2е Петра 2:2 - Новый Завет на эскимосском языке

² Юлӷутыт малигулъықут апыҳтуӷистысиӷўа̄ӷнун кайңуналӷинун кияҳта̄лъҳитнун. Ынка̄м югыт сыӷлықӯҳлъықӣт апыҳтӯсяпигыт атупут.

2е Петра 2:2 Iomraidhean Croise

От Матфея 22:16

Ынка̄м каяхтыкӣт иляңи малихся̄ҳтытын, иляңилъю Иродианыт Иисусымун. Хўатын пика̄т: «Апыҳтуӷиста, лӣсимакамкын акузӣқутын ипаңулюку. Апыҳтӯсянлъю натын Кияӷныӷым кияҳтысқысюлъҳа ипаңӯқ. А̄ңўа̄ӷуяӷңа̄та, укавансяӷңа̄та паниның апыҳтуӷақатын таўатыҳпигақ.

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Матфея 7:14

Иўырңа амик уңувалъыӷмун аюқылӷӣ кахпыста̄ҳа̄гуқ, тӯмлъюгмытуқлъю ынка̄м қафсинкӯраҳа̄м на̄лъкақӣ тумыт уңувалъыӷмун аюқылӷӣт».

От Марка 12:14

Ка̄лъюку пика̄т: «Апыҳтуӷиста, лӣсимакамкын ата̄сӣӷмытутын. Ўа̄кигататын югыт сюмыҳтаӷалъҳит, талўа ўа̄кигататын югыт сяңуяӷңа̄та, иўырңа ипапиҳқылъютын апыҳтӯсяқақан Кияӷныӷым пиюкылъҳа югнун. Уңипа̄таҳтикут, Кияӷныӷым Лӣлиҳтӯся̄ни ылъқуӷутңа̄ лъивикилъыҳқаҳпут налогның Кесарымун? Лъивикилъта̄а налиӷмың пинӷитылъта?»

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

Деяния 13:10

пика̄: «Уюқ Туӷныӷа̄м иӷныӷа! Угумикан сяңўа̄ қамахлъюку пинилӷӣ. Иқлъыңасяхлъягӯтынлъю, сыӷлытунлъю пистыҳлъягӯтын. Та̄қнақынӷисикӣ иқлъыңиқусиқныӷмың Атанӷым апыҳтӯсӣ?

Деяния 14:2

Ынка̄м Икониямытылъқинақак, тама̄ни тытухпынатык уңипақикак Атаныӷмың. Павелылъю, Варнавалъю Атанӷым алъя̄ҳлъюхўаҳтистыҳлъяга̄тақакык югнун ипаңутаңа лӣгикысқылъюку уңипақыхка̄к Атанӷым наңлъыхталъҳа. Иўырңа ухпыӷьюгумаңилңӯт Иудеит язычнигнун сыӷлытун сюмыҳтаӷа̄ткыстыкӣт ухпықат.

Деяния 16:17

Та̄м аӷнаӷа̄м малихся̄ӷӣнкут Павелылъю хўаңкутун акилӷӯмаӷми: «Укут югыт қыпҳаҳтыкӣ А̄ңылъыҳпига̄м Кияӷныӷым! Уңипа̄тақӣси натын югулилъыңылъыҳқамың!»

Деяния 18:26

Ефесыми Аполлос синагогалъюни тытухпынани уңипақикақ. Прискилланкук, Акиланкук нагалъюку ақылъқаңлъяқа̄к лӣгикыстаӷаӷналюку Кияӷныӷым тумаңаның, ўатақа̄ӷақ ылъқуӷаҳлъюку.

Деяния 19:9

Иўырңа иляңи пиныҳлъюлӷӣт ухпыӷьюнӷиткат, ынка̄м сивуңитни югыт сыӷлытун акузиткыхка̄т кияҳта̄лъық Атанӷым апыҳтӯся̄. Ынка̄м Павелым униткӣ кылъқылъюки ухпықат. Та̄хкын аҳутаңа тамаҳа̄н Тиранным апыҳтуӷивигани, Павелым алыҳқуӷақыхкаңи югыт.

Деяния 22:4

Ынңа̄талъ амьюқыта̄ткыхкақанка тама̄кут қа̄ткутңалӷӣт Иисусым апыҳтӯся̄нун рыпалъ туқунъақуткыхкақанка. Югытлъю, аӷнатлъю тугустақлъюки анусимиңлъяҳтысқуқақанка.

Деяния 24:14

Иўырңа апыӷнақақа уна лъпысинун, манигуӷақақа Кияӷныӷат сивунымта малихлъюку Тумаңа Иисусым. Укут югыт пикаңат тымңиңунилюку. Иўырңа хўаңалъю лъңистун ухпықанка Моисейем Лӣлиҳтӯсӣ, ӯкналиқистытлъю игақыхкӣт.

К Римлянам 2:24

Акузитни Игақыхкани игақңа̄қ: «Апалъюқлъюси лъпыси Иудеяни, язычнигыт сяңӯҳтақа̄т Кияӷныӷым а̄тҳа».

1е Тимофею 5:14

Ынка̄м итагнаӷатаӷаӷнаяҳтут нутаӷат угинҳат угӣӷьяқуйың, таӷнуҳаңлютың, афлъыңакысқылъюкилъю ныңлъюгутаңит. Таўатын пикумың аңуяк сыӷлықӯӷвигӣтыслъықа̄т хўаңкунъың.

К Титу 2:5

Сюмыҳтаӷақыхсяҳқа̄гут, пылюңисяҳқа̄гут кияҳта̄лъыӷмыхни, қыпҳақыхсяҳқа̄гут нымыхни, наңлъыхтаӷьяҳқа̄гут, қа̄ткусяҳқа̄гут угимыхнун. Ынка̄м китум алңунак сыӷлықӯӷна̄нӷитӣ Кияӷныӷым апыҳтӯсӣ.

К Титу 2:8

Ўатаҳлъяк апыҳтӯсяқыхкан ылъқуӷутңали ынка̄м китум алңунак сыӷлықӯнӷилъилъю. Таўатын пикувык кипулъхина̄ҳтыт сыӷлытун акузиткынъа̄нӷитӣлъю, кипулъхина̄лъҳиталъю кайңуюхтыслъықӣ.

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

2е Петра 2:12

Иўырңа тама̄кут апыҳтуӷистысиӷўа̄ӷыт сыӷлықӯӷақӣт сяңўа̄т лӣгикыхпынаки. Тыӷикусястун сюмыҳтаӷаҳпагниңилңӯгут. Туқутылъыңылъықут тыӷикусястун алъхыӷлютың тыӷихтуӷлюки туқутка̄т.

2е Петра 2:15

Тама̄кут апыҳтуӷистысиӷўа̄ӷыт ухпықнаниқақӣт апыҳтӯсяпигыт. Ынка̄м аӷуляқыхка̄гут Валаамым пилъҳатун пиналютың. (Иӷнықсяқаңа Веорым.) Қуя̄қуқ югыт акилыҳтунӷатни сыӷлытун писқылъюку.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

2е Петра 2:21

Тама̄кут югыт, лӣтңўа̄ӷлюку аглыӷналӷӣ қылӷусяқ алъхыҳтыкаҳтың, тунуткақа̄т. Итагнаӷатаӷаӷнаяҳтут лӣсимаңисяқумыхтыху ылъқуӷутңалӷӣ кияҳта̄лъық.

2е Петра 2:7

Лот ылъқуӷутңалӷӣңуяҳтуқ ю̄к кияҳтыкақ акулңитни тама̄куни сыӷлыӷыт югыт. Аҳутаңа тамаҳа̄н сыӷлылӣӷуткыҳлъякақӣ уңувасиӷмикун ысҳапаглюки, нагалъюки сыӷлытун кияҳта̄лъҳит, нуқытыхпынатыңлъю блудылъӷит. Ынка̄м Атанӷым югуликақа̄.

От Иуды 1:10

Иўырңа тама̄кут апыҳтуӷистысиӷўа̄ӷыт сяңўа̄ алңунак лӣгикынӷилъкысың сыӷлытун акузиткақа̄т. Сяңўа̄ иляңа лӣгикақа̄т тыӷикусястун сюмыҳтаӷӣгалңуӷыстун. Тыӷикусят пиюкылъыӷмыгыстун пикаюгӯт. Таўатыҳпигақ апыҳтуӷистысиӷўа̄ӷыт пикаюгӯт. Ынка̄м сыӷлыҳқыстыңуҳтаӷаӷақут.

От Иуды 1:15

нанқихналюки қамахтыңъўа̄ӷлюки югыт. Қайвиҳқысяҳқақӣ қамахтыңъўа̄ӷлюки сыӷлыҳқыстыт сыӷлыҳқылъҳит, сыӷлыпыста̄тунлъю акузилъҳӣт лъңаның. Тама̄кын апалъюқлъюку Атанӷым аӷью̄ӷьяҳқақӣ сыӷлыҳқыстыҳлъягыт».

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.