2е Петра 1:19 - Новый Завет на эскимосском языке

¹⁹ Тама̄кын апалъюқлъюку хўаңкунъи налъюнықшахӣтут ӯкналиқистыт ӯкналиқуткыхкӣт ипаңутаңи. Лъпысинун пиниҳлъықут сюмыҳтаӷа̄ткыңъўа̄қуфсики ӯкналиқуткыхкӣт, қаюҳлъяк кынылӷутам кӯкхутылъҳатун аюқут мамлыгмун. Таўатытыкыстаҳтык кынляңа Христосым тагилъыҳқа̄н аӷныӷанун. Та̄хкын ниӷуга кӯкхулъықуқ илюхпысинун, уна̄ңум иӷалықыта̄ӷатун аюқлъюни.

2е Петра 1:19 Iomraidhean Croise

От Матфея 4:16

Исаиям пикақыхкаңи хўатын: «Тама̄кут кияҳлъыҳӣт сыӷлыҳқылъҳым мамлыҳқыстылъҳани ысҳа̄сяҳқа̄гут ниӷухлъягмың. Алиңылъҳита туқумың лъяңақа нунаңат ся̄пңалӷӣ таӷныӷаңутылъҳаның туқулъҳым. Иўырңа ма̄тын аҳтаӷа̄тақӣ».

От Иоанна 5:35

Иоанн кынылӷутастун кумаңаяҳтуқлъю, кӯкхутңаяҳтуқлъю. Акузитаңи ниӷугыстун аюқсяҳтут ынка̄м лъпыси натыңӣҳақ акузитаңакун қуястысюка̄гуси.

От Иоанна 5:39

Иваӷивикақаси Акузитыт Игақыхкат, қаюҳлъяк сюмыҳпысини кынлыңилңуӷмың уңувалъыңвикналюки пӣқаси. Та̄куста ата̄сит Акузитыт Игақыхкат а̄пҳилӷӣт хўаңамның.

От Иоанна 8:12

Та̄кўаниңани Иисусым алыҳқуӷля̄тақӣ югыт. Пикӣ: «Хўаңа ниӷугӯңа нунам юганун. Китум малихтыкумиңа мамлыгми кияҳна̄нӷитуқ, кынылгулъықуқ уңувалъылитикаюгмың».

Деяния 15:29

Ныӷыхпынаси нықмың аҳтуткыхкамың кияӷныңлъяқанун, а̄ўмың, тыӷикусямың қымиткамың, нуқытутақитыхулъю блуда. Малихтыкуфсики та̄кут Лӣлиҳтӯсят та̄ўа пинитун пилъықуси. Таўатыңинақ письмомамси».

Деяния 17:11

Тама̄кут Иудеяңит нагасюкыстаӷлюкык аюқыхкыхкыт Павелылъю, Силалъю Фессалоникамылңуӷның. Аҳутаңа тамаҳа̄н Иудеит лъңитның лӣнъақыхкӣт Акузитыт Игақыхкат, лӣгикналюки Павелымлъю, Силамлъю апыҳтуӷилъҳик ипаңутаңи.

К Евреям 2:2

Кияӷныӷым апыҳтӯсӣ ипаңӯт; а̄пқақӣ югнун яқулыхтыхун. Кина алңунак қа̄ткунъыӷилңуқ апыҳтӯсянун, Кияӷныӷым аӷью̄ҳлъықа̄ аӷью̄лъыҳқаҳтуталяңатун.

От Иакова 2:8

Кияӷныӷым Атаныҳпагулъҳан Лӣлиҳтӯся̄ уна̄ңуқ: «Пиниқлъюку юлгутын пиниқылъыҳпытун лъпынун катам». Қа̄тқыхкуфсигу та̄на Лӣлиҳтӯсяқ, та̄ўа пинитун пӣси.

1е Петра 1:10

Ныӷиӷлюку ӯкналиқистыт лӣгикңўа̄ӷнақыхкақа̄т та̄на югулилъық. Ӯкналиқуткыхкақа̄т тунусяқ Кияӷныӷым тӯньяҳқа̄ лъпысинун.

1е Иоанна 5:10

Ынка̄м китум алңунак ухпықыхкумигу Иӷныӷа Кияӷныӷым қама илюңанитуқ Кияӷныӷым а̄пқа̄. Иўырңа китум алңунак ухпықынӷилъкумигу Кияӷнық иқлъыңиқыстыңлъяҳлъықа̄, қаюҳлъяк Кияӷныӷым а̄пқа̄ Иӷныӷминың ухпықынӷилъкаңа.

3е Иоанна 1:6

Ма̄ни юӷаӷвигми а̄пҳақа̄т пиниқылъҳын. Каюсӣтаҳтики нагныӷутысқылъюки иглыӷалъҳит. Каюсиӷилъҳын Кияӷныӷым пиюкылъҳатун аюқлъюку

Откровение 2:28

Тӯнылъықанкалъю уна̄ңум иӷалықыта̄ӷаның.

Откровение 22:16

«Хўаңа, Иисус, каяхтыкақақа яқулъка лъпысинун ухпықанун юӷаӷвигнилңуӷнун. Апыҳлъықа̄к укук лъпысинун: “Хўаңа Давидым киңунқа̄ңа, хўаңа ниӷугракыхта̄гуңа уна̄ңум иӷалықыта̄ӷа”».