2е Коринфянам 8:24 - Новый Завет на эскимосском языке

²⁴ Ынка̄м Коринфыӷмӣни, ысҳаҳтыстыху пиниқилъыҳси та̄кугнун югыгнун. Та̄хкын пиниқилъыҳпыси ипапиҳқыслъықӣт ухпықат юӷаӷвигнилңӯт сяңан қанаткылъымнъың лъпыси.

2е Коринфянам 8:24 Iomraidhean Croise

Деяния 9:31

Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

2е Коринфянам 7:4

Ныӷьюкыҳлъяглюси аюқамси, қука̄югуткыпихтамси. Кайымыҳлъягақаҳпысиңа. Ынка̄м сыӷлылӣлъыҳлъямнъи паниның тывуӷа̄қуңа қуялъыӷмың.

2е Коринфянам 8:8

Қылӷунӷитамси тӯнисқылъюси, иўырңа уңипа̄тңўа̄мси натын иляңит тӯниматаңи. Ынка̄м тӯнилъыҳпыси ипапиҳқылъықа̄ пиниқилъыҳси ипаңутаңа.