2е Коринфянам 6:6 - Новый Завет на эскимосском языке

⁶ Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

2е Коринфянам 6:6 Iomraidhean Croise

К Римлянам 12:9

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

1е Коринфянам 12:8

Та̄м ата̄сим Таӷныӷам югым иляңи акузистақӣ пыҳқинылъыӷмикун, иляңи лӣсималъыӷмикун.

1е Коринфянам 13:4

Пиниқылъық нуқынъыҳтӯқлъю, наңлъыхтаҳтуқлъю; пиниқылъық ақинаңитуқ, налиӷмың ямшаңитуқ, налиӷмың а̄ңа̄югныӷитуқ.

1е Коринфянам 2:16

Акузитыт Игақыхкат пилъҳистун: «Китум алңунак налъюка̄ Атанӷым сюмыҳтаӷалъҳа. Ынка̄м китум алңунак лӣлиҳтуӷна̄нӷита̄». Иўырңа хўаңкута ухпықани сюмыҳтаӷаӷақукут Христосым сюмыҳтаӷалъҳатун.

1е Коринфянам 2:4

Кукшагналӷӣмың акузиткумаңитуңа пыҳқиныҳлъягым акузитаңаның. Иўырңа Аглыӷналӷӣм Таӷныӷам аҳтуӷьяҳқа̄нӷилъҳан ипапиҳқыхкақӣ апыҳтуӷилъҳынка ипаңутаңи.

2е Коринфянам 1:23

Туқлъюӷақа Кияӷнық лӣсимакистыңулюку қаюҳлъяк лӣсимакыхкаңа қа̄мна илюка! Коринфысюгунӷитуңа сыӷлылӣҳқыснаюкамси.

2е Коринфянам 11:11

Каютыңлъянӷитутымның лъпысинун, сюмыҳпысинӣи пиниқынӷинъилюси пӣқыстык хўаңамнун? Кияӷныӷым лӣсимака̄ пиниқилъқа лъпысинун.

2е Коринфянам 11:4

Уңипақақңамтыки Пинилӷӣт Уңипат лъпысинун, ухпықыхкақаҳси Иисус, тугуклъиӷахсилъю Аглыӷналӷӣк Таӷныӷак. Иўырңа нагасюкыстаӷлюки аюқыхкақаси уңипақияҳтулӷӣт иляңаның Иисусымың. Тугуклъиӷиюхтусилъю иляңаның таӷныӷам, ухпықсюкақасилъю иляңи пинилӷӣт уңипат.

2е Коринфянам 11:6

Акузилъхитыӷңа̄ӷма, лӣсимаҳлъяхтуңа. Угляӷңа̄н лӣгикыстақамси лӣсималъымның.

2е Коринфянам 12:15

Тӯньяҳқа̄ҳтамси сямың тамаҳа̄ның хўаңа пимның, талўа хўаңамның тӯнылъықуңа лъпысинун. Пиниқатаӷанымси, лъяңақа лъпыси пиниқыпагигатаҳпысиңа.

2е Коринфянам 13:10

Тама̄кын апалъюқлъюку письмокақамси лъпысинун пивагилгама қаюҳлъяк нанқихсюнӷилъкымси аӷью̄ӷмигьяҳқа̄люси. Атанӷым қылъқақа̄ңа нанқихтыстыңулюңа лъпысинун. Ынка̄м нанқихсюгамси каюсӣнъалюси ухпықилъыҳтуҳтысқылъюси, нака̄н кая̄лисқылъюси.

2е Коринфянам 2:10

Кина сыӷывунъыҳписигу сямың лъпысинун пилъҳаның хўаңалъю сыӷывутақақа. Сяңўа̄ алңунак сыӷывусяҳқақ сыӷывусюгақақа лъпыси апалъюглюси Христос таўантыпихлъыҳӣстун,

2е Коринфянам 2:4

Письмока̄гуңа лъпысинун ынңа̄талъ а̄ңлюку қивӷулъылиӷлюңа қамагун илюмкун, қиямаӷма алъя қуянӷитыстыфқа̄фси пиналюси та̄ўаңинақ лӣгикысқылъюку пиниқылъыҳлъяка лъпысинун.

2е Коринфянам 3:3

Хўатыҳлъюўа̄қ посланияңӯси Христосымың пикат хўаңкунъун туюқӣ. Письмоткыхка̄нӷитуси чернилакун налиӷмың лъӣвнықыхтатхун уйӷахтыхун. Письмоткыхка̄гуси югыт илюңитхун Таӷныӷахкынкун уңувалӷӣм Кияӷныӷым.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

2е Коринфянам 7:2

Илялӣқаҳқут илюхпысигун. Кина алңунак анагңалӷӣмың пиңигатаҳпут, ухпықилъҳа на̄фқумаңитаҳпут, талўа пӯҳнықхӯсимаңитаҳпут.

К Галатам 3:2

А̄птаҳлъямси: натын алъхыҳтыкақыстыкык Аглыӷналӷӣк Таӷныӷак, қа̄ткутылъыҳпысигун Лӣлиҳтӯсянун налиӷмың ухпықылъыҳпысигун нагаткаҳпысигун?

К Галатам 3:5

Кияӷныӷым тӯныхкақисӣи Таӷныӷагминың, алъя̄ҳлъюхўаҳтика̄ўалъю̄ акулыхпысини қаюҳлъяк қа̄ткыхкыси Лӣлиҳтӯсят, налиӷмың ухпықыхкыси нагақуқаҳси?

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 3:4

Атиҳтуқуфсигу письмоткыхкақа лӣлъықаҳси лӣгикылъқа қайвиҳтылъҳилңуқ успықылъық Христосымың аюқылӷӣ.

К Ефесянам 4:2

Ӣўлың қусывыхлъюси, якумаңилъиқыхпынаси, нуқынъыҳтулюси, тугуклъӣтулъюси пиниқылъыҳқун.

К Ефесянам 4:32

Йыӷлыги наңлъыхтаҳтык, нафуҳтаҳтык иляхпысинун, сыӷывутулъюсилъю, катам Кияӷныӷым сыӷывуткақыхкаңиси Христосыкун.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 2:3

Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.

К Колоссянам 3:12

Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю.

1е Фессалоникийцам 2:10

Лъпысилъю, Кияӷнықлъю лӣсимакистыкамси. Лъпысини ухпықани кияҳтыка̄гукут пылюңилъюта, ипапиҳқылъюта, анахутылъңуна̄мта.

1е Тимофею 4:12

Китумун алңунак паляқыстыхпына̄н аңлинҳа̄малъҳын. Иўырңа ухпықанун успута̄ўи акузилъыҳпыгун, сялъыҳпыгун, пиниқылъыҳпыгун, ухпықилъыҳпыгун, пылюңилъютын кияҳтылъыҳпыгун.

1е Тимофею 5:2

Сӣванлъыӷыт аӷнат на̄кылӷӣстун пӣқики, ынка̄м уюқлъӣт аӷнат наягыстун пӣқики, қилӣӷьюкыфқӣта.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.

К Титу 2:7

Лъпык сялъыҳпыгун тамаҳа̄кун, успута̄ўи лъңитнун аныӷныҳқилъыҳпыгун. Апыҳтуӷӣқи ипапиҳқылъютын, пира̄мсилютын.

От Иакова 3:17

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Иоанна 3:18

Таӷнуҳаҳаӷни! Пиниқияҳқа̄нӷитукут акузитыра̄ӷинаҳтыхунлъю, акузилъымтыхунлъю. Йыӷлыги пиниқилъта ипапиҳқылъюта наңаӷнымтыхун.