2е Тимофею 1:10 - Новый Завет на эскимосском языке

¹⁰ Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 1:10 Iomraidhean Croise

От Луки 11:36

Ӣңунаӷми югусин ыслъықңакуми ниӷугмың налиӷныҳа̄ мамлыңуна̄н, та̄ўа кӯкхулъықутын ниӷугракытун катам кынылӷутак кӯкхутылъҳыхкытун лъпынун».

От Луки 13:7

Ынка̄м пӣтысиӷаҳтыни пика̄: “Ӣи, пиңаюни аюмиқулъыӷни ысҳаӷьяҳтуӷақсяӷақа уқфик пӣтыстиманаюкан иўырңа аваңитақуқ. Кыпигу! Пӣтфигилъҳа̄кун”.

От Луки 2:11

Аӷныӷми хўани лъпысинун алъхыӷақуқ Югулиӷиста, ныҳлъягани Давидым, Христосыңӯқ Атанық.

От Иоанна 1:9

Та̄на ниӷупӣгӯқ тагикақ нунамун, ниӷугулъҳӣ тамаҳа̄нун югнун.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 20:31

Иўырңа укут игақңалӷӣт игақыхка̄гут лъпысинун ухпықысқылъюку Иисус, Христосыңутаңа, Иӷныӷа Кияӷныӷым. Ухпықылъыҳпысигун уңувалъыңылъықуси А̄тҳакун.

От Иоанна 4:42

Та̄на аӷнақ пика̄т: «Нагасюхўа̄ӷақңамкын ухпықыхкақапут акузитытын. Иўырңа ма̄тын хўаңкунъың катам нагалъюку лӣтаҳпут та̄на ю̄к ипа югулиӷистыкыфта̄ нунам юган».

От Иоанна 5:40

Нақам хўаңамнун тагиюгигатуси уңувалъылитысқылъюси.

Деяния 13:23

Та̄кўаниңани Давидым киңунӷакун Кияӷныӷым акықилъыӷмитун алъхыҳтыстыкақа̄ Югулиӷиста Израилыӷмӣнун. Та̄на югулиӷиста Иисусыңӯқ.

Деяния 5:31

Ынка̄ңам қӯлваӷналюку Иисус аӷынқигныӷмикун ныкыхтыкақа̄ Иглыӷутистыңулюкулъю, Югулиӷистыңулюкулъю. Таўатын пикақа̄ Израилыӷмӣт авутыҳқысяҳқа̄ҳтысқылъюки сыӷлыҳқынъанӣсқылъюки, қӣвысқылъюки Кияӷныӷмун, сыӷывунъалюкилъю сыӷлыҳқылъҳитның.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

К Римлянам 3:31

Лӣлиҳтӯся̄т сятңунаниҳқыстыкӣ ухпықилъымтыхун? Нака̄! Йыӷлыгилъю! Ухпықилъымта қа̄ткысюхтыстақӣ Лӣлиҳтӯсят қылӷуткӣт.

К Римлянам 6:6

Лӣсимакаҳпут хўаңкутылъюгуялӷӣт қақӯра̄тка̄гут Христосыкун иглықатақнанӣсқылъюта сыӷлыҳқылъҳым аҳтуӷьяҳқа̄нӷилъҳанун, қыпҳаҳтыля̄ӷунаниӷналюталъю сыӷлыҳқылъыӷмун.

1е Коринфянам 4:5

Ынка̄ңам ўӣн нанқихтыхпына̄н кина алңунак сялъҳаның. Атанӷым тагинқихтыкуми кукыхсяҳқақӣ югыт илюңит алӣҳқылъюки сяңўа̄т ӣӷңаялӷӣт тысқамани. Алӣҳқысяҳқақӣ сяңамың ся̄қутаңи. Та̄хкын усюқсяҳқат тама̄кут усюқылъыңьяҳқа̄гут Кияӷныӷмың.

2е Коринфянам 5:4

Югусипут хижинастун аюқут. Хижинамылъюта ңилъыхтақукутлъю, сыӷлылӣҳтукутлъю қаюҳлъяк матаҳсюгигалъкыпут. Итупилъ симиӷьюгақапут югусинун туқуңигалңуӷнун.

К Галатам 5:4

Лӣлиҳтӯсятхун налъҳусяҳтыснақуткыхкуфси Кияӷныӷым ылъқуӷутңалъҳанун, а̄флъықуси лъпысиның Христосымың, унилъықаҳсилъю Кияӷныӷым наңлъыхталъҳа.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 1:9

успықылъыӷминың сялин алӣҳсигалъкымъиның сивунӷани. Та̄наңӯқ Кияӷныӷым успықыхка̄, пикақа̄ Христосыкун.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 4:1

Христос Иисус тагикуми иглыӷутиналюни Атаныҳпагулъыӷмини, нанқихлъықӣ уңувалӷӣтлъю туқукатлъю. Ынка̄м нагасиманӷыхкыни Кияӷныӷылъю, Христос Иисусылъю, қылӷамкын

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Титу 2:11

Таўатын кияҳсяҳқа̄гукут қаюҳлъяк Кияӷныӷым алӣҳтыкақа̄ пиниқылъыни югулилъыңысқылъюку ю̄к тамаҳа̄н.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Титу 3:4

Иўырңа Кияӷныӷым Югулиӷистымта лӣсимакыстыкақӣлъю наңлъыхталъыӷминың, пиниқылъыӷминыңлъю.

К Евреям 10:32

Нықамикыхкыси тама̄кут аӷныӷыт сивунӷани лӣсюхўа̄ӷақңафсигу ипапилъық Христосымың аюқылӷӣ. Аӷулӣтка̄гуси ата̄сӣӷмылъюси қайўа икфиқыҳлъяӷңа̄ҳпыси.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Петра 1:11

Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.

2е Петра 1:3

Иисус аҳтуӷьяҳқа̄нӷилъылгӯқ Кияӷныӷмың. Та̄хун аҳтуӷьяҳқа̄нӷилъыҳқун тӯныхкақӣлъю сямың тамаҳа̄ның аклъюкыхкамнъың кияҳтысқылъюта Кияӷныӷьюныҳтулюта. Тама̄кут алъхыҳтыкақапут қаюҳлъяк лӣсимакыхкыфут Иисус. Туқлъюӷӣлъю илятысқылъюта қӯлвалъыӷминуңлъю, пинилъыӷминуңлъю.

2е Петра 2:20

Югыт лӣтақңамыхтыху Атаныҳпутлъю, Югулиӷистывутлъю Иисус Христос анагьяҳқақа̄т нукыхна̄ нунам. Иўырңа утыӷнинқихтыкумың сыӷлытун кияҳта̄лъыӷмыхнун а̄ҳқутақысимакумыңлъю тама̄кунун, та̄ўа кияҳта̄лъҳит сыӷлыӷатаӷа̄яҳқа̄гут пиюхўа̄лъыӷмыхның.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

2е Петра 3:2

Лъпысинун нықамикысюганка аглыӷналӷӣт ӯкналиқистыт ӯкналиқуткыхкӣт. Нықамикысюгақалъю қылӷусяқ Атанымта Югулиӷистым а̄пқа̄ апостолыхпысигун.

1е Иоанна 1:2

Та̄на уңувалъық ысҳаӷьяҳқа̄ҳтыстақңан ысҳақақаҳпут; ынка̄м хўа̄ а̄пҳаҳпутлъю, уңипақаҳпутлъю лъпысинун та̄на кынлыңилңуқ уңувалъық Атамысялӷӣ, ысҳаҳтыстыкақ хўаңкунъун.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

Откровение 18:1

Та̄м киңуңаның ысҳаӷақа иляңа яқулык қилягмың укилӷӣ. Аҳтуӷьяҳқа̄нӷилъылыхлъягуфтуқ, ниӷуҳқылъыӷминың ӣңунаҳа̄н нуна ниӷухта̄.

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 20:14

Та̄хкын Туқулъықлъю, Адылъю милю̄тахкыт на̄йвам кынӷанун. На̄йвам кынӷа тӯңлиқа̄ туқулъҳым.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 22:17

Таӷныӷаклъю, Угӣӷнақылӷӣлъю пӣк: «Таги!» Тамаҳаӷмилъю нагалъҳӣ пили: «Таги!» Кина алңунак мықсюлӷӣ тагили; тугуклъиӷлигу акиңилңуқ мық уңувалъылитикаюк.