2е Тимофею 1:13 - Новый Завет на эскимосском языке

¹³ Малихтики апыҳтӯсяпигыт нагақуқаҳтын хўаңамның. Успута̄гут атуҳқақатын. Апыҳтӯсяқики ухпықилъыҳқунлъю, пиниқылъыҳқунлъю алъхыҳтыкақатын Христос Иисусымың.

2е Тимофею 1:13 Iomraidhean Croise

К Римлянам 2:20

Сюмыҳпыни налъҳусяҳтыңунӣқутын налъю̄қанун, апыҳтуӷистыңунӣқутыңлъю таӷнуҳаӷнун. Лӣлиҳтӯсялгутыхпының, сюмыҳпыни лӣсимакнилюку сяңўа̄ тамаҳа̄н пӣқан, қамахлъюкилъю ипапилъық.

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 4:9

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

К Колоссянам 1:4

Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун.

1е Фессалоникийцам 5:21

Иўырңа сяңўа̄ қамахлъюку нанӷӣқўа̄қитыху ынка̄м тугуклъиӷақлъюки сяңўа̄т пинилӷӣт,

1е Тимофею 1:10

Улима̄ӷӯт блудникыстынун, югнун юлгутмыхның атуқикаюгнун, югнун акикикаюгнун югмың қыпҳаҳтыля̄ӷулюки, иқлъыңиқыстынун, иқлъыңалӷӣнун лӣсимакистынун, кипулъхина̄лӷӣнунлъю Кияӷныӷым апыҳтӯсӣтнун ипапиҳқыңъалӷӣнун.

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 1:14

Кылыңакигу ипапилъық ныӷьюкуткақ лъпынун. Кылыңакигу каюткылъюкык Аглыӷналӷӣк Таӷныӷак кияҳлъыҳӣк илюмнъи.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

2е Тимофею 3:14

Иўырңа лъпык атуқумаңинаҳқи апыҳтӯсят лӣткаҳтын, ухпықыпӣкаҳтын. Лӣсимакатын ипаңутаңи, қаюҳлъяк лӣсимакатын кинкуңутаңи апыҳтуӷистыкыхкаҳтын.

2е Тимофею 4:3

Пилъыҳқақ тагиңӯқ югыт нагасюгнаниҳлъықут ипапигнун апыҳтӯсянун. Иваӷилъықут пиюкыхкамыхның апыҳтуӷистылӷутның нагатыпигыснаӷналюки нагақуӷьюкыхкаҳӣнатың.

К Титу 1:9

Лъңа ата̄сиӷмысяҳқа̄гуқ ипапигнун апыҳтӯсянун апыҳтуӷалъыңылъыӷмитун. Атуқлъюки ипапигыт апыҳтӯсят кайымылъықӣ югыт, лӣгикыслъықӣлъю апыҳтуӷистысиӷўа̄ӷыт анахутңанилюки.

К Титу 2:1

Иўырңа лъпык апыҳтӯсяқики ухпықанун ипапигыт апыҳтӯсят.

К Титу 2:8

Ўатаҳлъяк апыҳтӯсяқыхкан ылъқуӷутңали ынка̄м китум алңунак сыӷлықӯнӷилъилъю. Таўатын пикувык кипулъхина̄ҳтыт сыӷлытун акузиткынъа̄нӷитӣлъю, кипулъхина̄лъҳиталъю кайңуюхтыслъықӣ.

К Евреям 10:23

Йықай ата̄сӣӷмылъюта сиӷималъыӷмытыкыста̄лъта хўаңкунъун пикникамнъун, қаюҳлъяк ухпықаҳпут Кияӷнық ата̄сӣӷмытуқ ынка̄м пияҳқақӣ акықусяни.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

От Иуды 1:3

Пиниқыхкамни, письмоӷьюпихтақамси югулилъымнъың. Иўырңа нагақуӷьямки апыҳтуӷистысиӷўа̄ӷыт лъпысинилңӯт, апыӷьюкақа лъпысинун симиӷақа. Лӣсимакаси Кияӷныӷым каяхтыкақӣ апостолынилъю, иляңилъю югыт апыҳтӣсқылъюта ухпықсяҳқамнъың. Ынка̄м китум алңунак алъяңуҳсяҳқақынӷитӣт лъңита апыҳтуӷилъҳит. Тама̄кын апалъюқлъюку письмоңӯңа қывӯлъюси кипулъхина̄ӷысқылъюки апыҳтуӷистысиӷўа̄ӷыт. Апыҳтуӷистыхпынаки ипаңунӷилңуӷның апыҳтӯсӣтның.

Откровение 2:25

иўырңақун ухпықумаңинаҳтыху апыҳтулъыси кынляңа утыӷнилъымнун.

Откровение 3:11

Тагияҳтуҳтуңа. Айыпсюгилъюси ухпықумаңинаҳтыңъа китумун алңунак ўаянӷитысқылъюки қаҳпаси.

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.