11 Ма̄кут пилъҳыт ипаңӯт: «Туқулгусӣмакумтыху, кияҳтылгусиҳлъықаҳпут.
Ма̄тықўа̄қун нунам юган ысҳаӷнаниӷнақа̄тңа, иўырңа лъпыси ысҳаҳлъықаҳпысиңа, қаюҳлъяк уңувалӷӣңа, лъпысилъю уңувалъықуси.
Кияӷныӷым илясимакаңилъю Христосымун туқулъҳакун, та̄хкын илятыстыпыста̄ҳлъықӣлъюлъю лъңанун уңуваҳтыслъюта лъңатун.
Туқумакумта Христосыми, ухпықаҳпут кияҳтылгусиӷьяҳқақаҳпутлъю лъңа.
Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.
Ӣўлың туқулъҳа Иисусым югусимнъитуқ, ысҳӣсқылъюку уңувалъҳа Иисусым югусимнъи.
Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.
Иисусым туқуматкыхкақӣлъю лъминитысқылъюта уңуваяӷңа̄мта, туқука̄яӷңа̄мта тагикуми.
Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.
Хўатын пилъық ипаңӯқ: Кина алңунак иглыӷутистыңуюкуми ухпықанун та̄на қыпҳақақ пиюкыхка̄ пинӣпихтуқ.
Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.