2е Тимофею 1:1 - Новый Завет на эскимосском языке

¹ Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 1:1 Iomraidhean Croise

От Иоанна 10:28

Тӯнанка кынлыңилңуӷмың уңувалъыӷмың, ынка̄м туқуна̄нӷитңўа̄ҳтут. Китум алңунак акуқаӷна̄нӷитӣ ӣхымның.

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

От Иоанна 6:40

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

От Иоанна 6:54

Китум алңунак ныӷыхкумигу кымыкшака, мыӷыхкумигу а̄кўа, кынлыңилңуӷмың уңувалъылгӯқ, уңуваҳлъықақалъю киңулиӷми аӷныӷми.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

К Римлянам 5:21

Сыӷлыҳқылъҳым иглыӷуткақӣ югыт туқулъыҳқун. Иўырңа Кияӷныӷым пиниқылъҳан иглыӷутңўӣ югыт налъҳусялъыӷмикун лъми ылъқуӷутңалъыӷминун. Ынка̄м алъхыҳта̄т кынлыңилңуқ уңувалъық Иисус Христосыкун Атанымтыхун.

К Римлянам 6:23

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

1е Коринфянам 1:1

Укут посланият Павелымың пиңӯт, Кияӷныӷым накмикыхка̄ның Иисус Христосымун апостолыңулюки. Ухпықа̄лгутфут Сосфен хўаңамнитуқ.

2е Коринфянам 1:1

Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

2е Коринфянам 1:20

Лъңаңӯқ «Аңылъық» тамаҳӣтнун Кияӷныӷым акықусӣтнун. Тама̄кын апалъюқлъюку хўаңкута «Аминақукут» лъңакун усюқнымтыху Кияӷнық.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 1:13

Малихтики апыҳтӯсяпигыт нагақуқаҳтын хўаңамның. Успута̄гут атуҳқақатын. Апыҳтӯсяқики ухпықилъыҳқунлъю, пиниқылъыҳқунлъю алъхыҳтыкақатын Христос Иисусымың.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

2е Тимофею 2:1

Ынка̄ңам лъпык иӷнымни, икнақи атуқылъыҳпыгун пиниқылъҳа Христос Иисусым.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

2е Тимофею 2:3

Икфиқылгусиҳқут пинилӷӣтун пилъюўаҳтыңатун Христос Иисусым.

2е Тимофею 3:15

Има таӷнуҳа̄тыхпының лӣсимакыхкақатын аглыӷналӷӣт Акузитыт Игақыхкат. Акузитыт Игақыхкат апыҳтуӷьяқлъыгўа̄тын югулилъыҳқамың ухпықилъыҳпыгун Христос Иисусыкун.

К Титу 1:2

Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Титу 1:4

Укут посланият Титымун пиңӯт, иӷныпикамкын ухпықилъымтыгныгун. Кияӷныӷым Атам, Христос Иисусымлъю Югулиӷистымта қуяслъитынлъю, ныкыхмылъылгуслъитынлъю.

К Евреям 9:15

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.

1е Иоанна 2:25

Унаңӯқ акықусяқыхка̄ тӯнылъықнилюку хўаңкунъун, кынлыңилңуқ уңувалъық.