2е Коринфянам 8:23 - Новый Завет на эскимосском языке

²³ Тит қыпҳалгуткақа, қыпҳалгусиӷақа̄ңа каюсӣнъалюси. Та̄куклъю ухпықа̄лгутык ухпықат юӷаӷвигнилңӯт каяхтыкақахкыт. Қӯлваҳлъяглюку Христос аюқа̄к.

2е Коринфянам 8:23 Iomraidhean Croise

От Луки 5:10

қыпҳалгуткыклъю Иаковым, Иоанным, Зеведейем иӷныӷык. Иисусым пика̄ Симон: «Алиңыхпынаң, хўакын кынлыклъюку югмың на̄псягунъақңӯтын».

От Луки 5:7

Аңьям а̄лъҳанилңӯт илятың апақӣт каюсиӷьяҳтӣсқылъютың. Ка̄систың аңьяк имиқахкыт ыслъықаӷаҳлъюкык рыпалъ калыфқаҳтыкат.

От Иоанна 13:16

Ипа уңипа̄тамси, қыпҳаҳта а̄ңатаӷанӷитуқ умӣлыгминың, уңипаҳталъю а̄ңатаӷанӷитуқ каяхтистыминың.

1е Коринфянам 11:7

Ю̄к насқуӷӣтиӷьяҳқа̄нӷитуқ манигӯскуми қаюҳлъяк Кияӷныӷым наңаӷныӷатун улима̄ӷӯқ, Кияӷныӷым а̄ңылъҳа ысҳӣсқылъюку. Иўырңа аӷнақ улима̄ӷӯқ югым а̄ңылъҳа ысҳӣсқылъюку.

2е Коринфянам 12:18

Каяхтыкақақа Тит лъпысинун писқылъюку, ухпықа̄лгутфутлъю малигутысқақа. Титым пӯҳсимисӣ? Нака̄, Титымлъю, хўаңалъю қыпҳақаҳпут ата̄сӣгуқ, ата̄сикун таӷныӷакун.

2е Коринфянам 7:6

Иўырңа Кияӷныӷым илютуҳсяӷақӣ ӣлъқыңъалӷӣт, ынка̄м илютуҳсяӷӣлъю тагистылъыӷмикун Тит хўаңкунъун.

2е Коринфянам 8:16

Игамсиқаюгвикақа Кияӷнық қаюҳлъяк Тит каюсиӷиюхтыстыҳлъякаңа лъпысиның катам хўаңкутыстун.

2е Коринфянам 8:18

Ухпықа̄лгутфут Титымун малигутыснақаҳпут. Қамахтыңъўа̄ӷлютың ухпықат қырңуӷуткаюгның юӷаӷвигни усюқыпихтақа̄т уңипақилъҳаның Пинилӷӣның Уңипаның.

2е Коринфянам 8:19

Та̄наңина̄хпына̄н, ухпықат накмикыхкақа̄т малигутысқылъюку хўаңкутхун, тӯнияҳтуқумта наңлъыкусямың тунусямың ухпықанун. Таўатын пиңӯкут усюқылъыңысқылъюку Атанық, югнунлъю лӣтысқылъюку каюсиӷиюлъыҳпут.

2е Коринфянам 8:22

Титмунлъю малигутыснақаҳпут иляңа ухпықа̄лгутфут. Аўын ысҳаӷналюку натытуляңа пӣқаҳпут, пиялӷӣкут ӣўлың каюсиӷиюкыстаӷлюни аюқыфтуқ. Ўанлыги ма̄тын каюсиӷиюхлъягуҳтуқ қаюҳлъяк ныӷьюкыҳлъякаңиси.

2е Коринфянам 8:6

Тит лъпысинитақңами пӣнлиӷика̄гуқ қырңуҳтилъыҳпысиның манимың. Ынка̄м кайымаҳпут каюсӣсяҳтӣсқылъюси апыӷӣӷысқылъюку наңлъыкусяҳси тунусяқ.

К Филиппийцам 2:25

Сюмыҳтаӷа̄ткақақа ухпықа̄лгутфут Епафродит лъпысинун утыӷниҳтысналюку. Каюткаҳқаӷьюгумалюңа тагистыкақыхкыси каюсӣтысқылъюңа. Қырңа̄мтуң қыпҳақа̄гукуңлъю, уңипақика̄гукуңлъю Пинилӷӣның Уңипаның. Ныкывӷаткақапуңлъю Пинилӷӣт Уңипат кипулъхина̄лӷӣның.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.

К Колоссянам 1:7

Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут.

1е Фессалоникийцам 2:2

Иўырңа сивунӷани лъпысинун пилъымта, лӣсимакаҳси Филиппыми икфиқлъӣҳтыстыкақӣнкутлъю, сыӷлықӯқақӣнкутлъю. Тама̄нлъюта қайўа углялӷӣм югым аӷулӣҳнақуткыӷңӣлъю Кияӷныӷым илютустыкақӣнкутлъю, ынка̄м уңипа̄сяҳтуӷамси Пинилӷӣның Уңипа̄мың Кияӷныӷым.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

К Титу 1:4

Укут посланият Титымун пиңӯт, иӷныпикамкын ухпықилъымтыгныгун. Кияӷныӷым Атам, Христос Иисусымлъю Югулиӷистымта қуяслъитынлъю, ныкыхмылъылгуслъитынлъю.

К Филимону 1:17

Ынка̄ңам тугуклъӣмакувңа қыпҳалгутңулюңа, тугуклъиӷнакын Онисим хўаңаңуслъюку.

К Филимону 1:24

Қыпҳалгутмалъю Маркымлъю, Аристархымлъю, Димасымлъю, Лукамлъю лъңиталъюңуқ пиниқӣси.

3е Иоанна 1:8

ынка̄м хўаңкута ухпықани каюсиӷьяҳқақапут тама̄кут югыт. Таўатын пикумта қыпҳалгуткылъықӣлъю апыҳтуӷиңулютың ипапиҳқылъыӷмың.