2е Тимофею 1:8 - Новый Завет на эскимосском языке

⁸ Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 1:8 Iomraidhean Croise

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 9:26

Китум алңунак кайңукыхкаңаңа, акузитынкалъю, Иӷныӷан Югым кайңукылъықа̄ тагикуми ниӷуҳқылъыӷмикун, ниӷуҳқыңъалъҳитхунлъю Атам, аглыӷналӷӣтлъю яқулгыт.

От Иоанна 15:27

Лъпысилъю уңипақылъықаҳпысиңа югнун, қаюҳлъяк хўаңамнитка̄лӷӣси қыпҳаӷьюхўа̄лъҳаның има».

От Иоанна 19:35

(Ысҳапакам тама̄кын а̄пҳӣ тама̄кут. Акузиткыхкӣ ипаңӯт, лӣсимакуқлъю уңипақңўа̄ ипапилъық. А̄пҳӣ тама̄кут лъпысилъю ухпыӷысқылъюси.)

Деяния 5:41

Апостолыт а̄нысистың қуяҳлъякат, қаюҳлъяк Кияӷныӷым кайңусяӷа̄тыстыкақыхкаңи Иисус апалъюқлъюку.

К Римлянам 1:16

Кайңукигатанка Пинилӷӣт Уңипат: Кияӷныӷым аҳтуӷьяҳқа̄нӷилъқӣ югулилъыӷмун тамаҳа̄нун ухпықилӷӣнун. Сивуклъютың уңипақыхка̄гут Иудеянун та̄хкын язычнигнун.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

К Римлянам 8:36

Игақңа̄қ Акузитни Игақыхкани хўатын: «Лъпык апалъюқлъютын аҳутаңа тамаҳа̄н югыт туқусюгақӣлъю. Сюмыҳтаӷалъыӷмыхни пынъӣӷыстун аюқнӣқӣлъю туқусяҳқат».

К Римлянам 9:33

Игақыхка̄лӷӣ Акузитни Игақыхкани хўатын: «Ӣи, Сиоными ныкыхтақа уйӷак югыт на̄хтысқылъюки, та̄м уйӷагым иқуслъықӣ. Иўырңа кина алңунак ухпықуми лъңакун кайңуюгна̄нӷитуқ».

1е Коринфянам 1:6

Алъяңуҳтыкамлъю кияҳта̄лъыҳпыси ипапиҳқа̄ уңипақыхкаҳпут Христос.

2е Коринфянам 6:7

Қыпҳа̄тңўа̄ҳпут Кияӷнық уңипақылъымтыхун ипапилъық. Атуқақаҳпут Кияӷныӷым аҳтуӷьяҳқа̄нӷилъҳа, ылъқуӷутңалъықлъю гӯтуткылъюку аӷынқигныӷымлъю, сяӷумигныӷымлъю.

К Ефесянам 3:1

Тама̄кын апалъюқлъюку, хўаңа, Павел, анусимиңлъяӷвигмытуңа қаюҳлъяк қыпҳа̄скыхка Христос Иисус лъпыси апалъюқлъюси язычнигни.

К Ефесянам 3:13

Ынка̄ңам ӣлъқаягутыхпына̄н ухпықилъыҳси апалъюқлъюку икфиқуткыңъукымси. Икфиқылъыӷма қӯлваҳтыслъықӣси.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 3:10

Пиюкылъыҳлъякақа, лӣнъалюку Христос, нанӷӣӷналюкулъю аҳтуӷьяҳқа̄нӷилъҳа уңуваҳтылъҳан; илянъалюңалъю икфиқылъҳанун, лъңатунлъю лъӣӷьяҳқа̄люңа туқулъҳани.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Колоссянам 1:11

Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

1е Фессалоникийцам 3:4

Лъпысинилъюта уңипа̄тңўа̄қақамси амьюқыта̄ткылъыңылъықнилюта; ынка̄м лӣсимакаҳси та̄ўа ипа икфиқуткыхкақаҳпут амьюқыта̄ткылъық.

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 1:16

Юӷа̄ткыңъўа̄нка Атаныӷмун наңлъыгьягутысқылъюки Онисифорым ныңлъюгутаңи, қаюҳлъяк угляӷңа̄н илютуҳсяӷақа̄ңа. Кайңуягусимаңита̄лъю анусимиңлъяӷа̄малъқа.

2е Тимофею 2:3

Икфиқылгусиҳқут пинилӷӣтун пилъюўаҳтыңатун Христос Иисусым.

2е Тимофею 2:8

Нықамиклъюку Кияӷныӷым уңуваҳтыстыкақа̄ Иисус Христос туқулъыӷмың, киңунқа̄ Давидым. Тама̄куңӯт уңипақақыхкынка апынымки Пинилӷӣт Уңипат.

2е Тимофею 2:9

Икфиқңӯңа қаюҳлъяк уңипақыхкынка Пинилӷӣт Уңипат. Талўа қӣпшаӷусиӷлюңа аюқуңа лӣлиҳтӯсямың на̄фқӣстытун. Иўырңа акузитаңи Кияӷныӷым қӣпшаӷутңитут.

2е Тимофею 4:17

Иўырңа Атанық хўаңамнитка̄гуқ. Икнақусиқақа̄ңалъю уңипақысқылъюки ӣңунӣта Пинилӷӣт Уңипат қамахлъюки язычнигыт нагақӣсқылъюки. Ынка̄м Кияӷныӷым югуликақа̄ңа туқутылъыҳқамың.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

1е Петра 1:5

Кияӷныӷым аҳтуӷьяҳқа̄нӷилъыӷмикун пақнӣҳсяҳлъықӣси ухпықилъыҳпысигун. Ынка̄м кынлытҳӯтылъыӷми алӣҳлъықа̄ югулилъық ята̄ҳқыхка̄қ лъпысинун.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 1:2

Та̄хкын Иоанным а̄пқақӣ қамахлъюки ысҳақанилъю, нагатканилъю. Нагаткақӣ акузитаңи Кияӷныӷым, уңипақлъю Иисус Христосымың аюқылӷӣ.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».