2е Петра 3:14 - Новый Завет на эскимосском языке

¹⁴ Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

2е Петра 3:14 Iomraidhean Croise

От Матфея 24:26

Ынка̄ңам хўатын пикаңиси: “Ӣи, Христос па̄ҳқилъҳанитуқ!” такухпына̄н; налиӷмың хўатын пиката: “Ӣи, мыңтыӷам илюңанитуқ”, ухпықыхпынаки.

От Матфея 25:7

Аӷнаӷа̄т таҳтуӷаҳта̄лъютың кынылӷутатың кынӷит налъҳусяқӣт.

От Луки 12:43

Та̄на қыпҳаҳта қуястылъыңьяҳқа̄гуқ, умӣлгым ка̄лъюни ысҳақумигу қылылъыӷмитун пилӷӣ.

От Луки 2:29

«Атанық, йықай ма̄тын қыпҳаҳтын аӷуляқыстигу ныкыхмылъюку, қаюҳлъяк акықылъыҳпытун, хўаңа катам ийыгымның ысҳаӷақа каяхтыкан Югулиӷистыңулюку.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

К Филиппийцам 1:10

Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Филиппийцам 2:15

Ынка̄м авутңилъықусилъю, пылюңилъықусилъю. Кияӷныӷым авақутӣ авутңисяҳқа̄гут кияҳтыңъулютың акулңитни пӯҳтинӷытлъю, сыӷлыҳқыстытлъю. Кӯкхутыпыста̄ӷьяҳқа̄гуси иӷалықыта̄ӷыстун нунами,

К Филиппийцам 3:20

Иўырңа ухпықани хўаңкута қилягмӣңӯкут. Ынка̄м утақаңўа̄ҳпут югулиӷиста, Атанық Иисус Христос, укигьяҳқақ хўаңкунъун қилягмың памакын.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

1е Тимофею 6:14

Қылӷамкын пира̄мсилютын қа̄ткысқылъюки қамахлъюки қылгутканка лъпынун. Нагныӷутики кынляңа Атанымта Иисус Христосым утыӷнинқихлъыӷанун. Таўатын пикувык китум алңунак анахунилютын пина̄нӷита̄тын.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 1:27

Кияӷныӷым Атамта пилъҳани ю̄к ухпылъыпӣлгукуми, каюсиӷьяҳқақӣ яйўа̄литлъю, угиңиӷатлъю сыӷлылӣнӷата, нуқысяҳқа̄гуқлъю сыӷлыӷаның нунам.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

2е Петра 3:1

Илякумта̄мни, укут алӷӣткӣ письмолъыӷма лъпысинун. Тамаҳа̄хкынкун письмолъыӷма нықаңуҳтыснақуткамси лӣсимакыхкаҳпысиның. Сюмыҳтаӷӣсқысюгамси тама̄куның ипапиҳқылъюси.

2е Петра 3:16

Письмоткыхкақӣ тама̄кут қамахлъюки посланиямикун. Налиӷныӷи Павелым посланияңан лӣгикныҳлъюгӯт. Югыт лӣгикылъыпагилңӯт, ухпықилъыпагилңӯт алъяңуҳтақӣт сямың писӣтаңи посланияңанилңӯт. Таўатынлъю пӣқӣт иляңи Акузитыт Игақыхкат ынка̄м на̄фқыңъӯт лъңитның.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.