2е Тимофею 2:15 - Новый Завет на эскимосском языке

¹⁵ Та̄куңинаҳа̄гның қыпҳа̄ Кияӷныӷмун итагнақысқылъютын. Қыпҳаҳтыңу кайңукиңигалңуқ қыпҳақаминың. Ылъқуӷаҳлъюкулъю апыҳтӯсяқигу Кияӷныӷым уңипаҳпига̄.

2е Тимофею 2:15 Iomraidhean Croise

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Марка 4:33

Иисусым атуқлъюки уңипаӷа̄тылӷутыт югнун акузиткыхкақӣ Кияӷныӷым Акузитаңи. А̄пқақӣ югнун лӣгикылъыҳтуляңистун.

От Луки 12:42

Атанӷым кӣмсиқа̄ хўатын: «Кинаңа̄ўа ата̄сӣӷмылңуқ, пыҳқинылӷӣ қыпҳаҳта? Та̄наңуяҳқа̄гуқ умӣлган иглыӷутистыңлъяқа̄ қыпҳаҳтыминун, нықылита̄тӣсқылъюкилъю аҳутаңа тамаҳа̄н.

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

Деяния 20:27

қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун.

К Римлянам 14:18

Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.

К Римлянам 16:10

Уңипа̄таҳнакыси Апеллесалъю сю̄мқақақаңуқ. Нанӷӣҳсяӷалъыңақңами ипапиҳқыхкақа̄ ата̄сиӷмитылъыни Христосымун. Уңипа̄таҳнакыси ныңлъюгутаңи Аристовулым сю̄мқақанкаңуқ.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

2е Коринфянам 10:18

Атанӷым тугуклъӣгатӣ пиниӷнилӷӣт. Итупилъ Атанӷым тугуклъиӷақӣ тама̄кут пиниӷнилюки пикани.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 5:9

Нымысяӷңа̄мта налиӷмың нымынъыӷитыӷңа̄мта, ыфқуҳсюгақаҳпут Атанық.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Ефесянам 1:13

Христосыкун лъпысилъю нагақуқақаҳси ипапик уңипақ. Пинилӷӣңӯқ Уңипақ уңипа̄тилӷӣ югулилъыҳпысиның. Ухпықақңафсигу Христос, Кияӷныӷым налъюнӣқақӣси Аглыӷналӷӣгның Таӷныӷагның, акықусяқыхкаминың тӯнылъықнилюкык.

1е Фессалоникийцам 2:4

Йыӷлыги, уңипақақапут Пинилӷӣт Уңипат қаюҳлъяк Кияӷныӷым итагнақлъюта ныӷьюкуткақӣ хўаңкунъун. Акузилъымтыхун ыфқуҳнақуткыңъунӷитапут югыт, иўырңа ыфқуҳсюкаҳпут Кияӷныӷӯқ, нанқихтиңалӷӣ илюмта сюмыҳтаӷалъҳаның.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 1:15

Пинақылъқа қамахлъюку апыҳтуӷамси тама̄кын, ынка̄м туқулъыӷма киңуңаның нықа̄микылъықаси.

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.