2е Петра 2:1 - Новый Завет на эскимосском языке

¹ Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

2е Петра 2:1 Iomraidhean Croise

От Матфея 10:33

Иўырңа китум алңунак уңипа̄скаки югыт хўаңамнун пикынӷинъилюни хўаңалъю Атака̄ қилягмылңуқ уңипа̄лъықақа хўаңамнун пикынӷинъилюку».

От Матфея 24:11

Та̄хкын ӯкналиқистысиӷўа̄лӷутыт тагилютың пӯҳқуҳлъықӣт юлӷутыт.

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Матфея 24:5

Қаюҳлъяк угля̄пихлъыӷӣ тагияҳқа̄гуқ атуқлъюку а̄тқа, хўатын пӣқлъютың: “Хўаңа Христосыңӯңа”, пӯҳқуҳта̄яҳқақа̄тлъю юлӷун.

От Матфея 7:15

«Кылыңалюси ӯкналиқистысиӷўа̄ӷның. Такулъықӣси пынъӣҳсюгниҳқылъютың, та̄ўаңинақ угиҳсялӷӣстун ама̄стун аюқут.

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Луки 12:9

Иўырңа китум алңунак уңипа̄скаки сивуңитни югыт хўаңамнун пикынӷинъилютың, Иӷныӷан Югым пикынӷинъилъықӣ сивуңитни Кияӷныӷым яқулылӷутаңан.

От Луки 21:8

Кӣмсиқӣ: «Кылыңатык, пӯҳтыстыхпынаси, қаюҳлъяк угляқ тагинақңӯқ а̄тқа атуқлъюку хўатын пимаӷмың: “Хўаңа Христосыңӯңа!” пӣқылъықутлъю: “Пилъыҳқақ ка̄туқ!” Иўырңа малихсяқунаки.

От Луки 6:26

Сыӷлыӷўа̄ӷунақңӯси лъпыси қамахлъютың югыт итагнатун акузиткыхкаңиси, қаюҳлъяк сивунӷита таўатыҳпигақ акузиткыхкақӣт ӯкналиқистысиӷўа̄ӷыт».

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

1е Коринфянам 11:19

Ынтақун а̄фқӯтылъыҳпысигун лӣгиксяҳқақаси налиси ипа қа̄ткутңатаңи Атаныӷмун.

1е Коринфянам 7:23

Кияӷныӷым тукфиҳпакақӣси, ынка̄м қыпҳаҳтыля̄ӷуҳтыхпынаси югнун.

К Галатам 2:4

Иўырңа иляңи ухпықасиӷўа̄ӷыт аксяқлъюку илятут хўаңкунъун рӣрңиналюку итымңалъыҳпут Христос Иисусыкун. Қыпҳаҳтыля̄ӷуҳнықихтысқылъюта пӣлъю Лӣлиҳтӯся̄мнъун.

К Галатам 3:13

Ынка̄м Кияӷныӷым нанқихтыкақӣлъю аӷью̄ӷналюта апалъюқлъюки Лӣлиҳтӯсят, иўырңа Христосым навыҳқылъикақӣлъю нанқихлъыҳқамнъың тугулъыӷмикун аӷью̄лъыҳқаҳпут. Қаюҳлъяк Акузитыт Игақыхкат пика̄гут: «Нанқихтыка̄гуқ аӷью̄ӷьяҳқа̄люни тамаҳаӷми агаҳтыкақ уқфихкун».

К Галатам 4:17

Тама̄кут югыт қа̄ткутысюкаңиси Иудеит Лӣлиҳтӯсӣтнун, пиюкыпихтӣси лъмыхнун малиҳқутақысқылъюси, иўырңа апалъя̄т пининӷитуқ. Лъңита а̄фтысюгӣси хўаңамның, лъңинаӷмың малихтысқылъютың.

К Галатам 5:20

манӣгӯтылъық кияӷныңлъяқанун, уйвӣниқылъық, аңуйиқылъық, пилъюгутылъық, қуңьяқилъық, сякшитылъық, лъңина̄юхтылъық, а̄фқымыра̄лъық, қырңуҳпахта̄тылъық,

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Филиппийцам 3:19

Сю̄мқақӣт югусимың пиюкылъҳит кияң, Кияӷнық авылӷаӷлюку. Кайңуюгусиҳқақсяқытың а̄ңа̄югусиқақӣт. Сюмыҳтаӷа̄ткақа̄т нунамылңуҳӣнақ кияҳта̄лъыҳтың ынка̄м на̄фқылъыңьяҳқа̄гут геенами.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

1е Тимофею 5:8

Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

2е Тимофею 4:3

Пилъыҳқақ тагиңӯқ югыт нагасюгнаниҳлъықут ипапигнун апыҳтӯсянун. Иваӷилъықут пиюкыхкамыхның апыҳтуӷистылӷутның нагатыпигыснаӷналюки нагақуӷьюкыхкаҳӣнатың.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

К Титу 3:10

Кина алңунак а̄фқӯтыстилӷӣ кылыңася̄ӷнакын ата̄симың налиӷмың алӷиӷлюку. Наганъыӷилъкан пыхнакын.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

1е Петра 1:8

Ысҳӣгатыӷңа̄ҳпысигу пиниқаҳси, ысҳанӷитыӷңа̄ҳпысигу ма̄тын ухпықаҳси. Ынка̄м қуяҳлъягӯси рыпалъ а̄пҳўа̄ҳпагниңитаҳси аңталяңа қуялъыҳпыси,

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

1е Иоанна 2:26

Письмосиқанка лъпысинун тама̄кут пӯҳтинақуткылӷӣт лъпысиның апалъюқлъюки.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

От Иуды 1:18

Уңипа̄ткақӣси хўатын: «Киңулиӷни аӷныӷни ныңляӷьюхсяҳтылгуяҳқа̄гуқ Кияӷныӷым ипапиҳқылъҳаның аюқылӷӣның. Сяңўа̄т алңунак югусим пиюкылъҳи атуқсюныӷмыхтыки пӣқӣт».

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 2:9

Лӣсимаканка сыӷлылӣлъыси, аклъюмаңӯсилъю иўырңа аклъюңитуси! Лӣсимакақа сыӷлыӷыт акузитыт иляңита югыт пӣқыхкаңит лъпысинун. Иудеяңунӣқут, Иудеяпигунӷитыӷңа̄ӷмың. Югӯт қырңуӷуткаюгның Туӷныӷа̄м синагогаңани.

Откровение 3:8

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.

Откровение 6:10

Акилӷӯҳлъяхтут: «Ка̄й Аҳтуӷьяҳқаҳа̄нӷитыҳлъяк Атанық, аглыӷнаҳтутынлъю, ипапигӯтынлъю! Тама̄кут нунам юги туқуқуқат хўаңкунъың, натын тахка̄н утақӣнъақсики нанқихсяҳқа̄люкилъю, аӷью̄ӷьяҳқа̄люкилъю?»