2е Тимофею 2:12 - Новый Завет на эскимосском языке

¹² Ӣлъқаюнӷилъкумта, иглыӷутилгусиҳлъықаҳпут. Налъюнқыхкумтыху, лъңанлъю налъюнқылъықӣлъю.

2е Тимофею 2:12 Iomraidhean Croise

От Матфея 10:33

Иўырңа китум алңунак уңипа̄скаки югыт хўаңамнун пикынӷинъилюни хўаңалъю Атака̄ қилягмылңуқ уңипа̄лъықақа хўаңамнун пикынӷинъилюку».

От Матфея 26:35

Петырым пика̄: «Қайўа туқумалгусиӷьяӷңа̄мкын, налъюнқынъа̄нӷитамкын». Малихся̄ҳтытлъю қамахлъютың уңипа̄тка̄т таўатын.

От Матфея 26:75

Та̄хкын Петырым нықа̄тка̄ Иисусым пилъҳа: «Петух қалӷиҳтыстыхпына̄н пиңаюның налъюнқылъықаҳпыңа». Ынка̄м а̄нлюни қия̄ӷўаҳлъякақ.

От Марка 10:33

Пикӣ: «Нагатык, Иерусалимынъақукут. Таўани Иӷныӷа Югым тӯнылъықа̄т первосвященнигынунлъю, апыҳтуӷикаюгнунлъю Лӣлиҳтӯсяның. Нанқихлъюку туқусяҳқа̄нилъықа̄т, ынка̄м тӯнылъықа̄т язычнигнун.

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 12:9

Иўырңа китум алңунак уңипа̄скаки сивуңитни югыт хўаңамнун пикынӷинъилютың, Иӷныӷан Югым пикынӷинъилъықӣ сивуңитни Кияӷныӷым яқулылӷутаңан.

От Луки 22:29

Тама̄кын апалъюқлъюку атаныҳпагулъылитамси катам Атама тагивалъҳатун хўаңамнун.

От Луки 22:30

Ынка̄м Атаныҳпагулъымни ныӷылъықусилъю мыӷылъықусилъю қаюӷвигымни. Ақумылъықусилъю умӣлгусим ақумутӣтхун нанқихсяҳқа̄люки қуля ма̄лӷук сӣпнықлъюку Израилым рамкыңи».

От Луки 9:26

Китум алңунак кайңукыхкаңаңа, акузитынкалъю, Иӷныӷан Югым кайңукылъықа̄ тагикуми ниӷуҳқылъыӷмикун, ниӷуҳқыңъалъҳитхунлъю Атам, аглыӷналӷӣтлъю яқулгыт.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

К Римлянам 5:17

Ата̄сиқ ю̄к сыӷлыҳқыхка̄гуқ ынка̄м лъңа апалъюқлъюку, туқулъҳым иглыӷутӣ қамахлъюки югыт. Иўырңа сяңўа̄ Кияӷныӷым апыӷӣқа̄ ата̄сикун юхкун, Иисус Христосыкун, а̄ңатаӷаҳтуқ сыӷлыҳқылъҳаның ата̄сим югым. Ынка̄м алъхыӷулъҳӣт Кияӷныӷым кымнапихлъыҳӣмың пиниқылъҳаның, тунуся̄ныңлъю ылъқуӷутңалъҳаның, қамахлъютың иглыӷутилъықут кияҳтылъыӷми ата̄сикун юхкун Иисус Христосыкун.

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

К Филиппийцам 1:28

Аликыхпынаки аңуяси, қӯнпың илютулъюси. Ынка̄м таўатын пилъыҳпыси ипапиҳқылъықа̄т лъңит кая̄лъқӣна̄нӷитут. Лъпыси кая̄лъқӣлъықуси қаюҳлъяк Кияӷныӷӯқ кая̄лъқӣстилӷӣ лъпысиның.

1е Тимофею 5:8

Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 20:4

Та̄хкын ысҳаӷанка умӣлгусит ақумутат, ақумгалӷӣтлъю та̄кутхун. Кияӷныӷым нанқихтияҳқа̄ҳтыстыкӣ югның. Ысгаӷанкалъю уңувасӣт тама̄кут на̄сқўиҳтуқӣт апалъюқлъюку Иисус. Уңипақыхкақыхкаңат ипалъық Иисусым қайвиҳқыхка̄, акузитаңилъю Кияӷныӷым. Та̄кут манигӯсимаңитут тыӷикусялъю̄гмун, налиӷмың наңаӷныӷанун. Талўа қагумыхтыхун, налиӷмың ӣхмыхтыхун алъхыҳтылъҳита̄т налъюнӣлъкута̄ тыӷикусялъю̄гым. Уңуваҳтӯлъютың иглыӷутилгусиӷа̄т Христос тысяча аюмиқулъыӷнун.

Откровение 20:6

Тама̄кут Кияӷныӷым уңуваҳтыкӣ уңуваҳтӯсюхўа̄лъыӷми қуястыка̄гутлъю, аглыӷнаҳтутлъю. Туқуна̄нӷитут тӯңлиҳа̄ни туқулъҳым. Иўырңа священнигаңунақңӯт Кияӷныӷмунлъю, Христосымунлъю. Иглыӷутилгусиҳлъықа̄тлъю Христос тысяча аюмиқулъыӷни.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Откровение 3:21

Кая̄лъқӣлюңа ынка̄м ақумга̄ңа ся̄ӷўани Атама умӣлгусӣкун ақумутахкынкун. Таўатыҳпигақ кая̄лъқӣлӷӣ ақумыслъықақа ся̄мкун умӣлгусигныкун ақумутамкун.

Откровение 3:8

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.

Откровение 5:10

Ынка̄м Атаныҳпагулъҳанитыстатын, священнигаңуҳтыстатынлъю Кияӷнымнун, умӣлгыстунлъю иглыӷутилъықут нунами».