2е Коринфянам 6:4 - Новый Завет на эскимосском языке

⁴ Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

2е Коринфянам 6:4 Iomraidhean Croise

От Луки 21:19

Ухпықилъыси айыпсюгитыстыкуфсики алъхыҳлъықаҳси уңувалъыҳси».

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

Деяния 2:22

Израилыӷмӣни, нагатаҳтыңъа, лӣсимакыхкаҳси Назаретыӷмӣ Иисус, угля̄пихлъюку алъя̄ҳлъюхўаҳтиҳлъяга̄тақа̄лӷӣ. Кияӷныӷым таўатын пистыкақа̄ аҳтуӷьяҳқа̄нӷилъыӷмикун лъпысинун лӣтысқылъюку лъңанун накмикыхкақутни.

Деяния 20:34

Лӣсимакаҳпысиңа сяңўа̄ аклъюкыхкақа, илямалъю хўаңамнилңӯт аклъюкыхкӣт қыпҳа̄ткаюўа̄нка алъхыҳналюки.

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

К Римлянам 14:18

Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.

К Римлянам 16:10

Уңипа̄таҳнакыси Апеллесалъю сю̄мқақақаңуқ. Нанӷӣҳсяӷалъыңақңами ипапиҳқыхкақа̄ ата̄сиӷмитылъыни Христосымун. Уңипа̄таҳнакыси ныңлъюгутаңи Аристовулым сю̄мқақанкаңуқ.

К Римлянам 3:5

Анахунъымта, анахутылъымта югыт лӣгикыстыңъўа̄ӷақӣт Кияӷнық ылъқуӷутңанилюку. Ынка̄м пилъықыста̄ Кияӷнық анахунъилюку аӷью̄қаңилъю анахутылъымнъун? (Акузиңӯңа югыстун.)

К Римлянам 5:8

Иўырңа Кияӷныӷым кылгуткақа̄ пиниқылъыни хўаңкунъун, паниның сыӷлыҳқыстыңулюта Христосым туқуматкыхкақӣлъю!

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

1е Коринфянам 4:1

Сюмыҳтаӷа̄ткитыкут қыпҳаҳтыкнилюта Христосымун. Қыпҳаҳтыңӯкут апыҳтуӷилӷӣт ипапиҳқылъыӷмың Кияӷныӷым апыҳтӯтка̄ның хўаңкунъун.

1е Коринфянам 9:11

Кияӷныӷым акузитаңи пӣсяҳқастун аюқут. Хўаңкутуң пӣтысиӷаӷвикыхкақамси, ынка̄м таӷныӷаси қуястыка̄гут. Туңсипахлъықыстӯң туңсиӷвикыхкумси аклъюкыхкамтыгның?

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 11:27

Уӷлыӷӣҳлъяка̄гуңа, пияқлъӣӷақлъюңа. Иляңани қаваҳпынаңа, игатаӷңа̄ӷмалъю, мықсюгңа̄ӷмалъю. Аўын нықңитақлъюңа, азигутӣтақлъюңа, ҳӯтақлъюңалъю а̄ткӣтым.

2е Коринфянам 11:9

Лъпысинитақңама уӷлыӷӣҳтылъҳитамси каюсӣтысқылъюңа аклъюкыхкамның. Ухпықа̄лгутыт Македониямың тагиткақа̄тңа сямың тамаҳа̄ның аклъюкыхкамның. Ынка̄м а̄пфикылъҳитамси аклъюкыхкамның, а̄пфикна̄нӷитамси.

2е Коринфянам 12:10

Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 12:12

Лъпысинилъюңа ныкыхлъюўа̄н угля̄пихлъыӷӣт алъя̄ҳӣна̄т алъя̄ҳлъюхўаҳтилъҳыт пикақанка. Тама̄кут ипапиҳқа̄тңа апостолыпӣгутка.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 4:8

Сыӷлылӣлъыңақукут алъя̄ҳӣнатун иўырңа кая̄лъқигатӣлъю. Иляңакун кукшагьюлъыңақукут иўырңа сиӷималъҳӣсигатукут.

2е Коринфянам 7:11

Ысҳақаҳтыхуқун сяңутаңа Кияӷныӷым апыӷӣқа̄ қивӷулъыҳпысигун. Қивӷулъыҳпыси ыфқуӷутысюхлъягӣси Кияӷныӷмун. Ынңа̄талъ ипапиҳқынъақуткыхка̄яҳтуси анахутылъҳинъилюси. Угумиягуткақаҳси анахутылъық, алиңрӯқа̄гусилъю. Ысҳаӷьюпихтыкақаҳпысиңа, пинитун пика̄гуси, аӷью̄қақаҳсилъю анахуткақ. Таўатын пилъыҳпысигун ипапиҳқыхка̄гуси апалъӣнъилюси.

К Колоссянам 1:11

Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун.

К Колоссянам 1:24

Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт.

1е Фессалоникийцам 3:7

Ухпықа̄лгутымнъи, сыӷлылӣҳлъягумалюта, икфиқыҳлъягумалюта илютуҳтукут қаюҳлъяк нагныӷутңукыси ухпықилъыҳси.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

1е Тимофею 2:15

Иўырңа аӷнат иӷнӣката таӷнуҳаӷның югулилъыңылъықут нагныӷумакуйың ныӷьюклъюку Иисус, пиниқимаңинақумың илямыхның, кияҳсимаңинақумыңлъю аглыӷнаӷлюку кияҳта̄лъыӷмың қусывыхтылъылиӷлютың.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 2:24

Атанӷым қыпҳаҳтыңа а̄ҳтӣра̄ҳтыңунӷитуқ. Итупилъ наңлъыхтаӷьяҳқа̄гуқ тамаңанун. Пинилӷӣңуяҳқа̄гуқ апыҳтуӷиста. Нуқынъыҳтуяҳқа̄гуқ.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

К Евреям 12:1

Қамахлъютың тама̄кут югыт лӣгикыстӣлъю ухпықилъыӷмыхның натын кияҳтылъыӷмыхтыхун. Ма̄тын увитаңиӷлюта ысҳапагақӣлъю. Ынка̄м килга̄қустыстун иқитылътыки қамахлъюки уқихкутат, сыӷлыҳқылъҳытлъю иглягулъҳӣт хўаңкунъун. Сягиқлъютаңам килга̄қулъта сивумнъилңуӷмун,

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.