2е Тимофею 1:7 - Новый Завет на эскимосском языке

⁷ Кияӷныӷым таӷныӷалитылъҳитӣлъю алиңьюгналӷӣмың. Итупилъ Таӷныӷахкынка имиқақӣлъю аҳтуӷьяҳқа̄нӷилъыӷмың, пиниқылъыӷмың, нуқытылъыӷмыңлъю.

2е Тимофею 1:7 Iomraidhean Croise

От Луки 10:19

Нагатык! Аҳтуӷьяҳқа̄нӷилъылисима̄мси тӯтысқылъюки нымыӷьят, скорпионыт, кая̄лъқысқылъюкилъю қамахлъюки аҳтуӷьяҳқа̄нӷилъҳи аңуягым. Ынка̄м ся̄м алңунак ақниҳна̄нӷитӣси.

От Луки 15:17

Қынўатлъю лӣся̄ӷақақ: “Паныӷниқумалюңа ма̄ни, қамахлъютың атама акилыҳтуӷлютың қыпҳаҳтыңи ныӷақут кыпсю̄лъютың, масисю сӣптӣгақут!

От Луки 24:49

Ынка̄м та̄ўа каяхлъықахка Атама акықусякык лъпысинун. Иўырңа утақӣлӷа̄си ма̄ни Иерусалимыми, кынляңа а̄тысфикылъыҳпысинун аҳтуӷьяҳқа̄нӷилъыӷмың қилягмың памакын».

От Луки 8:35

Та̄хкын югыт ысҳаӷьяҳтӯтка̄т сяңўа̄ сяматаңа. Ка̄лъютың Иисусымун ысҳақа̄т ю̄к туӷныӷӣӷулъюни. Ақумгафтуқ Иисусым мануңани пилюгугўа̄ӷлюни, умьюгакыклъю на̄лъҳутңўа̄ӷлютык ынка̄м алиңрӯӷутыҳлъякат.

От Иоанна 14:27

Унивикамси ныкыхмылъыӷмың. Ныкыхмылъқа тӯнақа лъпысинун. Нунам тӯнылъҳатун тӯныӷитамси. Ынка̄м илюси сыӷлылӣҳтыстыхпынаки талўа алиңыхпынаси.

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 10:38

Лӣсимакаҳси Иисус Назаретыӷмӣ, Кияӷныӷым имиқа̄ Аглыӷналӷӣгның Таӷныӷагның, аҳтуӷьяҳқа̄нӷилъыӷмыңлъю. Навык алңунак пиныӷмини пинитун пӣқыхкаңи югыт, на̄лъҳуқуқӣлъю тама̄кут Туӷныӷа̄м а̄ҳқутақыхкӣ, қаюҳлъяк Кияӷнық Иисусымылңуқ.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 21:13

Иўырңа Павелым пӣнкут: «Сяңафси қиямаҳпыси таўатын пистыңъа? Сыӷлылӣҳқаҳпысиңа! Хўа̄ апыӷӣӷўа̄ӷлюңа аюқуңа асиҳқысяҳқа̄люңа Иерусалимыми, талўа туқуяҳқа̄люңа апалъюқлъюку Атанық Иисус».

Деяния 26:11

Угляӷңа̄н аӷью̄ҳтыстыкақанка тамаҳӣтни синагогаңитни, хўатынлъю писнақуткыхкақанка: “Ухпықнанӣма̄қа Иисус”. Угумиягутыпихтыкақанка рыпалъ малиҳқақақанка талўа язычнигыт нунаңитнун амью̄ткынъалюки».

Деяния 26:25

Иўырңа Павелым пика̄: «Правитель Фестыми, налъюңуҳтылъҳитуңа, лӣсималюңа ипамың акузиңӯңа.

Деяния 6:8

Стефан каюсилъылыхлъягутминыңлъю, аҳтуӷьяҳқа̄нӷилъылыхлъягутминыңлъю Аглыӷналӷӣгның Таӷныӷагның алъя̄ҳлъюхўаҳтиҳлъяга̄тақақ.

Деяния 9:22

Савлам уңипақилъыӷмикун ўата лӣгикыстаӷақа̄ Иисус, Христосыңутаңа рыпалъ Иудеит Дамаскымылңӯт а̄ҳтӣра̄ҳпагниңитка̄т.

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

К Римлянам 8:15

Таӷныӷам алъхыҳтыкаҳпыси Кияӷныӷмың қыпҳаҳтыля̄ӷуҳтыснықихна̄нӷитӣси алиңылъыӷмун. Йыӷлыги Таӷныӷам Кияӷныӷмун авақутақыстӣси. Ынка̄м лъңакун туқлъюӷаӷаҳпут Кияӷнық: «Авва! Ата̄й!»

1е Коринфянам 2:4

Кукшагналӷӣмың акузиткумаңитуңа пыҳқиныҳлъягым акузитаңаның. Иўырңа Аглыӷналӷӣм Таӷныӷам аҳтуӷьяҳқа̄нӷилъҳан ипапиҳқыхкақӣ апыҳтуӷилъҳынка ипаңутаңи.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Колоссянам 1:8

Лъңан уңипа̄симинкутлъю пиниқилъыӷмың Аглыӷналӷӣм Таӷныӷам тӯныхка̄ның лъпысинун.

К Евреям 2:15

Ынка̄м таўатын пилъыӷмикун итымуткақӣ тама̄кут қыпҳаҳтыля̄ӷыстун аюқылӷӣт уңувалъытың қамахлъюки қаюҳлъяк аликңукаңат туқулъық.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Иоанна 4:18

Пиниқылъыӷми алиңылъық авӣтуқ қаюҳлъяк ӣӷўиқам пиниқылъҳым иҳлъықаюўа̄ алиңылъық. Ынка̄ңам пиниқылъық ӣӷўӣмаңитуқ тама̄куни паниның алиңыхкаюгни, қаюҳлъяк алиңылъылгӯқ аӷью̄лъық.