2е Петра 1:10 - Новый Завет на эскимосском языке

¹⁰ Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 1:10 Iomraidhean Croise

От Матфея 22:14

Иисусым та̄қниқӣ акузилъыни хўатын: «Угляпыста̄қ тахсиқлъиқа̄ӷңа̄н, иўырңа паляҳа̄гут накмикыхка̄т».

К Римлянам 11:29

Кияӷныӷым умьюгагни алъяңуҳтықаҳна̄нӷита̄к. Выҳна̄нӷитӣ тунусяни, пыхна̄нӷитӣлъю накмикыхкани лъңанун югулюки.

2е Тимофею 2:19

Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

К Евреям 6:19

Та̄на сиӷималъық уйӷӣтңӯқ уңувасимнъун, пақнанӣӷутыстӣлъюлъю, айыпсюгитыстӣлъюлъю. Та̄на сиӷималъық итыҳтуқ аглыӷналъыҳпигаӷмун нымун сяфка̄ӷутым аўатаңанилңуӷмун.

От Иакова 2:10

Китум қа̄ткысяӷңа̄ӷмики қамахлъюки Кияӷныӷым Лӣлиҳтӯсӣ, ата̄сиқ қа̄ткынӷилъкумигу, қамахлъюки қа̄ткыңъунӷитӣ.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Петра 1:5

Кияӷныӷым аҳтуӷьяҳқа̄нӷилъыӷмикун пақнӣҳсяҳлъықӣси ухпықилъыҳпысигун. Ынка̄м кынлытҳӯтылъыӷми алӣҳлъықа̄ югулилъық ята̄ҳқыхка̄қ лъпысинун.

2е Петра 1:3

Иисус аҳтуӷьяҳқа̄нӷилъылгӯқ Кияӷныӷмың. Та̄хун аҳтуӷьяҳқа̄нӷилъыҳқун тӯныхкақӣлъю сямың тамаҳа̄ның аклъюкыхкамнъың кияҳтысқылъюта Кияӷныӷьюныҳтулюта. Тама̄кут алъхыҳтыкақапут қаюҳлъяк лӣсимакыхкыфут Иисус. Туқлъюӷӣлъю илятысқылъюта қӯлвалъыӷминуңлъю, пинилъыӷминуңлъю.

2е Петра 1:5

Кияӷныӷым наңаӷнылиткақутаңаның лъпыси, та̄куңинаҳа̄гның пинақылъҳаҳси қамахлъюку илятыки укут ухпықилъыҳпысинун: ухпықилъыҳпысинун илятыху пинилъық, пинилъыҳпысинун илятыху лӣсималъық,

2е Петра 3:14

Ынка̄ңам илякумта̄мни, утақӣмалюси таўавык Аӷныӷмун пинақылъҳаҳси қамахлъюку пылюңитыклъю, афкуйӣтыклъю Кияӷныӷым ысҳа̄малъҳани. Ныкыхмытыклъю Лъңани.

2е Петра 3:17

Илякумта̄мни, лӣсимакутыхпысиның ся̄қутаңи қа̄ткусигалңӯт лӣлиҳтӯсянун, кылыңатык. Аӷуляқутыстыхпынаси анахутңалӷӣнун апыҳтуӷилъҳитнун. Таўатын пикуфси малӷуклъина̄нӷитуси ухпықыхкаҳпысиның.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.