2е Коринфянам 7:4 - Новый Завет на эскимосском языке

⁴ Ныӷьюкыҳлъяглюси аюқамси, қука̄югуткыпихтамси. Кайымыҳлъягақаҳпысиңа. Ынка̄м сыӷлылӣлъыҳлъямнъи паниның тывуӷа̄қуңа қуялъыӷмың.

2е Коринфянам 7:4 Iomraidhean Croise

Деяния 5:41

Апостолыт а̄нысистың қуяҳлъякат, қаюҳлъяк Кияӷныӷым кайңусяӷа̄тыстыкақыхкаңи Иисус апалъюқлъюку.

К Римлянам 5:3

Та̄м ся̄ӷўакун қуя̄қукут сыӷлылӣлъымнъи қаюҳлъяк лӣсимакаҳпут сыӷлылӣлъҳым нуқынъыҳтулъыңыстақӣлъю.

1е Коринфянам 1:4

Игамсиқаюгвикақақа Кияӷнық қаюҳлъяк наңлъыкыхкақӣси Христос Иисусыкун.

2е Коринфянам 1:14

сяңўа̄ ма̄тын лӣгикыхкаҳпыси налиӷныҳӣна̄, ынка̄м Аӷныӷани Атанӷым Иисусым лъпыси қука̄югуткылъықаҳпысикут катам хўаңкута қука̄югуткылъымтыстун лъпыси.

2е Коринфянам 1:4

Каюсиӷақӣлъю қамахлъюта сыӷлылӣлъымнъи, ынка̄м хўаңкуталъю каюсиӷьяқлъыгўа̄пут тама̄кут алъя̄ҳӣнаӷмың сыӷлылӣлӷӣт, атуқлъюку ата̄сиқ та̄на каюсилъық алъхыҳтыкаҳпут Кияӷныӷмың.

2е Коринфянам 10:8

Кайңукигатақа қанаткивлыӷапалъқа Атанӷым иглыӷутистыңуҳтыстыкаңаңа лъпысинун. Таўатын пика̄гуқ хўаңкунъун кайымысқылъюку ухпықилъыҳси, нака̄н на̄фқынъалюку.

2е Коринфянам 11:21

Кайңуюхтуңа кая̄тыпихтукут таўатын пилъыҳқамнъың лъпысинун тама̄кустун апостолсиӷўа̄ӷыстун. Кина алңунак қука̄юхсяҳқа̄кан, хўаңалъю қука̄юхлъықуңа. Иўырңа таўатын пилъыҳқақ тымңитхўаңӯқ.

2е Коринфянам 2:14

Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

2е Коринфянам 3:12

Та̄на сиӷимакутымнъың тытугигатңўа̄ҳтукут.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

2е Коринфянам 8:24

Ынка̄м Коринфыӷмӣни, ысҳаҳтыстыху пиниқилъыҳси та̄кугнун югыгнун. Та̄хкын пиниқилъыҳпыси ипапиҳқыслъықӣт ухпықат юӷаӷвигнилңӯт сяңан қанаткылъымнъың лъпыси.

К Филиппийцам 1:14

Анусимиңлъяӷвигмытылъыӷма алъюлъютың ухпықалӷутыт ухпықӣӷатаӷаҳтыстӣ Атаныҳқун. Ынка̄м ўата тытугнаниӷатаӷаҳтут уңипақныӷмыхтыху Христос.

К Филиппийцам 1:20

Пиюкылъыҳлъякалъю, сиӷимакылъыҳлъякалъю ысҳа та̄на, кайңусяӷа̄тыфқа̄ма пиналюңа Христосымун. Итупилъ кияҳсюгақуңа илютулюңа ўатақа̄ӷақ ма̄тын анусимиңлъяӷвигмытылъымни. Ынка̄м Христос қӯлвалъыңылъықуқ уңуваӷңа̄ӷма, налиӷмың туқуяӷңа̄ӷма.

К Филиппийцам 1:26

Лъпысинун пикума, усюқатаӷаҳлъықаҳси Христос Иисус хўаңа апалъюқлъюңа.

К Филиппийцам 2:17

Ухпықилъыҳсилъю, қыпҳалъыҳсилъю Кияӷныӷмун аҳқутыстун аюқут. Туқускаңатңа хўани анусимиңлъяӷвигми қуялъықуңа, қаюҳлъяк туқулъқа аҳқутыстун аюқсяҳқа̄гуқ тӯнылӷӣ лъпыси аҳқутыхпысинун ӣӷўӣсӣлюни. Та̄м қамахлъюта қуяслъықӣнкутлъю.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

1е Фессалоникийцам 2:19

Лъпыси сиӷималъқамси, қуясиқамси, қаҳпакамсилъю. Та̄на қаҳпа хўаңкута қука̄югусиқылъықаҳпут мануңани Атанымта Иисусым тагикан.

1е Фессалоникийцам 2:2

Иўырңа сивунӷани лъпысинун пилъымта, лӣсимакаҳси Филиппыми икфиқлъӣҳтыстыкақӣнкутлъю, сыӷлықӯқақӣнкутлъю. Тама̄нлъюта қайўа углялӷӣм югым аӷулӣҳнақуткыӷңӣлъю Кияӷныӷым илютустыкақӣнкутлъю, ынка̄м уңипа̄сяҳтуӷамси Пинилӷӣның Уңипа̄мың Кияӷныӷым.

2е Фессалоникийцам 1:4

Тама̄кын апалъюқлъюку қанаткақамси иляңитнун ухпықат Кияӷныӷым юӷаӷвигитнилңуӷнун. А̄пҳақаҳпут нуқытутиныҳтулъыҳсилъю, ухпықилъыҳсилъю қайўа амью̄ткылъыңыӷңа̄ҳпыси, икфиқылъыңыӷңа̄ҳпысилъю.

К Филимону 1:7

Ухпықа̄лгутымни, пиниқилъыҳпык Кияӷныӷым юганун қуястыҳлъяга̄ңалъю, кайыма̄ңалъю! Пиниқылъыҳпык қуястӣ Кияӷныӷым юги.

От Иакова 1:2

Ухпықа̄лгутымни, қуя̄қитык алъя̄ҳӣнаӷмың сыӷлылӣныҳпысини,