2е Петра 1:5 - Новый Завет на эскимосском языке

⁵ Кияӷныӷым наңаӷнылиткақутаңаның лъпыси, та̄куңинаҳа̄гның пинақылъҳаҳси қамахлъюку илятыки укут ухпықилъыҳпысинун: ухпықилъыҳпысинун илятыху пинилъық, пинилъыҳпысинун илятыху лӣсималъық,

2е Петра 1:5 Iomraidhean Croise

От Луки 16:26

Та̄м ся̄ӷўакун, акулымнъитуқ а̄ңыпихлъыҳӣ аӷвиӷьяҳлъяк. Ынка̄м укыхкын кина аӷвиҳпагниңитуқ лъпысинун, та̄хкын кина аӷвиҳпагниңитуқ хўаңкунъун”.

От Луки 24:21

Сиӷимакңуяӷаҳпут лъңанун итымунъақнилюку Израиль. Та̄м ся̄ӷўакун, уна аӷнық пиңайӣтка̄ та̄хкын таўатын пилъыӷмың.

От Иоанна 6:27

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

К Ефесянам 5:17

Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.

К Филиппийцам 1:9

Юӷа̄ткақамси пиниқиҳлъягысқылъюси, лӣсималъыңатаӷӣсқылъюси, лӣгикылъыңатаӷӣсқылъюсилъю.

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Филиппийцам 4:8

Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат.

К Колоссянам 1:9

Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ.

К Колоссянам 2:3

Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.

К Евреям 11:6

Ухпықилъңунани китум алңунак ыфқуҳтыпагниңита̄ Кияӷнық. Кина алңунак тагиюкуми Кияӷныӷмун ухпықыпыста̄ӷьяҳқақа̄ Кияӷнылгунилюку, акилыҳтуӷьяҳқақӣлъю иваӷипӣлӷӣт лъңаның.

К Евреям 12:15

Ысҳа̄макулъюси килъю алңунак лю̄рақ алъхыҳныӷися̄ӷа̄т Кияӷныӷым наңлъыхталъҳа. Нагусяқуна̄нлъю сюңаӷнилңуқ акуқ сыӷлылӣҳқӣлюни на̄фқӣяҳқақ юлӷутмың.

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

1е Петра 3:7

Лъпысилъю нулиҳтуқани кияӷутыки нулӣси лӣгиклъюки натытуляңи қаюҳлъяк кая̄таӷаҳтут лъпысиның. Қӯлваӷлюки нулӣси қаюҳлъяк атуным алъхыҳсяҳқақаҳси Кияӷныӷым тунуся̄ кынлыңилңуқ уңувалъық. Таўатын пикуфси ся̄м алңунак пилъхилъиқна̄нӷитӣ юӷалъыси.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 1:11

Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.