2е Коринфянам 5:20 - Новый Завет на эскимосском языке

²⁰ Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

2е Коринфянам 5:20 Iomraidhean Croise

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Луки 14:23

Умӣлгым пика̄: “А̄нлютың ныҳлъягмың тумынилңӯт югыт тагиляӷа̄тысқики ынка̄м мыңтыӷақа ыслъықаӷаҳлъи.

От Иоанна 20:21

Та̄хкын Иисусым пиля̄тақӣ: «Ныкыхмылъық лъпысинилъи. Катам таўатын Атам каяхтылъҳатун хўаңа, таўатыҳпигақ каяхтамси».

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

2е Коринфянам 12:10

Та̄на апалъюқлъюку қуя̄қуңа кая̄лъиқңанымни, сыӷлықӯлъыңнымни, пияқлъӣнымни, амью̄ткылъыңнымни, алъя̄ҳӣнаӷмыңлъю сыӷлылӣнымни Христос апалъюқлъюку. Қаюҳлъяк кая̄лъиқңанымни та̄ўа икнақақуңа.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 5:11

Ынка̄ңам аликақаҳпут Атанық, тама̄кын апалъюқлъюку ухпыҳтыснақуткақапут югыт Христосыкун. Кияӷныӷым лӣсимакӣлъю натылңӯтфут югни, сюнаңуқ лъпысилъю лӣсимакитыкут таўатылъюта.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Ефесянам 6:20

Кияӷныӷым накмикыхкақа̄ңа акузистыңулюңа лъңанун. Ынка̄м тама̄кын апалъюқлъюку анусимиңлъяӷа̄гуңа қӣпшаӷусиӷлюңа. Юӷаҳтык уңипақиналюңа тытухпынаңа катам Кияӷныӷым пиюкылъҳатун.

К Колоссянам 1:20

Кияӷныӷым Иӷныӷмикун выӷутыстыкақӣ лъңанун сяңўа̄т қамахлъюки нунамилъю, қилягмилъю. Ынка̄м а̄ўакун Иӷныӷми туқа̄қңан қақӯрами илялӣӷутыстыкақӣ лъңанун.

1е Фессалоникийцам 4:8

Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.