2е Тимофею 1:14 - Новый Завет на эскимосском языке

¹⁴ Кылыңакигу ипапилъық ныӷьюкуткақ лъпынун. Кылыңакигу каюткылъюкык Аглыӷналӷӣк Таӷныӷак кияҳлъыҳӣк илюмнъи.

2е Тимофею 1:14 Iomraidhean Croise

От Луки 16:11

Ата̄сӣӷмысимаңилъкуфси атуқақңафсики аклъюңит нунамылңӯт, китумңам ныӷьюкулъықаки лъпысинун аклъюңипӣгыт?

От Иоанна 14:17

Та̄кук Каютык Таӷныӷа̄гук апыҳтуҳлъықӣси Кияӷныӷым ипапилъҳаның. Нунам юган тугуклъиӷна̄нӷита̄ қаюҳлъяк ысҳӣгалъкаңа талўа налъюкыхкаңа. Иўырңа лъпыси лӣсимакаҳси қаюҳлъяк лъпысинитуқ, илюхпысинисяҳқа̄гуқлъю.

К Римлянам 3:2

Угля̄пихтут аныӷныҳқусит! Сивулиҳпигақ Кияӷныӷым ныӷьюкуткақӣ Иудеянун Акузитыт Игақыхкат.

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

К Римлянам 8:13

Кияҳтыңъукуфси малиҳқутақлъюси югусиҳпыси пиюкылъҳанун, туқулъықуси. Иўырңа Таӷныӷагныкун туқускуфсики югусиҳпыси сыӷлыҳқыңʼңалӷӣт пӣқыхкаңит, та̄ўа кияҳлъықуси.

К Римлянам 8:9

Иўырңа лъпыси иглықатақңунӷитӣси югусиҳпыси пиюкылъҳан. Иглықатақңўӣси Кияӷныӷым Таӷныӷахкынка, қаюҳлъяк ипа кияҳтыңъулӷӣ илюхпысини. Христосым Таӷныӷакык кияҳтыңъунӷилъкайык илюңани югым, пикынӷита̄ Христосым.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

К Галатам 2:7

Иглыӷутистыт лӣгикума̄т Кияӷныӷмун ныӷьюкусиманилюки хўаңамнун Пинилӷӣт Уңипат уңипақысқылъюки язычнигнун, катам таўатын ныӷьюкутылъҳатун Петырымун Пинилӷӣт Уңипат уңипақысқылъюки Иудеянун.

К Ефесянам 2:22

Илятңалъыҳпысигун Христосымун, малигулъюси иляңитнун ухпықанун ныкыфтыңъӯси мыңтыӷамун Кияӷныӷым кияҳфиганун Таӷныӷагмикун.

К Ефесянам 5:18

Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның,

К Колоссянам 4:11

Иисусымлъю, алъя атылгым Иустымың сю̄мқақӣсиңуқ. Та̄куңина̄гут Иудеит ухпықат, қыпҳалгусиӷақа̄тңа Атаныҳпагулъҳанун Кияӷныӷым. Илютуқутканка ынңа̄талъ.

1е Фессалоникийцам 5:19

Қа̄мтыхпынакык Аглыӷналӷӣк Таӷныӷак,

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

1е Тимофею 6:20

Тимофей, кылыңаклъюки тама̄кут Кияӷныӷым ныӷьюкуткӣ лъпынун. Иқитңалютын ухпықа̄нӷилңӯтнъын тымңитхўаның акузитңитныңлъю, а̄ҳтӣра̄ӷутылъҳитныңлъю. Тама̄кут ухпықа̄нӷилңӯт сюмыӷмыхни лӣсималъыпӣлгунӣқут, иўырңа ипаңунӷитуқ.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.