2е Петра 2:3 - Новый Завет на эскимосском языке

³ Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

2е Петра 2:3 Iomraidhean Croise

От Матфея 23:14

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ысҳаӷля̄тақулюки угиңиӷат мыңтыӷӣӷақаси. Та̄хкын пиниӷнилюси писқылъюси та̄клъюку юӷаӷақуси. Тама̄кын апалъюқлъюку аӷью̄лъыңыҳлъягьяҳқа̄гуси!

От Луки 18:8

Уңипа̄тамси, Кияӷныӷым налъҳуся̄тқаҳсяҳқақӣ. Қайўа̄ Иӷныӷа Югым утыӷниқуми, нунами на̄лъкулъықа̄ ухпықилъылыгмың?»

От Луки 20:20

Ынка̄м ӣскуҳтыңъўа̄қа̄т Иисус қаюҳлъяк тӯньюкаңат Римым правителыңанун, лъңанун нанқихтысқылъюку. Тама̄кын апалъюқлъюку каяхтыкӣт рӣрңистыт нагатысқылъюку Иисус. Ипапиҳқысиӷўа̄ӷлюки анахутыснақуткысқылъюку Иисус акузилъҳакун.

От Луки 22:47

Иисус акузималюку, Иудам маӷьяҳқуқӣ юлӷутыт лъңанун. (Иуда илятңалӷӣ қуля ма̄лӷук сӣпнықлъюку малихся̄ҳтынун.) Такука̄ Иисус на̄ӷналюку.

От Иоанна 2:16

Та̄хкын югыт акилъпыгалӷӣт голубының қылъқӣ хўатын: «А̄нутыки хўакын! Атама Мыңтыӷа̄ акилъпыгаӷвигуҳтыхпына̄н».

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

1е Фессалоникийцам 2:5

Лӣсимакаҳси усюқӯҳсяҳтӯнӷитамси налиӷмың сякыңвиксяҳтӯнӷитамси. Кияӷнық лӣсимакистыкаҳпут.

1е Фессалоникийцам 5:3

Югыт хўатын пималюки: «Ныкыхмылъылгӯкутлъю, пақнӣтукутлъю», на̄фқылъҳым ка̄тқаҳлъықӣ катам аӷнам иӷниюлъҳан ақниҳқылъҳатун. Югыт анагна̄нӷита̄т та̄на на̄фқылъық.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 3:8

Таўатыҳпигақ Диаконытлъю пиниӷлюки акузиткысяҳқа̄гут, ипапиҳқыңъаяҳқа̄гут, виномың мыӷыпагьяҳқа̄нӷитут, пакигныӷуяҳқа̄нӷитутлъю манимың.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

К Титу 1:7

Иглыӷутистыңутминың Кияӷныӷым қыпҳақа̄нун, Епископа авутңисяҳқа̄гуқ. Юкыҳқынӷуяҳқа̄нӷитуқ, налиӷмың ка̄тқаҳта̄маңуяҳқа̄нӷитуқ, налиӷмың сю̄мыстыңуяҳқа̄нӷитуқ, налиӷмың сю̄хлъюгуяҳқа̄нӷитуқ, налиӷмың пакигныӷуяҳқа̄нӷитуқ аклъюңиӷиналюни.

1е Петра 2:8

Амалъықа: «Та̄м уйӷагым югыт на̄хтыстақӣ, иқустақӣлъю». На̄хтақут қаюҳлъяк қа̄ткусигалңӯт Кияӷныӷым акузитаңанун. Таўатын Кияӷныӷым успықыхкақӣ.

1е Петра 5:2

Ынка̄м қылыӷьюгамси Пынъиниҳатыни хўатын: Пынъӣӷнӣҳтыңутык Кияӷныӷым пынъӣӷитнун; ныӷьюкуткақӣ лъпысинун афлъыңакысқылъюки. Афлъыңакитыки қаюҳлъяк афлъыңаксюкыси, нака̄н қаюҳлъяк пияҳқа̄тыхпысиның. Кияӷныӷым таўатын писқысюгӣси. Афлъыңакитыки нака̄н акилыҳтӯсяңыпигыснаӷналюси, иўырңа қаюҳлъяк каюсиӷьюкыси.

2е Петра 1:16

Атуқумаңитапут пыҳқиниқутңўа̄ӷлюки уңипаӷа̄тыңлъяқат а̄пҳақңамтыки лъпысинун аҳтуӷьяҳқа̄нӷилъҳалъю, тагилъҳалъю Атанымта Иисус Христосым. Хўаңкута катам ийыҳлъюўа̄мнъың ысҳақақаҳпут лъңан а̄ңылъыҳлъяга.

2е Петра 2:1

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

2е Петра 2:9

Та̄ўа лӣтаҳпут, Атанық лӣсимакуқ натын югулилъыҳқамың ылъқуӷутңалӷӣт югыт, нанӷӣҳсяӷалъыңынӷата. Кылыңакңўӣлъю сыӷлыӷыт югыт аӷью̄лъыңылъыӷмылңӯт, утақӣмалюки Аӷныӷанун Нанқихтилъҳым.

От Иуды 1:11

Сыӷлыӷўа̄ӷунақңӯт лъңит! Каинытун пиңӯт, туқуткақа̄ аңлыгутни. Алъхыӷутықаҳналютың манимың сыӷлытун пика̄гут Валаамым пилъҳатун. Корейтун пиңӯт, қа̄ткысюнӷиткақыхкаңи иглыӷутистыт Кияӷныӷым накмикыхкӣ. Ынка̄м Кияӷныӷым на̄фқыхкақа̄ лъңа, апыҳтуӷистысиӷўа̄ӷытлъю на̄фқысяҳқақӣ.

От Иуды 1:15

нанқихналюки қамахтыңъўа̄ӷлюки югыт. Қайвиҳқысяҳқақӣ қамахтыңъўа̄ӷлюки сыӷлыҳқыстыт сыӷлыҳқылъҳит, сыӷлыпыста̄тунлъю акузилъҳӣт лъңаның. Тама̄кын апалъюқлъюку Атанӷым аӷью̄ӷьяҳқақӣ сыӷлыҳқыстыҳлъягыт».

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.