2е Коринфянам 6:7 - Новый Завет на эскимосском языке

⁷ Қыпҳа̄тңўа̄ҳпут Кияӷнық уңипақылъымтыхун ипапилъық. Атуқақаҳпут Кияӷныӷым аҳтуӷьяҳқа̄нӷилъҳа, ылъқуӷутңалъықлъю гӯтуткылъюку аӷынқигныӷымлъю, сяӷумигныӷымлъю.

2е Коринфянам 6:7 Iomraidhean Croise

От Марка 16:20

Та̄хкын малихся̄ҳтыт аӷуляқлъютың тамаңанун уңипақикат Пинилӷӣның Уңипаның. Атанӷым қыпҳалгусиқӣ, ипапиҳқыстыка̄лъю уңипақ алъя̄ҳлъюхўаҳтистылъыӷмикун. Аминь.

Деяния 11:21

Атанӷым аҳтуӷьяҳқа̄нӷилъҳа лъңитнитка̄лӷӣ, ынка̄м угляпыста̄қ ю̄к ухпыҳтӯлъюни қӣвӯткақ Атаныӷмун.

1е Коринфянам 1:24

Иўырңа хўаңкунъун Кияӷныӷым накмикыхка̄нун Иудеяңуӷңа̄мта, язычнигыңуӷңа̄мта таўатынъыӷитуқ. Христосым туқулъҳан қақӯракун лӣтыстыкақӣлъю Кияӷныӷым аҳтуӷьяҳқа̄нӷилъҳаныңлъю, пыҳқинылъҳаныңлъю.

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 7:14

Қанаткыхкақамси Титымун ыфқуқнилюси. Лъпысинун пӣқңами лӣткақӣ ипаңутаңи сямың пилъҳынка лъпысиның аюқылӷӣт, ынка̄м кайңуягутылъҳитанка қанаткилъҳынка. Ӣўлың ипапиҳқылъюта алыҳқуӷақамси. Таўатыҳпигақ ипаңӯт қанаткилъыҳпут Титымун.

К Ефесянам 1:13

Христосыкун лъпысилъю нагақуқақаҳси ипапик уңипақ. Пинилӷӣңӯқ Уңипақ уңипа̄тилӷӣ югулилъыҳпысиның. Ухпықақңафсигу Христос, Кияӷныӷым налъюнӣқақӣси Аглыӷналӷӣгның Таӷныӷагның, акықусяқыхкаминың тӯнылъықнилюкык.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

К Ефесянам 4:21

Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

2е Тимофею 2:15

Та̄куңинаҳа̄гның қыпҳа̄ Кияӷныӷмун итагнақысқылъютын. Қыпҳаҳтыңу кайңукиңигалңуқ қыпҳақаминың. Ылъқуӷаҳлъюкулъю апыҳтӯсяқигу Кияӷныӷым уңипаҳпига̄.

2е Тимофею 4:7

Пилъюўа̄ма̄қа пинилӷӣ пилъюўалъық, апыӷӣӷақа килга̄қулъқа, ата̄сӣӷмысимаңинақа̄гуңа Атаныӷмун.

К Евреям 2:4

Кияӷныӷымлъю ипапиҳқыхкақа̄ хўаңкунъун. Таўатын пика̄гуқ атуқылъыӷмикун алъя̄ҳӣна̄т алъя̄ҳлъюхўаҳтилъҳыт, уйыхтылъыӷмикунлъю тунусӣ Аглыӷналӷӣм Таӷныӷам пиюкылъыӷмитун.

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.