2е Петра 2:14 - Новый Завет на эскимосском языке

¹⁴ Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

2е Петра 2:14 Iomraidhean Croise

От Матфея 12:34

Укуҳси нымыӷьяни! Натын акузӣқыстык пинилӷӣмың сыӷлыӷуӷңа̄ҳпыси? Сяңўа̄ алңунак югым илюңанилңуқ а̄ныхка̄югӯқ акузилъҳакун.

От Матфея 23:14

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ысҳаӷля̄тақулюки угиңиӷат мыңтыӷӣӷақаси. Та̄хкын пиниӷнилюси писқылъюси та̄клъюку юӷаӷақуси. Тама̄кын апалъюқлъюку аӷью̄лъыңыҳлъягьяҳқа̄гуси!

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 5:28

Иўырңа хўаңа пӣмси, китум алңунак ысҳаӷлюку аӷнақ қилӣқыхкумигу та̄ўа гылгаӷнӣӷӯқ қамагун илюмикун.

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Иоанна 5:44

Натынңам ухпықылъықыстыху тагитка̄қа Кияӷныӷмың усюқысюгукуфси иляхпысинун, нақам та̄наңинаҳа̄м Кияӷныӷым усюқылъыҳқа̄ авылӷаӷлюку?

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

1е Коринфянам 11:19

Ынтақун а̄фқӯтылъыҳпысигун лӣгиксяҳқақаси налиси ипа қа̄ткутңатаңи Атаныӷмун.

К Ефесянам 2:3

Қамахлъюта кияҳтыка̄гукут тама̄кустун югыстун. Атуқыхкақапут сыӷлыҳқыңъалӷӣт пиюкылъҳи югусимталъю, умьюгамталъю. Ынка̄м қамахлъюта алъхықа̄тымнъың сыӷлыҳқыстыңулюта, аӷью̄лъыңнақңуяҳтукут Кияӷныӷым сякша̄лъҳакун.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

2е Петра 2:18

Аҳся̄ӷмикамың а̄ңа̄юхтақут тымңитхўамың акузиткылъютың. Пӣқут итагнаӷнилюку малиҳқутақылъыҳқақ сыӷлыӷнун югусим пиюкылъҳанун. Ынка̄м югыт та̄қақутлъю таўатын кияҳтылъыӷмыхның, манигақӣт таўатын пинқихтысқылъюки.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

2е Петра 3:16

Письмоткыхкақӣ тама̄кут қамахлъюки посланиямикун. Налиӷныӷи Павелым посланияңан лӣгикныҳлъюгӯт. Югыт лӣгикылъыпагилңӯт, ухпықилъыпагилңӯт алъяңуҳтақӣт сямың писӣтаңи посланияңанилңӯт. Таўатынлъю пӣқӣт иляңи Акузитыт Игақыхкат ынка̄м на̄фқыңъӯт лъңитның.

1е Иоанна 2:16

Укут ысҳа қамахлъюки нунам пиңи: сяңўа̄ югусим пиюкылъҳа сыӷлыҳқусиқақылӷӣ, ийым қилӣҳтыстылъҳа, сяңўа̄тлъю югыт қука̄югуткақыхкаңит нунами хўани. Та̄кут Атамың пиңунӷитут, нунамың пиңӯт.

От Иуды 1:11

Сыӷлыӷўа̄ӷунақңӯт лъңит! Каинытун пиңӯт, туқуткақа̄ аңлыгутни. Алъхыӷутықаҳналютың манимың сыӷлытун пика̄гут Валаамым пилъҳатун. Корейтун пиңӯт, қа̄ткысюнӷиткақыхкаңи иглыӷутистыт Кияӷныӷым накмикыхкӣ. Ынка̄м Кияӷныӷым на̄фқыхкақа̄ лъңа, апыҳтуӷистысиӷўа̄ӷытлъю на̄фқысяҳқақӣ.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.