиқ аюмиқулъық тама̄нтылъыӷмыгни илятақлъютык ухпықанун апыҳтуӷикақ юлӷутыҳлъягнун. Тама̄ни Антиохиями ухпықат атиӷьюхўа̄қӣт: «Христианиныт».

Деяния 15:17

Та̄хкын қамахлъютың иляңи югыт язычнигның накмикыхкама хўаңамнун катам пиңулюки, лъңита лӣсюхлъықа̄т Атанық.

Деяния 9:14

Пилъыҳқаңыхка̄гуқ первосвященнигының тагилюни Дамаскымун тугуляӷналюки қамахлъюки юӷақаюгыт атыҳпыгун».

К Римлянам 11:2

Кияӷныӷым юксюгнанилъҳитӣ юни қаюҳлъяк накмикыхкақӣ сялин нунаңлъялъҳилъюни. Лӣсимакынӷистыхӯ Акузитни Игақыхкани Илиям қикыҳқуткыхкақыхкаңи Кияӷныӷмун Израилыӷмӣт? Хўатын пика̄лӷӣ:

К Римлянам 12:9

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

К Римлянам 15:20

Ӣўлың пиюкылъқысяӷақа уңипақналюки Пинилӷӣт Уңипат нунани нагақӯсигалңуӷни Христосымың. Таўатын пика̄гуңа қаюҳлъяк ныкыфтиюгунӷилңӯңа тумаңакун иляңан югым пӣнлиқа̄кун.

К Римлянам 15:9

Христос тагика̄лӷӣлъю язычнигнун усюқысқылъюку Кияӷнық наңлъыхталъҳанун. Игақңа̄қ Акузитни Игақыхкани: «Ынка̄ңам усюқылъықамкын акулңитни язычнигыт, илягаҳлъықуңалъю усюқилъыӷмың атыҳпынун».

К Римлянам 8:28

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

К Римлянам 9:11

Талўа сялин алъхылъҳилъюкык, сялинлъю пиңигалъюкык пинилӷӣмың налиӷмың сыӷлыӷмың, Кияӷныӷым пикақа̄ Ревекка: «Нуйыклъӣм қыпҳа̄лъықа̄ уюқлъиқ». Атанық таўатын пика̄гуқ лӣгикысқылъюку лъңинаӷми накмӣҳтыңунилюни сялъыҳқаминың. Кияӷныӷым накмикыхкақа̄ та̄на иӷнық қаюҳлъяк лъңаңӯқ Кияӷныӷым туқлъюӷьюка̄. Накмикыхкақынӷита̄ қаюҳлъяк та̄м иӷныӷым сяңўа̄ пикақутаңаның.

1е Коринфянам 1:2

Письмоӷақуңа Кияӷныӷым ухпыҳтыңитнун Коринфымылңуӷнун, Кияӷныӷым а̄фтыка̄нун юкналюси Христос Иисусыкун. Накмикыхкақӣсилъю пылюңитысқылъюси малигулъюси юлӷутыҳлъягнун тамаңанилңуӷнун, юӷақаюгнун Атанымнъун Иисус Христосымун, қамахтыңъўа̄ӷлюта Атанқаҳпут.

1е Коринфянам 8:3

Иўырңа Кияӷныӷым пиниқистыни хўатын пияҳқақӣ: «Хўаңа пиканка».

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Галатам 4:9

Иўырңа ма̄тын лӣсимакаҳси Кияӷнық, налиӷмың ипапыста̄қ Кияӷныӷӯқ лӣсимакистызи. Сяңафсиңам утыҳсюгыстык кая̄лңуӷнун сясӣнӷилңуӷнун иглыӷутилӷӣнун туӷныӷаӷнун? Сяңан тама̄кунун қыпҳаҳтыля̄ӷуҳнықихсюгыстык?

К Ефесянам 2:20

Мыңтыӷа̄тун аюқуси ныкыфтыкат тумыңлъяқӣтхун апостолынилъю, ӯкналиқистытлъю. Христос Иисус лъңа катам каңиӷам уйӷака̄.

К Ефесянам 3:15

Лъңаңӯқ атиӷилӷӣ тамаҳӣтның ныңлъюгутның қилягмылңуӷныңлъю, нунамылңуӷныңлъю.

К Ефесянам 4:30

Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

К Евреям 11:10

Авраам таўатын пика̄гуқ қаюҳлъяк утақӣңулӷӣ кияҳналюни ныҳлъягми тунымаҳтуқами. Кияӷныӷӯқ успықистыңалъю, улимаӷистыңалъю ныҳлъягым.

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

1е Иоанна 2:19

Тама̄кут хўаңкунъисяҳтут иўырңа униткақӣлъю қаюҳлъяк илятңўа̄ӷумаңилңӯт хўаңкунъун. Илятңўа̄қа̄яқумың унинъаянӷитӣлъю. Унитылъыӷмыхтыхун лӣгикыстыңъўа̄ӷа̄т илятңўа̄ӷумаңитылъыҳтың хўаңкунъун.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 21:14

Ныҳлъягым миңлъютаңа тунымиқа̄фтуқ қуля ма̄лӷук сӣпнықлъюку уйӷагның. Ата̄сикаҳтаӷмың уйӷагыт игақфикңафтут атыӷмың қуля ма̄лӷук сӣпнықлъюку апостолаңаның Пынъӣӷаҳа̄м.

Откровение 22:4

Хина̄ ысҳаҳлъықа̄т, а̄тҳалъю қаўӣтхун игақңалъықуқ.

Откровение 3:8

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.