2е Коринфянам 8:3 - Новый Завет на эскимосском языке

³ Уңипа̄тамси тӯника̄гут тӯньяҳқаҳтуталмыгыстун, талўа тӯнӣӷатаӷақа̄гут. Таўатын пика̄гут қаюҳлъяк лъңит тӯниюлӷӣт. Китум алңунак писқумаңитӣ.

2е Коринфянам 8:3 Iomraidhean Croise

От Марка 14:8

Ӯм аӷнам апыӷӣӷа̄ пияҳқани; тыпыңлъяҳқыкыстаӷа̄ югусиқа лъивылъыҳқамнун.

Деяния 11:29

Ухпықат ухпықа̄лгутытың Иудеямылңӯт каюсиӷьюкӣт пикатуталмыгыстун.

К Римлянам 10:2

Хўатын пӣҳнақанка югынка: Қыпҳа̄сюпихтақа̄т Кияӷнық иўырңа лӣгикигата̄т натын Кияӷнық қыпҳа̄тысюҳқақ лъңитнун.

1е Коринфянам 16:2

Сивулиҳпигаӷми Сянтилъҳым аӷныӷани қамахлъюси а̄фтӣқитык манимың алъхыӷныҳпысиның. Тӯньяҳқаҳпыси аңталяңа алъхыӷныҳпыси аңталяңаның ӣклъюку тӯньяҳқа̄гуқ. Ынка̄м лъпысинун пикума қырңуҳтифқа̄фси манимың пилӷа̄си.

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

К Галатам 4:15

На̄гу қуяңалъыҳси? Лӣсимакамси пияқлъыгуяқата ийыси нусюглюки тагиваӷнаяӷаси.

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Колоссянам 4:13

Уңипа̄сюгамси Епафрас қыпҳаҳлъяка̄гуқ каюсӣнъалюси, каюсӣнъалюкилъю Лаодикияӷмӣтлъю, Иераполыӷмӣтлъю.

1е Фессалоникийцам 2:8

Пиниқыпихтамси, ынка̄м қуякусиқинаӷлюку лъпысинун лӣсимакысюгапут Кияӷныӷым Пинилӷӣт Уңипӣ. Пинилӷӣңина̄т Уңипат пихпынаки, қуякусиқинаӷлюку сямың тамаҳа̄ның каюсиӷьюглюси аюқамси, қаюҳлъяк пиниқсялӣткақамси.

К Филимону 1:14

Иўырңа хўаңамнитысна̄нӷитақа ўыткуқун сивуклъютын а̄птаҳлъютын. Итагнақумакувгу хўаңамнитысқылъюку та̄ўа лъпык пиюкылъқылъықан, қаюҳлъяк қылӷунӷитамкын таўатын писқылъютын.

1е Петра 4:11

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.

1е Петра 5:2

Ынка̄м қылыӷьюгамси Пынъиниҳатыни хўатын: Пынъӣӷнӣҳтыңутык Кияӷныӷым пынъӣӷитнун; ныӷьюкуткақӣ лъпысинун афлъыңакысқылъюки. Афлъыңакитыки қаюҳлъяк афлъыңаксюкыси, нака̄н қаюҳлъяк пияҳқа̄тыхпысиның. Кияӷныӷым таўатын писқысюгӣси. Афлъыңакитыки нака̄н акилыҳтӯсяңыпигыснаӷналюси, иўырңа қаюҳлъяк каюсиӷьюкыси.