2е Петра 2:18 - Новый Завет на эскимосском языке

¹⁸ Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

2е Петра 2:18 Iomraidhean Croise

Деяния 2:40

Петырым таўатыңинақ пихпынаки ўата сямың алъя̄ҳӣнаӷмың пикӣ. Кылыңася̄қӣлъю: «Кияӷныӷым аӷью̄ӷьяҳқақӣ сыӷлытун пистыт, ынка̄м лъңистун сыӷлытун пихпынаси лю̄рақ лъпысилъю аӷью̄ӷья̄ӷӣси».

Деяния 8:9

Самариямиңуқ та̄ўа алигналӷӣ ю̄к, а̄тҳа Симон. Сялин Филипп ка̄тылъҳилъюку алигнаҳта̄лъыӷмикун сяӷӣӷаюхтақыхкаңи югыт, қука̄юхтақылӷӣлъю аҳтӣганъилюни.

К Римлянам 13:13

Пинитун кияҳтылъта катам югыстун кияҳлъыҳӣт ниӷугани аӷныӷым. Сыӷлытун тыӷигниқыфқа̄мта, сю̄мыфқа̄мта, алңунак алңунасыӷафқамта, пилъюўатыфқа̄мта, ақинатыфқа̄мта.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

2е Фессалоникийцам 2:4

Та̄м югым кипулъхина̄ҳлъықӣ кияӷныңлъяқат налиӷмың манигуӷьяҳқат, тама̄куның лъңаның қулиҳпига̄ҳсяҳқа̄гуқ. Ынка̄ңам итыӷлюни Кияӷныӷым Храмыңанун ақумлюни Кияӷныӷунилъықуқ.

От Иакова 5:5

Кияҳта̄лъыҳпысини хўани нунами, аклъюңитутыхпысиның сяңўа̄ алңунак пиюкыхкаҳси алъхыҳтақаҳси ыфқуҳналюси лъпысиның катам. Таўатын пилъыҳпысигун пынъӣӷыстун аюқуси. Пынъӣӷыт қугилисиӷат налъюка̄т қантаӷақун туқутылъыҳқаҳтың. Налъюкыстыхӯ қантаӷақун Атанӷым нанқихтилъыҳқа̄?

2е Петра 1:4

Аҳтуӷьяҳқа̄нӷилъыӷмикун, Иисусым тӯныхкақӣлъю акықусяминың мыгнунапихлъыҳӣныңлъю, пивагнапихлъыҳӣныңлъю. Тама̄гун акықусятхун Кияӷныӷым илятыслъықӣси наңаӷныӷминун. Та̄хкын анагьяқлъыгуҳлъықаси сыӷлыӷым пиюкылъҳи нунамылңӯт на̄фқӣяқлъыгыт лъпысиның.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

2е Петра 2:2

Юлӷутыт малигулъықут апыҳтуӷистысиӷўа̄ӷнун кайңуналӷинун кияҳта̄лъҳитнун. Ынка̄м югыт сыӷлықӯҳлъықӣт апыҳтӯсяпигыт атупут.

2е Петра 2:20

Югыт лӣтақңамыхтыху Атаныҳпутлъю, Югулиӷистывутлъю Иисус Христос анагьяҳқақа̄т нукыхна̄ нунам. Иўырңа утыӷнинқихтыкумың сыӷлытун кияҳта̄лъыӷмыхнун а̄ҳқутақысимакумыңлъю тама̄кунун, та̄ўа кияҳта̄лъҳит сыӷлыӷатаӷа̄яҳқа̄гут пиюхўа̄лъыӷмыхның.

2е Петра 2:7

Лот ылъқуӷутңалӷӣңуяҳтуқ ю̄к кияҳтыкақ акулңитни тама̄куни сыӷлыӷыт югыт. Аҳутаңа тамаҳа̄н сыӷлылӣӷуткыҳлъякақӣ уңувасиӷмикун ысҳапаглюки, нагалъюки сыӷлытун кияҳта̄лъҳит, нуқытыхпынатыңлъю блудылъӷит. Ынка̄м Атанӷым югуликақа̄.

2е Петра 3:17

Илякумта̄мни, лӣсимакутыхпысиның ся̄қутаңи қа̄ткусигалңӯт лӣлиҳтӯсянун, кылыңатык. Аӷуляқутыстыхпынаси анахутңалӷӣнун апыҳтуӷилъҳитнун. Таўатын пикуфси малӷуклъина̄нӷитуси ухпықыхкаҳпысиның.

От Иуды 1:13

Кайңуналӷӣт наңаӷныӷит қагиҳлъягыстун аюқут, тымңи пӯхлъюңлъят. Иӷалықыта̄ӷыстун қапшакаюгыстун аюқут, қаюҳлъяк таўатылңӯт иӷалықыта̄ӷыт налъюнӣӷутңуяҳқа̄нӷитут иглыӷанун. Таўатыҳпигақ иглыӷусяҳқақынӷита̄т кина алңунак апыҳтуӷилъысиӷўа̄лъыӷмыхтыхун. Тама̄кын апалъюқлъюку Кияӷныӷым ята̄ҳқуткақӣ писяҳтӣҳлъягмың ныкаҳқамың кынлыңилңуӷмың.

Откровение 13:11

Та̄хкын ысҳаӷақа иляңа тыӷикусялъю̄к нунамың а̄нылӷӣ. Ма̄лӷугыгның сиӷунылгуфтуқ Пынъӣӷаҳа̄м сиӷунӷатун, акузӣқлъю драконытун.