2е Петра 3:9 - Новый Завет на эскимосском языке

⁹ Атанық ыгна̄ңинъыӷитуқ акықусяни пияҳқа̄люку, иляңита югыт сюмыҳтаӷалъҳистун. Йыӷлыги ныкыхмытутақӣси қаюҳлъяк кина алңунак ифлъяюгунӷилъкаңа. Итупилъ тамаҳа̄н ю̄к агўитысқысюгўа̄ сыӷлыҳқылъҳитның.

2е Петра 3:9 Iomraidhean Croise

К Римлянам 13:11

Тама̄кут пикатыки қаюҳлъяк лӣсимакаҳси пилъыҳқақ ка̄сима̄қ. Қавалӷӣстун аюқуси иўырңа ма̄тын таҳтуӷьяҳқа̄ҳтуси. Югулилъыҳпут туӷа̄ҳтуқ ухпыӷьюха̄лъымнъың.

К Римлянам 13:12

Унук алъпагьяҳтуҳтуқ, хўа̄ аҳсяҳтуңыстаӷа̄. Та̄қылътыкиңам атуқныӷмың сыӷлыӷыт югыт пӣқыхкаңит мамлыгми. Ынка̄м тугулътыки пилъюўа̄сиҳқат ниӷугми.

К Римлянам 2:4

Лӣгикынӷисигӯ наңлъыхтаҳтуляңа Кияӷныӷым? Аӷью̄ӷаҳсигалъкаңатын таўаниңинақ қаюҳлъяк нуқытутақыхкаңатын. Сюмыҳпынӣи та̄кут сятңунӷита̄т? Лӣсимакынӷисигӯ Кияӷныӷым наңлъыкақыхкаңатын қаюҳлъяк авутыҳқысқысюкаңатын?

К Римлянам 9:22

Кияӷныӷым кылгусюкақа̄ угумиюлъыҳлъяни, лӣсимакысюга̄лъю аҳтуӷьяҳқа̄нӷилъыни. Иўырңа нуқытунъыҳпакақӣ нанқихтыкани на̄фқынъалюки.

1е Тимофею 1:16

Нақамлъю Кияӷныӷым наңлъыгьягуткақа̄ңа. Ынка̄м успута̄гуңа натын тахка̄н Христос Иисусым утақӣлъыҳқа̄ның сыӷлыҳқыстының ухпықысқылъюни. Та̄на успутақ тама̄кунун аюқуқ ухпықияҳқанун лъңаның уңувалъыңысқылъюки кынлыңилңуӷмың.

1е Тимофею 2:4

қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық.

К Евреям 10:37

Катам игақңалӷӣ Акузитни Игақыхкани хўатын: «Қантаӷақун та̄на тагияҳқақ ка̄лъықуқ; кима̄ўина̄нӷитуқ.

1е Петра 3:20

Та̄куңӯт қа̄ткусимаңилңӯт Кияӷныӷмун ныӷиӷлюку Ной кияҳтыңъулюку. Ной ковчегыңлъя̄люку Кияӷнық қыляныҳпынани утақӣка̄гуқ қа̄ткусимаңилңуӷнун авутыҳқысқылъюки. Пиңаюның иңлюлъхӣна̄т югыт итыӷлютың ковчегымун югулика̄гут мыҳқун.

2е Петра 1:4

Аҳтуӷьяҳқа̄нӷилъыӷмикун, Иисусым тӯныхкақӣлъю акықусяминың мыгнунапихлъыҳӣныңлъю, пивагнапихлъыҳӣныңлъю. Тама̄гун акықусятхун Кияӷныӷым илятыслъықӣси наңаӷныӷминун. Та̄хкын анагьяқлъыгуҳлъықаси сыӷлыӷым пиюкылъҳи нунамылңӯт на̄фқӣяқлъыгыт лъпысиның.

2е Петра 3:15

Сюмыӷмикитыху Атанымта нуқытутилъҳа лъпысиның югулилъыңысқылъюси. Пиниқыхкамта ухпықа̄лгутымта Павелым а̄пқақӣ та̄кут ата̄сит письмоӷақңами пыҳқинылъылиӷлюни Кияӷныҳтамың.

Откровение 2:21

Пилъыҳқалиткақсяӷақа авутыҳқысқылъюку, иўырңа та̄қсюнӷитуқ алъянӣныӷмың.