2е Петра 3:7 - Новый Завет на эскимосском языке

⁷ Иўырңа та̄хун акузиткун Кияӷныӷым афлъыңакақӣ қилягалъю, нуналъю на̄фқысяҳқа̄люки кыныҳқун. Афлъыңакңӯт кынляңа аӷныӷанун нанқихтилъҳым. Таўанилъю аӷныӷми на̄фқылъықӣ югыт авылӷасиңўа̄ӷикат лъңаның.

2е Петра 3:7 Iomraidhean Croise

От Матфея 10:15

Ипа уңипа̄тамси, Нанқихтилъҳым Аӷныӷани, Содомыӷмӣтлъю, Гоморраӷмӣтлъю аӷью̄лъыҳқыста̄ҳа̄яҳқа̄гут та̄хкын юганың!»

От Матфея 11:22

Ипа уңипа̄тамси, Нанқихтилъҳым Аӷныӷани Тирыӷмӣтлъю, Сидоныӷмӣтлъю аӷьюлъыҳқыста̄ҳа̄яҳқа̄гут лъпысиның!

От Матфея 11:24

Иўырңа уңипа̄тамси Нанқихтилъҳым Аӷныӷани Кияӷныӷым наңлъыкатаӷаӷьяҳқақӣ Содомыӷмӣт пакихулъюки лъпысиның!»

От Матфея 12:36

Уңипа̄тамси, Нанқихтилъҳым Аӷныӷани югыт апыӷьяҳқапыста̄қӣт Кияӷныӷмун қамахлъюки сыӷлыӷыт акузитыт атуқыхкатың сяңита атуқуматаңи.

От Матфея 24:35

Қилягалъю, нуналъю авӣӷусяҳқа̄гук, иўырңа хўаңа акузитынка авӣӷунъа̄нӷитут».

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Марка 6:11

Нынун ка̄скуфси упуӷатиңигалңуӷнун, налиӷмың нагасюгигалңуӷнун, унинъакыси та̄на нуна итыгаси пагуляңӣмӣта. Таўатын пикуфси кылыңася̄ҳлъықаси Кияӷныӷым аӷью̄лъыҳқа̄ның!»

От Иоанна 12:48

Китум алңунак иҳсякыхкаңаңалъю, тугуклъинӷилъкакилъю акузитынка нанқихтистыкаҳқалгӯқ. Акузитыт акузиткыхканка нанқихлъықа̄т киңулиӷми аӷныӷми,

К Римлянам 2:5

Иўырңа лъпык алыҳқуныҳлъюгӯтын, пиныҳлъюгӯтын; тама̄кын апалъюқлъюку авутыҳқысюгигатутын. Ынка̄ңам лъпык катам улимаңўа̄н аӷью̄лъыңылъыҳқан сыӷлыӷатаӷа̄люку Нанқихтилъҳым Аӷныӷани. Таўани Аӷныӷми Кияӷныӷым алӣҳлъықа̄к сякша̄лъынилъю, ылъқуӷутңалӷӣлъю нанқихтилъыни.

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

К Филиппийцам 1:28

Аликыхпынаки аңуяси, қӯнпың илютулъюси. Ынка̄м таўатын пилъыҳпыси ипапиҳқылъықа̄т лъңит кая̄лъқӣна̄нӷитут. Лъпыси кая̄лъқӣлъықуси қаюҳлъяк Кияӷныӷӯқ кая̄лъқӣстилӷӣ лъпысиның.

2е Фессалоникийцам 2:3

Иўырңа пӯҳтыстыхпынаси! Та̄на Аӷныӷа Атанӷым ка̄нъа̄нӷитуқ кынляңа югыт малиҳқутақсюгнанилӷитнун Кияӷныӷым иглыӷутилъҳанун, ка̄тылъҳанунлъю Сыӷлыпыста̄ӷым Югым. (Лъңа на̄фқысяҳқа̄гуқ геенами.)

1е Тимофею 6:9

Иўырңа тама̄кут аклъюңиӷиюлӷӣт нанӷӣқулъыңақут. Сыӷлыӷым пиюкылъҳита тугўа̄қӣ ынка̄м тымңитхўаҳлъягуҳтақут. Та̄хкын пиюкылъҳита сяюгақӣ на̄фқылъыӷмун.

К Евреям 12:29

қаюҳлъяк Кияӷныҳпут на̄фқӣлӷӣңӯқ кынық.

2е Петра 2:9

Та̄ўа лӣтаҳпут, Атанық лӣсимакуқ натын югулилъыҳқамың ылъқуӷутңалӷӣт югыт, нанӷӣҳсяӷалъыңынӷата. Кылыңакңўӣлъю сыӷлыӷыт югыт аӷью̄лъыңылъыӷмылңӯт, утақӣмалюки Аӷныӷанун Нанқихтилъҳым.

2е Петра 3:10

Иўырңа Аӷныӷа Атанӷым тагилъықуқ тыглыгнӣҳтытун. Таўани Аӷныӷми қиляга авӣӷусяҳқа̄гуқ ыфтуӷӯтыҳлъягмың. Сяңўа̄т қамахлъютың қилягамылңӯт кынӷым уӷухлъықӣ. Қамахлъютыңлъю нунамылңӯт паныҳлъықут.

2е Петра 3:12

утақӣмалюси Аӷныӷанун Кияӷныӷым. Пинақылъҳаҳси қамахлъюку пинитун пӣқитыки аӷнық тагирахкӣӷысқылъюку. Таўани аӷныӷми кынӷым на̄фқылъықа̄ қиляга, ма̄тныӷымлъю уӷухлъықӣ сяңўа̄т қамахлъюки қилягамылңӯт.

1е Иоанна 4:17

Ынка̄м пиниқылъық ӣӷўиҳтыка̄гуқ илюмнъи илютусқылъюта Нанқихтилъҳым Аӷныӷани. Таўатытукут қаюҳлъяк Христосытун аюқылӷӣкут нунами хўани.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.

Откровение 17:11

Тыӷикусялъю̄к уңуваялӷӣ иўырңа туқукақ, пиңаюның иңлюлӣтңӯқ умӣлык. Та̄на пиңаюның иңлюлӣта умӣлык иляка̄т сивулӣт ма̄ӷраӷвинлык умӣлгыт, на̄фқылъыңьяҳтӯгуқ.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.

Откровение 20:11

Та̄хкын ысҳаӷақа Кияӷнық ақумгалӷӣ қатылӷӣгныкун умӣлгусигныкун ақумутаҳлъягыгныкун. Нуналъю, қилягалъю қима̄гӯтук Кияӷныӷым таўантылъҳаның, алъялъю ысҳаӷьяҳқа̄хпынатык.

Откровение 21:1

Та̄хкын ысҳаӷахка қиляграӷақлъю, нунаӷраӷақлъю. Қиляксюхўа̄ӷӣсима̄қ, нунаксюхўа̄ӷӣсима̄қ, кылъӣңӣтка̄гуқлъю.