2е Тимофею 2:18 - Новый Завет на эскимосском языке

¹⁸ Пыхтыкақӣк апыҳтӯсяпигыт қаюҳлъяк пӣқук сӣңынлъю туқукат уңуваҳтысиманилюки. Ынка̄м иляңитнун ухпықнаниҳтыстыкақа̄к ипапилъық.

2е Тимофею 2:18 Iomraidhean Croise

От Матфея 15:13

Иисусым кӣмсиқӣ: «Нунивахсыӷақ қамахлъюку Атама қилягмылңӯм пӣтысиӷа̄маңилъкаңа нусюгьяҳқа̄гуқ.

От Матфея 22:29

Иисусым кӣмсиқӣ: «Анахутңа̄си қаюҳлъяк лӣгикигатаси Акузитыт Игақыхкат, талўа аҳтуӷьяҳқа̄нӷилъҳа Кияӷныӷым.

От Луки 8:13

Пӣтутыт тыкиткат уйӷахтуқакун успутңа̄т нагатканун Кияӷныӷым акузитаңаның. Нагалъюки акузитыт қуякусиқлъюки тугуклъиӷақӣт, иўырңа қамавырухлъяк илюмыхнун итыҳтысигатӣт. Ухпықӣҳлъютың, иўырңа нанӷӣқулъыңныӷмыхни ухпықинаниӷақут.

Деяния 5:39

Иўырңа Кияӷныӷым пилъқыхкагу аӷулӣҳна̄нӷитаси, кипулъхина̄ҳлъықаҳсилъю Кияӷнық». Ынка̄м агӷистыт қа̄ткыхка̄т Гамалиил.

1е Коринфянам 11:19

Ынтақун а̄фқӯтылъыҳпысигун лӣгиксяҳқақаси налиси ипа қа̄ткутңатаңи Атаныӷмун.

1е Коринфянам 15:12

Ухпықңукыси Уңипақ уңипақыхкаҳпут: Христосым уңуваҳтылъҳа туқулъыӷмың. Сяңамыңам иляси пӣқат: «Туқукат уңуваӷна̄нӷитут?»

К Колоссянам 3:1

Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

1е Тимофею 6:21

Иляңита пыхсима̄т ухпықилъыҳтың қаюҳлъяк ухпықыхкаңат ипаңунӷилңуқ лӣсималъық. Кияӷныӷым қуяслъиси.

2е Тимофею 2:14

Китумун алңунак пуйгустыхпынаки тама̄кут. Кияӷныӷым нагасиманӷани, кылыңася̄ҳқи қаниқутуткыфқӣта акузитыт писқылъюки. Қаниқутылъҳат каютңуна̄нӷитуқ, на̄фқыңъинаҳлъықа̄т ухпықилъҳат нагалъҳӣт.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

К Евреям 3:10

Тама̄кын апалъюқлъюку тама̄кут югыт сякшитыстыкақа̄тңа. Ынка̄м пика̄гуңа: “Ӣўлың ата̄сӣӷмысигатут хўаңамнун, лӣгикигатутлъю натылъюку кияҳтысқысюлъымның.

От Иакова 5:19

Ухпықа̄лгутымни, уна киңулӣгуқ апыӷьюкыхка лъпысинун. Налиҳси ухпықинаниқан апыҳтӯсяпигның, китум каюсиӷлигу ухпықинқихтылъыӷмун. Таўатын пикумигу югулислъықа̄к сыӷлыҳқыстым уңувасикык туқулъыӷмың. Кияӷныӷымлъю сыӷувулъықӣ та̄м сыӷлыҳқыстым сыӷлыҳқылъылӷутыҳлъяги.

1е Иоанна 2:19

Тама̄кут хўаңкунъисяҳтут иўырңа униткақӣлъю қаюҳлъяк илятңўа̄ӷумаңилңӯт хўаңкунъун. Илятңўа̄қа̄яқумың унинъаянӷитӣлъю. Унитылъыӷмыхтыхун лӣгикыстыңъўа̄ӷа̄т илятңўа̄ӷумаңитылъыҳтың хўаңкунъун.