2е Коринфянам 9:13 - Новый Завет на эскимосском языке

¹³ Тӯньяҳқаҳпысигун ипапиҳқылъықуси ухпықиңанилюсилъю, қа̄ткутңанилюсилъю Пинилӷӣнун Уңипа̄нун Христосым. Тама̄кын апалъюқлъюку югыт усюқылъықа̄т Кияӷнық. Усюқылъықа̄тлъю иӷлылъңунаси тӯнилъыҳпысиның Иерусалимыӷмӣнунлъю, иляңитнунлъю.

2е Коринфянам 9:13 Iomraidhean Croise

От Матфея 5:16

Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».

От Матфея 9:8

Юлӷутыт ысҳапаглюку талъюӷьюкат, усюқыхка̄т Кияӷнық таўатылңуӷмың аҳтуӷьяҳқа̄нӷилъылискаңи югыт.

От Луки 6:46

«Сяңан туқлъюӷыстыңъа: “Атанық, Атанық?” нақам писқылъҳынка атуқыхпынаки?

От Иоанна 15:8

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

Деяния 11:18

Таўатын Петырым пийистың қалъыгнаниӷлютың, йыӷлыги усюқыхка̄т Кияӷнық. Пикат: «Та̄ўа лӣгикаҳпут Кияӷныӷым талўа язычнигыт пилъыҳқалисимакаңи авутыҳқысқылъюки сыӷлыҳқылъҳитның, уңувалъыңысқылъюкилъю кынлыңилңуӷмың уңувалъыӷмың!»

Деяния 4:21

Агӷистыт аӷью̄ҳпагниңиткахкыт, қаюҳлъяк қамахлъютың югыт усюқыхкаңат Кияӷнық алъя̄ҳлъюхўаҳтилъыӷмун. Ынка̄м тымңи алиңсықулюкык а̄ныстыкахкыт.

К Римлянам 10:16

Иўырңа иляңинӣта қа̄ткыхкақӣт Пинилӷӣт Уңипат. Исаия а̄птыка̄гуқ: «Атанық, китум ухпықыхкақагу уңипаҳпут?»

К Римлянам 12:8

кайымиңукан илямың, кайымилъта; тӯниңукан, иӷлыхпына̄мта тӯнилъта; иглыӷутиңукан, сягиқлъюта иглыӷутилъта; наңлъыкиңукан, қуякусиқлъюку наңлъыкилъта.

К Римлянам 15:31

Юӷаҳтык Кияӷныӷмун пақнӣҳсӣсқылъюңа ухпықа̄нӷилңуӷның Иудеями. Юӷа̄ткитыхулъю қыпҳақақа Иерусалимыми тугуклъиӷьюгнӣсқылъюку Кияӷныӷым югитнун.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

2е Коринфянам 10:5

Та̄кутхун гӯтутытхун на̄фқақапут аңуягым иқлъыңӣ, сюмыӷныӷитлъю а̄ңа̄югныӷыт. Апыҳтуӷилъҳита амигиӷақӣт югыт лӣтылъыҳқӣтның Кияӷныӷмың. Катам пилъюўаҳтыт тугутылъҳистун анусимиңлъяӷьяҳқамың, хўаңкуталъю тугўа̄қапут қамахлъюки сюмыӷныӷыт қа̄ткутысқылъюки Христосымун.

2е Коринфянам 2:12

Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

2е Коринфянам 8:4

Талўа а̄пуқӯтыҳлъяка̄гут тӯнилгусиӷиналютың Кияӷныӷым югитнун.

2е Коринфянам 9:14

Ынка̄ңам пиниқыпихлъюси юӷа̄ткылъықӣси апалъюқлъюку пиниқылъыӷрухлъяк Кияӷныӷым тӯнңакаңа лъпысинун.

К Галатам 1:24

Ынка̄м Кияӷнық усюқақа̄т хўаңа апалъюқлъюңа.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

1е Тимофею 6:13

Қылыӷнақамкын нагасиманӷани Кияӷныӷым, уңувалъылитикам сямун тамаҳа̄нун уңувалӷӣнун, нагасиманӷанилъю Христосым Иисусым, кӣмсиӷиля̄тақуӷикам Понтий Пилатым.

К Евреям 10:23

Йықай ата̄сӣӷмылъюта сиӷималъыӷмытыкыста̄лъта хўаңкунъун пикникамнъун, қаюҳлъяк ухпықаҳпут Кияӷнық ата̄сӣӷмытуқ ынка̄м пияҳқақӣ акықусяни.

К Евреям 13:16

Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

1е Петра 4:11

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.