2е Коринфянам 7:1 - Новый Завет на эскимосском языке

¹ Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

2е Коринфянам 7:1 Iomraidhean Croise

От Матфея 12:33

«Уқфик афлъыңакыхкақ пинилӷӣңӯқ, пӣтыстыкӣ пиниҳтут. Уқфик афлъыңакылъҳилңуқ сыӷлыӷӯқ, пӣтыстыкӣ сыӷлыӷӯт. Пӣтыстилъҳакун лӣсимакылъықаҳси уқфигым натытуляңа.

От Матфея 5:48

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

От Матфея 5:8

Тама̄кут умьюгақыхтат қуястылъылгӯт, қаюҳлъяк ысҳаӷьяҳқақа̄т Кияӷнық.

Деяния 9:31

Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.

К Римлянам 5:20

Лӣлиҳтӯсят Кияӷныӷым тӯныхкӣ Моисейемун югыт лӣся̄ӷаҳтыстӣт сыӷлыҳқылъыӷмың. Иўырңа югыт сыӷлыҳқатаӷаӷьята Кияӷныӷым наңлъыхталъҳа нуляңинақақ.

2е Коринфянам 1:20

Лъңаңӯқ «Аңылъық» тамаҳӣтнун Кияӷныӷым акықусӣтнун. Тама̄кын апалъюқлъюку хўаңкута «Аминақукут» лъңакун усюқнымтыху Кияӷнық.

К Ефесянам 2:3

Қамахлъюта кияҳтыка̄гукут тама̄кустун югыстун. Атуқыхкақапут сыӷлыҳқыңъалӷӣт пиюкылъҳи югусимталъю, умьюгамталъю. Ынка̄м қамахлъюта алъхықа̄тымнъың сыӷлыҳқыстыңулюта, аӷью̄лъыңнақңуяҳтукут Кияӷныӷым сякша̄лъҳакун.

1е Фессалоникийцам 3:13

Таўатын айыпсюгиҳсяҳлъықӣ илюси авутңитысқылъюсилъю, пылюңитысқылъюсилъю сивуңани Кияӷнымта Атам, Атанымта Иисусым тагилъҳани. Таўани кылъқылъықӣ қамахтыңъўа̄ӷлюки лъми юни.

1е Фессалоникийцам 4:7

Кияӷныӷым накмикыхкақӣлъю кияҳтысқылъюта пылюңилъюта, сыӷлыҳқылъңуна̄мта.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

К Евреям 12:23

Тагика̄гуси қырңуӷутылъҳитнун қамахтыңъўа̄ӷлютың ухпықат иӷнықсюхўа̄ӷыстун аюқылӷӣт. Қилягми а̄тҳит игақңа̄т игатхун. Тагика̄гуси Кияӷныӷмун нанқихтистыңитнун қамахтыңъўа̄ӷлютың югыт, таӷныӷӣтнунлъю ылъқуӷутңалӷӣт югыт ӣӷўиҳтыстыканун.

К Евреям 12:28

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю,

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 6:9

Пиниқыхкамни, қайўа лъпысинун письмоткыӷңа̄мтыки тама̄кут, сюмыҳтаӷа̄ткигатамси таўатылъюси. Лӣсимакаҳпут пиниӷатаӷалӷӣмың қуястылъылгӯси югулилъыҳпысигун.

От Иакова 4:8

Қантаӷалъӣӷаҳтык Кияӷныӷмун, Кияӷнық қантаӷалъӣӷаҳлъықуқ лъпысинун. Сыӷлыҳқыстыни, ӯҳтуҳтык! Лъпыси ата̄сӣҳтылъҳилңуӷни, укмаңиҳтыки илюси қа̄мкут.

1е Петра 1:15

Кияӷнық накмикыстызи, пылюңитутаңаның лъпысилъю пылюңитык сялъыҳпысигун тамаҳа̄кун.

1е Петра 1:17

Юӷаныҳпысини Кияӷныӷмун Атакнӣқаҳси. Нанқихтақа̄ атуныңўа̄қ ю̄к тамаҳа̄н сялъыҳтулңатун. Ынка̄м талъюқитыху нуната̄малюси нунами хўани.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 2:11

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 1:9

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.