2е Петра 3:1 - Новый Завет на эскимосском языке

¹ Илякумта̄мни, укут алӷӣткӣ письмолъыӷма лъпысинун. Тамаҳа̄хкынкун письмолъыӷма нықаңуҳтыснақуткамси лӣсимакыхкаҳпысиның. Сюмыҳтаӷӣсқысюгамси тама̄куның ипапиҳқылъюси.

2е Петра 3:1 Iomraidhean Croise

От Матфея 5:8

Тама̄кут умьюгақыхтат қуястылъылгӯт, қаюҳлъяк ысҳаӷьяҳқақа̄т Кияӷнық.

2е Коринфянам 13:2

Тӯңлиҳа̄ни ля̄лиҳфикақңамси кылыңася̄қақамси тама̄кут сивунӷани сыӷлыҳқылӷӣт. Иляңитлъю кылыңася̄қақанка, тагинқихтыкума аӷью̄ӷмихлъықнилюки сыӷлыҳқумаңинақата. Тама̄нъыӷитыӷңа̄ӷма кылыңася̄ӷнақанка.

1е Тимофею 5:22

Ӣхтиӷаҳтыхпына̄н кина иглыӷутистыкаҳқа̄люку юӷаӷвигми. Та̄юҳқыхкувык илялъкӣнъаюкавык сыӷлыҳқылъҳанун. Кияҳтыкыста̄ пылюңилъютын.

2е Тимофею 1:6

Тама̄кын апалъюқлъюку нықаңуҳсюгамкын, атуқумаңинаҳу тунусян Кияӷныӷмың, тӯныхкақа̄ ӣхтиӷақңамкын.

К Евреям 6:9

Пиниқыхкамни, қайўа лъпысинун письмоткыӷңа̄мтыки тама̄кут, сюмыҳтаӷа̄ткигатамси таўатылъюси. Лӣсимакаҳпут пиниӷатаӷалӷӣмың қуястылъылгӯси югулилъыҳпысигун.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 2:11

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси.

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

2е Петра 3:17

Илякумта̄мни, лӣсимакутыхпысиның ся̄қутаңи қа̄ткусигалңӯт лӣлиҳтӯсянун, кылыңатык. Аӷуляқутыстыхпынаси анахутңалӷӣнун апыҳтуӷилъҳитнун. Таўатын пикуфси малӷуклъина̄нӷитуси ухпықыхкаҳпысиның.

2е Петра 3:8

Илякумта̄мни, пуйгухпына̄н уна! Атаныӷми аӷнық ата̄сиқ тысяча аюмиқулъҳыстун аюқуқ, тысяча аюмиқулъҳыт ата̄ситун аӷныҳтун аюқуқ.

От Иуды 1:5

Уңипа̄тка̄яӷңа̄ҳпыси сивунӷани Кияӷныӷым аӷью̄ӷилъҳаның сыӷлыҳқыстынун, нықаңуҳсюгамси алъямың та̄кут успутақлъюки. Нықамиклъюку Атанӷым югуликақӣ Израилыӷмӣт Египетыӷмӣның, аӷуляқыстыкақӣ Египетмың. Иўырңа киңуңаның та̄м иляңи Израилыӷмӣт ухпықинаниӷьята, қа̄ткунъаниӷьята лъңанун, туқустыкақӣ.