2е Коринфянам 8:10 - Новый Завет на эскимосском языке

¹⁰ Аўатаңани лъпыси қырңуҳтиюхўа̄қа̄гуси манимың, тӯника̄гусилъю қаюҳлъяк тӯниюлӷӣси. Сюмымни хўатылъюку пияқуфсигу, итагнаӷнаяҳтуси,

2е Коринфянам 8:10 Iomraidhean Croise

От Матфея 10:42

Китум алңунак ныңлыкыхлъыҳӣмың мыҳсикумигу укалиҳпигақ малихся̄ҳтыка апалъюқлъюку малихся̄ҳтыкутымның, ипа пӣмси акилыҳтӯсяңыпыста̄ӷьяҳқа̄гуқ».

От Иоанна 11:50

Итагнаӷатаӷаӷнаяҳтуқ ата̄сим югым туқуматкысяқумики югыт, қамахлъютың юмта на̄фқылъыҳқӣтның. Иўырңа лъпыси лӣгикигатаҳси та̄на».

От Иоанна 16:7

Иўырңа уңипа̄нъақамси ипапигмың: пиниӷатаӷаӷьяҳқа̄гуси аӷуляқыхкума, қаюҳлъяк каяхфикылъықамси Каюткаҳқагның. Аӷуляқынӷилъкума Каюткаҳқак тагина̄нӷитук лъпысинун.

От Иоанна 18:14

Каиафам пикақыхкаңи Иудеит иглыӷутистыт, пиниӷатаӷаҳлъықнилюку ата̄сиқ ю̄к туқумаяқан югнун.

1е Коринфянам 10:23

Иляси пика̄гут: «Итагнаҳтуқ сяңўа̄ пиюкылъқа пияӷңа̄мкун». Иўырңа хўаңа пӣмси, иляңи сялъыси пининӷитут. А̄а, ынтақун: «Итагнаҳтуқ сяңўа̄ пиюкылъқа пияӷңа̄мкун», иўырңа иляңан сялъыҳпыси каю̄сӣнъа̄нӷитӣ ухпылъыси.

1е Коринфянам 16:2

Сивулиҳпигаӷми Сянтилъҳым аӷныӷани қамахлъюси а̄фтӣқитык манимың алъхыӷныҳпысиның. Тӯньяҳқаҳпыси аңталяңа алъхыӷныҳпыси аңталяңаның ӣклъюку тӯньяҳқа̄гуқ. Ынка̄м лъпысинун пикума қырңуҳтифқа̄фси манимың пилӷа̄си.

1е Коринфянам 6:12

Иляси пика̄гут: «Итагнаҳтуқ сяңўа̄ пиюкылъқа пияӷңа̄мкун». Иўырңа хўаңа пӣмси, иляңан сялъыҳпыси каю̄сӣнъа̄нӷитӣ ухпылъыси. А̄, ынтақун: «Итагнаҳтуқ сяңўа̄ пиюкылъқа пияӷңа̄мкун». Иўырңа сюмыҳтаӷаӷьялӷӣңа сыӷлыӷмун айӷипахлъягнаюкама пина̄нӷитуңа.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

1е Коринфянам 7:40

Иўырңа қуяңа̄ӷатаӷаӷьяҳқа̄гуқ угӣнқихныӷилъкуни. Та̄куста сюмыҳтаӷалъҳынка. Ухпықақа Кияӷныӷым Таӷныӷакык хўаңамнитуқ.

2е Коринфянам 12:1

Қука̄юхсяҳқа̄гуңа, аныӷныҳқусӣнӷитыӷңа̄н. Паниның уңипа̄нъақамси ысҳаӷўа̄лъымның, Атанӷымлъю алӣҳқуқа̄ның хўаңамнун.

2е Коринфянам 8:6

Тит лъпысинитақңами пӣнлиӷика̄гуқ қырңуҳтилъыҳпысиның манимың. Ынка̄м кайымаҳпут каюсӣсяҳтӣсқылъюси апыӷӣӷысқылъюку наңлъыкусяҳси тунусяқ.

2е Коринфянам 8:8

Қылӷунӷитамси тӯнисқылъюси, иўырңа уңипа̄тңўа̄мси натын иляңит тӯниматаңи. Ынка̄м тӯнилъыҳпыси ипапиҳқылъықа̄ пиниқилъыҳси ипаңутаңа.

2е Коринфянам 9:2

Лӣсимакамси каюсиӷиюглюси аюқуси ынка̄м қанаткақамси ухпықӣтнун Македониям. Хўатын пика̄гуңа: «Аўатаңани има ухпықа̄лгутыт Ахаиямылңӯт ята̄ҳқыхка̄гут тӯниналютың». Сягиқылъыҳпыси алъюлъюки ухпықат ма̄нлыңӯт тӯниюхтыстыкақӣтлъю.

К Филиппийцам 4:17

Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.

К Евреям 13:16

Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.