2е Петра 3:3 - Новый Завет на эскимосском языке

³ Лӣгикңўа̄ӷьяҳқақаҳси уна: киңулиӷни аӷныӷни лыгасӣӷўаҳтылгуяҳқа̄гуқ; тама̄куңӯт малиҳқутақңалӷӣт сыӷлыӷнун пиюкыхкамыхнун. Лыгасӣӷўа̄ткылъықа̄т Кияӷныӷым акықуся̄,

2е Петра 3:3 Iomraidhean Croise

От Иоанна 12:48

Китум алңунак иҳсякыхкаңаңалъю, тугуклъинӷилъкакилъю акузитынка нанқихтистыкаҳқалгӯқ. Акузитыт акузиткыхканка нанқихлъықа̄т киңулиӷми аӷныӷми,

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Тимофею 3:1

Лӣсимакысюгамкын киңулиӷни аӷныӷни сыӷлылӣҳлъягуяҳқа̄гуқ.

К Евреям 1:2

Иўырңа укуни киңулиӷни аӷныӷни алыҳқуқақӣлъю Иӷныӷмикун. Лъңакун Кияӷнық нунаңлъяқа̄гуқ, накмикыхкақӣлъю пилӣтысқылъюку сяңўа̄ тамаҳа̄н.

2е Петра 1:20

Лӣгикңўа̄ӷьяҳқақаҳси уна: Китум алңунак лъңаның катам лӣгикыпагниңитӣ сямың писӣтаңи ӯкналиқылъҳыт Акузитнилңӯт Игақыхкани.

2е Петра 2:10

Та̄на аӷью̄лъық кияң тама̄кунун аюқуқ малигулъҳӣнун югусимың сыӷлытун пиюкылъыҳлъягитнун, қа̄ткусюгигалңуӷнунлъю китумун алңунак. Тама̄кут апыҳтуӷистысиӷўа̄ӷыт тытугигатутлъю, лъмиңуюгныӷӯтлъю. Алиңыхпынатың сыӷлықӯӷақӣт ниӷугракыхтат.

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.

От Иуды 1:18

Уңипа̄ткақӣси хўатын: «Киңулиӷни аӷныӷни ныңляӷьюхсяҳтылгуяҳқа̄гуқ Кияӷныӷым ипапиҳқылъҳаның аюқылӷӣның. Сяңўа̄т алңунак югусим пиюкылъҳи атуқсюныӷмыхтыки пӣқӣт».