2е Петра 1:11 - Новый Завет на эскимосском языке

¹¹ Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.

2е Петра 1:11 Iomraidhean Croise

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Иоанна 10:10

Тыглыгнӣҳта та̄ўаңинақ тыглыгьяқаюгӯқ, юхтаӷьяқаюгӯқ, на̄фқӣяқаюгӯқ, иўырңа хўаңа тагика̄гуңа югыт уңувалъыңысқылъюки уңувалъыпигмың.

К Римлянам 2:4

Лӣгикынӷисигӯ наңлъыхтаҳтуляңа Кияӷныӷым? Аӷью̄ӷаҳсигалъкаңатын таўаниңинақ қаюҳлъяк нуқытутақыхкаңатын. Сюмыҳпынӣи та̄кут сятңунӷита̄т? Лӣсимакынӷисигӯ Кияӷныӷым наңлъыкақыхкаңатын қаюҳлъяк авутыҳқысқысюкаңатын?

1е Коринфянам 15:24

Христос умӣлгуяҳқа̄гуқ кынляңа кая̄лъқылъыӷминун қамахтыңъўа̄ӷлюки аҳтуӷьяҳқа̄нӷилъҳыт қа̄ткусюгигалңӯт Кияӷныӷмун, туӷныӷа̄тлъю иглыӷутистыт, югытлъю иглыӷутистыт илялъюки. Христос умӣлгуяҳқа̄гуқ кынляңа Кияӷныӷым кая̄лъқылъҳанун қамахтыңъўа̄ӷлюки Христосым аңуяги. Киңулиҳпигақ аңуяк туқулъҳӯқ Кияӷныӷым кая̄лъқысяҳқа̄. Христосым тӯныхкагу Атаныҳпагулъық Кияӷныӷмун Атамун та̄хкын кынля ка̄лъықуқ. Игақңа̄қ Акузитни Игақыхкани: «Кияӷныӷым сяңўа̄ тамаҳа̄н итыга̄н асиңанун лъӣҳтысяҳқақа̄». Хўатын писӣгуқ, Кияӷныӷым сямун тамаҳа̄нун қа̄ткыстысяҳқақа̄ Христос. Иўырңа Кияӷныӷым қа̄ткусяҳқа̄ҳтыстыкумигу сяңўа̄ тамаҳа̄н Христосымун, қа̄ткусяҳқа̄ҳсяҳқа̄нӷитуқ, лъңаның катам. Таўатын пикан, та̄хкын Иӷнық лъңаның катам асилӣҳсяҳқа̄гуқ Кияӷныӷмың. Ынңа̄талъ Кияӷныӷым сяңўа̄ тамаҳа̄н иглыӷулъықа̄.

2е Коринфянам 5:1

Хўани нунами укут югусипут кияҳфипут хижинастун аюқут. Лӣсимакаҳпут югусипут туқуката Кияӷнық мыңтыӷалгӯқ қилягми хўаңкунъун кияҳфихкамың. Кияӷныӷым улимакақа̄ мыңтыӷақ, югым улима̄қынӷита̄. Та̄на мыңтыӷақ қӯнпыкаҳқа̄гуқ.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 4:18

Атанӷым югулияҳқақа̄ңа тамаҳа̄ның сыӷлыӷым сюӷугалъҳаның, ынка̄м пақнанаңуна̄н агля̄лъықа̄ңа қилягмылңуӷмун Атаныҳпагулъыӷминун. Лъңанун усюқилъық қӯнпырухлъяк кынлыңуна̄н. Аминь.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 6:17

Алъхыӷусяҳқат акықусяминың, Кияӷныӷым лӣгикыстысюгўӣ алъя̄ңуҳсяҳқақынӷитңўа̄ӷнилюки агӷилъыни. Ынка̄м акықика̄гуқ атуқлъюку атыни.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Петра 1:5

Кияӷныӷым наңаӷнылиткақутаңаның лъпыси, та̄куңинаҳа̄гның пинақылъҳаҳси қамахлъюку илятыки укут ухпықилъыҳпысинун: ухпықилъыҳпысинун илятыху пинилъық, пинилъыҳпысинун илятыху лӣсималъық,

2е Петра 2:20

Югыт лӣтақңамыхтыху Атаныҳпутлъю, Югулиӷистывутлъю Иисус Христос анагьяҳқақа̄т нукыхна̄ нунам. Иўырңа утыӷнинқихтыкумың сыӷлытун кияҳта̄лъыӷмыхнун а̄ҳқутақысимакумыңлъю тама̄кунун, та̄ўа кияҳта̄лъҳит сыӷлыӷатаӷа̄яҳқа̄гут пиюхўа̄лъыӷмыхның.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

Откровение 3:21

Кая̄лъқӣлюңа ынка̄м ақумга̄ңа ся̄ӷўани Атама умӣлгусӣкун ақумутахкынкун. Таўатыҳпигақ кая̄лъқӣлӷӣ ақумыслъықақа ся̄мкун умӣлгусигныкун ақумутамкун.

Откровение 5:10

Ынка̄м Атаныҳпагулъҳанитыстатын, священнигаңуҳтыстатынлъю Кияӷнымнун, умӣлгыстунлъю иглыӷутилъықут нунами».