2е Коринфянам 8:18 - Новый Завет на эскимосском языке

¹⁸ Ухпықа̄лгутфут Титымун малигутыснақаҳпут. Қамахтыңъўа̄ӷлютың ухпықат қырңуӷуткаюгның юӷаӷвигни усюқыпихтақа̄т уңипақилъҳаның Пинилӷӣның Уңипаның.

2е Коринфянам 8:18 Iomraidhean Croise

К Римлянам 16:4

Талўа туқутылъыҳқаҳтынь пикаткыхпына̄н пақнӣҳсяҳқақа̄гныңа. Тама̄кын апалъюқлъюку игамсиқаюхлъягӯңа лъкыхкының. Қамахлъютыңлъю ухпықат язычнигыт юӷаӷвигитнилңӯт игамсиқаюгӯт.

1е Коринфянам 16:3

Ка̄скума каяхлъықанка тама̄кут накмикыхкаси посланиятхун агля̄тысқылъюку тунусяҳси Иерусалимымун.

1е Коринфянам 4:17

Тама̄кын апалъюқлъюку Тимофей каяхтыңъўа̄қа лъпысинун. Иӷнықылӷӣстун аюқақа Атаныҳқун. Ата̄сӣӷмылңуқ ухпықақ пиниқыпихтақа. Нықаңуҳна̄ӷӣси натын хўаңа кияҳтақылъымның Христосымун. Таўатылңуқ кияҳта̄лъық апыҳтӯсяқақақа ухпықанун тамаңанилңуӷнун.

1е Коринфянам 7:17

Кияӷныӷым ата̄сикаҳтаҳпыси ухпықистақңиси Христосымың, ныңуҳтыка̄стык налиӷмың ныңуҳсимаңистык? Обрезанияка̄стык налиӷмың пимаңистык? Қыпҳаҳтыля̄ӷуяӷыстык налиӷмың қыпҳаҳтыля̄ӷунӷистык? Алмысиқлъюси таўатын нагныҳтык қаюҳлъяк Атанӷым таўатытыстыкақӣси. Қамахлъюки ухпықат та̄хкын апыҳтуӷақанка.

2е Коринфянам 12:18

Каяхтыкақақа Тит лъпысинун писқылъюку, ухпықа̄лгутфутлъю малигутысқақа. Титым пӯҳсимисӣ? Нака̄, Титымлъю, хўаңалъю қыпҳақаҳпут ата̄сӣгуқ, ата̄сикун таӷныӷакун.

2е Коринфянам 2:12

Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

2е Коринфянам 8:19

Та̄наңина̄хпына̄н, ухпықат накмикыхкақа̄т малигутысқылъюку хўаңкутхун, тӯнияҳтуқумта наңлъыкусямың тунусямың ухпықанун. Таўатын пиңӯкут усюқылъыңысқылъюку Атанық, югнунлъю лӣтысқылъюку каюсиӷиюлъыҳпут.