2е Коринфянам 7:11 - Новый Завет на эскимосском языке

¹¹ Ысҳақаҳтыхуқун сяңутаңа Кияӷныӷым апыӷӣқа̄ қивӷулъыҳпысигун. Қивӷулъыҳпыси ыфқуӷутысюхлъягӣси Кияӷныӷмун. Ынңа̄талъ ипапиҳқынъақуткыхка̄яҳтуси анахутылъҳинъилюси. Угумиягуткақаҳси анахутылъық, алиңрӯқа̄гусилъю. Ысҳаӷьюпихтыкақаҳпысиңа, пинитун пика̄гуси, аӷью̄қақаҳсилъю анахуткақ. Таўатын пилъыҳпысигун ипапиҳқыхка̄гуси апалъӣнъилюси.

2е Коринфянам 7:11 Iomraidhean Croise

От Марка 3:5

Иисусым ысҳапагңа̄ӷмики угумиягуткӣ, нақам ӣлъқуткумӣта пиныҳлъюгулъҳитныңлъю ўа̄кигатңитныңлъю. Та̄хкын Иисусым қӣвлюку ю̄к пика̄: «Ӣхытын ныңугутики». Лыган ныңугутӣ ага на̄лъҳуткат.

От Иоанна 2:17

Малихся̄ҳтыңита нықа̄тка̄т Акузитыт Игақыхкат пилъҳат: «Мыгнукиңалъқа Мыңтыӷаҳпынун на̄фқуткынъақңўа̄қа».

Деяния 17:16

Афиными Павел утақӣткылъюку Силанкугның, Тимофейенкугның ювӷӣӷьялӷӣми тама̄ни сыӷлыӷьюхлъякақ, қаюҳлъяк кияӷныңлъяқаҳтупихтыфтуқ.

К Римлянам 11:20

Та̄на ипаңӯқ. Кияӷныӷым айымтақӣ аваят қаюҳлъяк ухпықынӷилъкаңат лъңа. Иўырңа лъпыси ныкыхтыстыкақӣси уқфигмун қаюҳлъяк ухпықыхкыси лъңа. Ынка̄м қука̄юхтыхпынаси, йыӷлыги алиңитык.

К Римлянам 14:18

Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.

К Римлянам 3:5

Анахунъымта, анахутылъымта югыт лӣгикыстыңъўа̄ӷақӣт Кияӷнық ылъқуӷутңанилюку. Ынка̄м пилъықыста̄ Кияӷнық анахунъилюку аӷью̄қаңилъю анахутылъымнъун? (Акузиңӯңа югыстун.)

1е Коринфянам 12:25

Ынка̄м югусиқ қыпҳақаюгӯқ қырңаӷми. Налиӷныӷым қамахлъютың афлъыңакақӣт илятың таўатыңўа̄қ.

1е Коринфянам 5:2

Паниның ю̄куткақытсӣ лъпысиның катам? Қивӷуҳлъягьяқлъыгыстун! Лъпыси иқисяқлъыгыстун ю̄к та̄на акулыхпысиның.

2е Коринфянам 13:7

Юӷаӷақукут Кияӷныӷмун каюсӣтысқылъюси анахутыфқа̄фси писқылъюси. Иўырңа юӷа̄ңунӷитукут ипапиҳқынъалюку лъпысинун Кияӷныӷмун итагнақуманилюта. Итупилъ хўаңкута юӷа̄ткақамси ылъқуӷутңа̄н писқылъюси, қайўа югыт пиӷңата̄лъю итагнақылъҳинъилюта Кияӷныӷмун.

2е Коринфянам 2:6

Таўатыңинақ аӷью̄ӷилъыҳси итагнаҳтуқ.

2е Коринфянам 6:4

Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

2е Коринфянам 7:7

Илютуҳтыка̄гукут тагӣқңан Тит, иўырңа илютуҳлъыңатаӷаҳтукут уңипа̄силъю лъпысинун илютуҳся̄манилюни. Уңипа̄тӣлъю лъпысинун ысҳаӷьюпихнилюңа, қивӷукнилюңа сыӷлылӣҳқылъыҳпысиның, каюсиӷьюпихнилюңалъю. Таўатын пилъыҳпыси ўанлыги қуястыҳлъяга̄ңа.

2е Коринфянам 7:9

Қуяңунӷитуңа посланиямнун қивӷусиманилюси. Иўырңа қуяҳлъягӯңа қивӷулъыҳпыси алъяңуҳтыстыкақыхкаңи кияҳта̄лъыси. Қивӷулъыҳси Кияӷныӷым атуқыхкақа̄ лъпысинун, ынка̄м натын алңунак хўаңкута ақниҳтылъҳитамси.

2е Коринфянам 9:2

Лӣсимакамси каюсиӷиюглюси аюқуси ынка̄м қанаткақамси ухпықӣтнун Македониям. Хўатын пика̄гуңа: «Аўатаңани има ухпықа̄лгутыт Ахаиямылңӯт ята̄ҳқыхка̄гут тӯниналютың». Сягиқылъыҳпыси алъюлъюки ухпықат ма̄нлыңӯт тӯниюхтыстыкақӣтлъю.

К Ефесянам 4:26

Сякшитык иўырңа сыӷлыҳқыхпынаси. Сиқинық тывиҳтыстыхпына̄н паниның сякшитңулюси.

К Ефесянам 5:11

Илятқаҳтаҳпынаси югнун сятңунӷилңуӷмың пилӷӣнун мамлыгми. Итупилъ лӣгикыстыкӣ таўатын пилъҳит сыӷлыӷӯт.

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

1е Фессалоникийцам 4:6

Китум алңунак сякусӣқыфқа̄н пилигу ухпықа̄лгутми иңлюңа атуқилъыӷмун. Атанӷым аӷью̄ҳлъяхлъықӣ таўатын пикаюгыт. Сивунӷани кылыңася̄ҳлъякақамси тама̄кын.

1е Тимофею 5:20

Кина алңунак сыӷлыҳқумаңинақан, аӷью̄ӷнакын сыӷлыҳқынъанӣсқылъюку ухпықат мануңитни. Таўатын пикувгу иляңи тама̄кут алиңылъықут.

2е Тимофею 2:15

Та̄куңинаҳа̄гның қыпҳа̄ Кияӷныӷмун итагнақысқылъютын. Қыпҳаҳтыңу кайңукиңигалңуқ қыпҳақаминың. Ылъқуӷаҳлъюкулъю апыҳтӯсяқигу Кияӷныӷым уңипаҳпига̄.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

От Иакова 3:17

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

1е Петра 1:17

Юӷаныҳпысини Кияӷныӷмун Атакнӣқаҳси. Нанқихтақа̄ атуныңўа̄қ ю̄к тамаҳа̄н сялъыҳтулңатун. Ынка̄м талъюқитыху нуната̄малюси нунами хўани.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

От Иуды 1:23

Югулитыки акуқақалъҳӯлӷӣстун кынӷыгның. Наңлъыкақлъюки иляңитлъю иўырңа пира̄мсиңўа̄ӷлюси лю̄рақ сыӷлыҳқылъҳистун пӣқся̄ҳтуси. Угумиклъюки сыӷлыҳқылъҳит катам угумикылъыҳпысистун нукыхнаҳқыҳлъякӣт а̄ткатың сыӷлыҳқыңъулютың.

Откровение 3:19

Тама̄кут пиниқыхканка налъҳусяӷақанка, аӷью̄ӷақанкалъю. Ынка̄м сягиқныӷуҳтык, авутыҳқылъюси сыӷлыҳқынъаниҳтык.