2е Петра 1:16 - Новый Завет на эскимосском языке

¹⁶ Атуқумаңитапут пыҳқиниқутңўа̄ӷлюки уңипаӷа̄тыңлъяқат а̄пҳақңамтыки лъпысинун аҳтуӷьяҳқа̄нӷилъҳалъю, тагилъҳалъю Атанымта Иисус Христосым. Хўаңкута катам ийыҳлъюўа̄мнъың ысҳақақаҳпут лъңан а̄ңылъыҳлъяга.

2е Петра 1:16 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 16:28

Ипа уңипа̄тамси, хўа̄нлыңӯт иляхпыси уңувалъыӷмыхни ысҳаӷьяҳқақа̄т Иӷныӷа Югым тагилӷӣ Умӣлгулюни».

От Матфея 17:1

Аӷвинлык аӷнық атуӷлюку, Иисусым кылъқыхкӣ Петр, Иаковылъю ынка̄м Иоанным, аңлыгуткулъҳӣк, маю̄ткӣ ӯсқалӷӣмун на̄йӷамун лъңинӣта.

От Матфея 24:27

Қаюҳлъяк Иӷныӷа Югым тагикуми таўатысяҳқа̄гуқ ниӷухпагӯтылъыҳтун кӯкхулъықуқ асиваӷмың пакфалъямун.

От Матфея 24:3

Иисус ақумьян Елеоным найӷаҳакун, малихся̄ҳтыңита такулюку лъңинаҳа̄ма̄ӷлютың а̄птыка̄т: «Уңипа̄тикут, қакун тама̄кут пияҳқа̄ўат? Сяңулъықа лӣсимакусиҳқаҳпут тагилъыҳқаҳпынун, нунамлъю иқухтылъыҳқа̄нун?»

От Матфея 28:18

Иисусым такулюки пикӣ: «Қамахлъюни аҳтуӷьяҳқа̄нӷилъық қилягмилъю, нунамилъю хўаңамнун тагивақа̄гуқ.

От Марка 13:26

Та̄хкын югыт ысҳаҳлъықа̄т Иӷныӷа Югым тагилӷӣ қиляўа̄ҳтыхун аҳтуӷьяҳқа̄нӷилъылиҳлъяглюнилъю, ниӷуҳқылъылиҳлъяглюнилъю.

От Марка 14:62

Иисусым кӣмсиқа̄: «Та̄наңӯңа. Ысҳаҳлъықаҳси Иӷныӷа Югым ақумгалӷӣ аӷынқигныӷакун Аҳтуӷьяҳқа̄нӷилъылгым. Ысҳаҳлъықаҳсилъю тагилӷӣ қилягым қиляўа̄ӷитхун!»

От Луки 9:43

Қамахлъютың югыт сяӷӣӷаягутка̄т аҳтуӷьяҳқа̄нӷитылъыҳлъяга Кияӷныӷым. Паниның югыт сяӷӣӷаюгумалюки тамаҳа̄ның Иисусым апыӷӣлъҳаның, малихся̄ҳтыни пикӣ:

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 17:2

Иӷнық Атаныңлъяқақан тамаҳа̄нун югнун. Ынка̄м кынлыңилңуқ уңувалъық тӯнңўа̄ тамаҳӣтнун тӯныхкаҳпынун лъңанун.

К Римлянам 1:4

Аглыӷналӷӣм Таӷныӷам лӣгикыстӣлъю Атаныҳпут Иисус Христос, Кияӷныӷым аҳтуӷьяҳқа̄нӷилңӯгуқ Иӷныӷа. Таӷныӷам ипапиҳқыхкақа̄ уңуваҳтыслъюку Иисус туқулъыӷмың.

1е Коринфянам 1:17

Христосым крестиӷилӣсқумаңита̄ңа, иўырңа каяхтыкақа̄ңа уңипақисқылъюңа Пинилӷӣның Уңипаның. Уңипақиңигатуңа атуқлъюки югым пыҳқинылъҳи, лю̄рақ аҳтуӷьяҳқа̄нӷилъҳӣтыснаюкамкун қақӯра̄ Христосым.

1е Коринфянам 1:23

Иўырңа паниның уңипақнақңўа̄ҳпут Христосымун туқуткыхкақнилюки қақӯракун. Уна уңипақ Иудеяни пияқнапихтуқ ухпықсяҳқа̄люни, язычнигни тымңӣңӯт.

1е Коринфянам 1:7

Аглыӷналӷӣгның Таӷныӷагның тунусялгӯси сямың тамаҳа̄ның, утақӣңулюси Атанымта Иисус Христосым тагинқихтылъыҳқа̄ның.

1е Коринфянам 2:1

Ухпықа̄лгутымни, уңипақияҳтуӷақңама лъпысинун, атуқумаңитанка акузитыт лӣгикыпагниңилъкыси. Пыҳқилъыҳлъямкун уңипақиюнӷитуңа Кияӷныӷым уңипа̄мың лъпысинун.

1е Коринфянам 2:4

Кукшагналӷӣмың акузиткумаңитуңа пыҳқиныҳлъягым акузитаңаның. Иўырңа Аглыӷналӷӣм Таӷныӷам аҳтуӷьяҳқа̄нӷилъҳан ипапиҳқыхкақӣ апыҳтуӷилъҳынка ипаңутаңи.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Филиппийцам 3:21

Тагикуми алъяңуҳсяҳқақӣ кая̄лңӯт, туқумун аюқылӷӣт югусипут. Уңуваҳтыкатун югусимитун лъӣҳсяҳқақӣ аҳтуӷьяҳқа̄нӷилъыӷмикун. Та̄хун ата̄сикун аҳтуӷьяҳқа̄нӷилъыҳқун иглыӷусяҳқа̄ҳлъықа̄ сяңўа̄ қамахтыңъўа̄ӷлюку.

1е Фессалоникийцам 2:19

Лъпыси сиӷималъқамси, қуясиқамси, қаҳпакамсилъю. Та̄на қаҳпа хўаңкута қука̄югусиқылъықаҳпут мануңани Атанымта Иисусым тагикан.

2е Фессалоникийцам 2:9

Сивутҳулъюку Атанӷым Иисусым тагилъыҳқа̄, Сыӷлыпыста̄қ Ю̄к тагилъықуқ аҳтуӷьяҳқа̄нӷилъылиӷлюни Туӷныӷаӷмың. Та̄на Ю̄к алъя̄ҳлъюхўаҳтисиӷўа̄ҳлъықуқ алъя̄ҳӣнаӷмың сяӷӣӷаналӷӣның.

1е Тимофею 1:4

сяңилъҳа̄ткыхпынакиңуқ акузимҳуткылъюки уңипаӷа̄тыңлъяқат, сивунылӷутыҳлъягытлъю а̄тҳит. Тама̄кут а̄ҳтӣра̄ӷусиҳӣна̄гут, каютңунӷитут қыпҳақа̄нун Кияӷныӷым. Лъңан қыпҳақа̄ апыӷӣӷақуқ ухпықилъҳӣнаҳаҳқун.

1е Тимофею 4:7

Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

К Титу 1:14

Уңипа̄тики наганъаниӷлиткиңуқ Иудеит тымңи уңипаӷа̄таңит. Қа̄ткынъаниӷлиткиңуқ югыт қылӷусяңлъяқӣт. Та̄куңӯт иҳсякикат ипапигның апыҳтӯсяның.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.